Пётр Ільіч Клімук
Пётр Ільіч Кліму́к (нар. 10 ліпеня 1942, Камароўка, Дамачаўскі раён, БССР) — беларускі савецкі касманаўт, палітычны дзеяч. Генерал-палкоўнік авіяцыі (у адстаўцы з 2003). Доктар тэхнічных навук (2000), прафесар (2005), ганаровы член Нацыянальнай акадэміі навук (2017)[1]. Саветнік Аляксандра Лукашэнкі.
| Пётр Ільіч Клімук | |
|---|---|
 | |
| Краіна: |
СССР, Беларусь, Расія |
| Спецыяльнасць: | камандзір карабля |
| Воінскае званне: | генерал-маёр авіяцыі[d], генерал-лейтэнант авіяцыі[d] і генерал-палкоўнік |
| Экспедыцыі: |
Саюз-13, Саюз-18 — Салют-4, Саюз-30 — Салют-6 |
| Дата нараджэння: | 10 ліпеня 1942 (81 год) |
| Месца нараджэння: | |
| Узнагароды: | |
 Медыяфайлы на Вікісховішчы | |
Біяграфія правіць
Нарадзіўся ў вёсцы Камароўка (цяпер Брэсцкі раён). Бацька загінуў на фронце ў 1944 годзе.
Клімук вучыўся ў ваенна-авіяцыйнай школе першапачатковага навучання лётчыкаў (Крамянчуг, УССР), а пасля стаў курсантам Чарнігаўскага вышэйшага ваеннага авіяцыйнага вучылішча лётчыкаў імя Ленінскага Камсамола. Уступіў у Паветраныя сілы УС СССР у 1964 годзе. Наступным годам ён быў абраны для ўдзелу ў касмічнай праграме.
Яго першы касмічны палёт здзейснены на караблі «Саюз-13» 18—26 снежня 1973 года. Затым была місія на касмічную станцыю «Салют-4» на «Саюзе-18» у 1975 годзе.
З 1976 года Клімук уключаны ў праграму міжнародных касмічных палётаў, яго трэці і апошні касмічны палёт адбыўся летам 1978-года[2] разам з польскім касманаўтам Міраславам Гермашэўскім на «Саюзе-30».
Адзначаны вялікай колькасцю ўзнагарод: Герой Савецкага Саюза (двойчы), Ордэн Леніна (тройчы), польскі Ордэн Грунвальдскага Крыжа, Залаты медаль імя Цыялкоўскага, Залаты медаль імя Гагарына, а таксама Залаты медаль ад Польскай акадэміі навук. З’яўляецца ганаровым грамадзянінам Калугі, Гагарына, Джэзкагана.
Пётр Клімук аўтар дзвюх кніг пра касмічныя палёты — «За зорамі» і «Атака на бязважкасць».
- Дэпутат Вярхоўнага Савету СССР 10-га склікання
- Народны дэпутат СССР (1989—1991)
- Лаўрэат Дзяржаўных прэмій СССР (1978, 1981)
- Узнагароджаны Ганаровай граматай Нацыянальнага сходу Рэспублікі Беларусь (2002)[3]
Статыстыка палётаў правіць
Паводле[4]:
| # | Стартавы карабель |
Старт, UTC | Экспедыцыя | Карабель пасадкі |
Пасадка, UTC | Налёт | Выхады ў адкрыты космас |
Час у адкрытым космасе |
|---|---|---|---|---|---|---|---|---|
| 1 | Саюз-13 | 18.12.1973, 11:55 | Саюз 13 | Союз 13 | 26.12.1973, 08:50 | 7 сутак 20 гадзін 55 хвілін | 0 | 0 |
| 2 | Саюз-18 | 24.05.1975, 14:58 | Саюз 18, Салют-4 | Союз 18 | 26.07.1975, 14:18 | 62 сутак 23 гадзіны 20 хвілін | 0 | 0 |
| 3 | Саюз-30 | 27.06.1978, 15:27 | Саюз 30, Салют-6 | Союз 30 | 05.07.1978, 13:30 | 7 сутак 22 гадзіны 2 хвіліны | 0 | 0 |
| 78 сутак 18 гадзін 17 хвілін | 0 | 0 | ||||||
Памяць правіць
У 1978 годзе Брэсце ўстаноўлены бюст у гонар Пятра Ільіча Клімука (скульптар І. Міско, архітэктар С. Баткоўскі).
У аграгарадку Тамашоўка пры мясцовай школе, у якой вучыўся Пётр Клімук, створаны музей касманаўтыкі. Адзін з залаў музея прысвечаны Пятру Клімуку.
Зноскі
- ↑ Дважды Герой Советского Союза Климук Пётр Ильич :: Герои страны. Архівавана з першакрыніцы 27 красавіка 2012. Праверана 5 лютага 2009.
- ↑ Вікторыя Целяшук У космасе сніцца дом, а дома — космас // Звязда : газета. — 29 снежня 2009. — № 247 (26605). — С. 5. — ISSN 1990-763x.(недаступная спасылка)
- ↑ Постановление Президиума Совета Республики Национального собрания Республики Беларусь от 4 июля 2002 г. № 273-ПСР2 «О награждении П. И. Климука Почетной грамотой Национального собрания Республики Беларусь» Архівавана 18 лістапада 2011. (руск.)
- ↑ Statistics - Klimuk Pyotr Iliyich (англ.). spacefacts.de. Архівавана з першакрыніцы 19 красавіка 2021. Праверана 12 лістапада 2020.
Літаратура правіць
- Кліму́к Пётр Ільіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 391. — 800 с. — 5 000 экз. — ISBN 985-11-0026-9.
- Кліму́к Пётр Ільіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 343. — 10 000 экз. — ISBN 985-11-0035-8. — ISBN 985-11-0144-3 (т. 8).
Спасылкі правіць
- Пётр Ільіч Клімук на сайце «Героі краіны»