Рагачоўскі павет

Рагачоўскі павет (руск.: Рогачёвский уезд) — адміністрацыйна-тэрытарыяльная адзінка на Беларусі ў 1773—1924 гг. Цэнтр — г. Рагачоў. Утвораны 2 жніўня 1773 г. у складзе Рагачоўскай правінцыі, з 2 красавіка 1777 г. у Магілёўскай губерні, з 23 снежня 1796 г. — Беларускай губерні. У гэты час паўднёвая частка павета далучана да Гомельскага павета, а на поўначы яму перададзена частка Чэрыкаўскага і большая частка скасаванага Быхаўскага павета. З 27 лютага 1802 г. у Магілёўскай губерні з аднаўленнем межаў 1777 г. З 1861 г. падзяляўся на 18 валасцей, меў 9 мястэчак. Плошча каля 7451 км2, насельніцтва 121,6 тыс. чалавек (1864 г.), 142,9 тыс. чалавек (1885 г.). У 1917 г. было 14 валасцей. З 26 красавіка 1919 г. у Гомельскай губерні РСФСР, з 3 сакавіка 1924 г. у складзе БССР. 17 ліпеня 1924 г. скасаваны, яго тэрыторыя ўвайшла ў Бабруйскую і Магілёўскую акругі.

Рагачоўскі павет
Герб
Краіна	Расійская імперыя
Уваходзіць у	Магілёўская губерня
Адміністрацыйны цэнтр	Рагачоў
Дата ўтварэння	1773
Дата скасавання	1924
Насельніцтва (1897)	224 652
Плошча	6546,1 вёрст²

Тэрыторыя Рагачоўскага павета ставіцца да Палесся. У часы Кіеўскай Русі — гэта землі племя радзімічаў. У перыяд панавання Рэчы Паспалітай была ў валоданні вядомай «сожскай шляхты» (ад ракі Сож) фармавалася нараўне з «друцкай шляхтай» (ад ракі Друць) спрадвеку з этнічных беларусаў.

Адміністрацыйны падзел

Воласці

• Гарадзецкая (адміністрацыйны цэнтр — м. Гарадзец)
• Доўская (с. Доўск)
• Дудзіцкая (Дудзічы)
• Кармянская (м. Карма)
• Кашалёўская (с. Кашалёва)
• Кісцянёўская (с. Кісцяні)
• Лукаўская (с. Лукі)
• Мяркулавіцкая (с. Меркулавічы)
• Недайская (с. Недайкі)
• Пакоцкая (с. Покаць)
• Палеская (с. Палессе)
• Расохская (с. Расохі)
• Рэчкаўская (с. Рэчкі)
• Стараруднянская (с. Старая Рудня)
• Стаўбунская (с. Стаўбун)
• Стрэшынская (м. Стрэшын)
• Ціхініцкая (с. Ціхінічы)
• Чачэрская (м. Чачэрск).

Ураднікі павета

• Рагачоўскія павятовыя маршалкі

Прамысловасць

У 1855—1861 гадах у фальварку Астэрманск дзейнічала Астэрманская цукровая мануфактура.

Гл. таксама

• Рагачоўская правінцыя
• Рагачоўскае староства
• Рагачоўскі раён

Літаратура

• Насевіч, В. Рагачоўскі павет / Вячаслаў Насевіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 42. — 10 000 экз. — ISBN 985-11-0214-8.

Спасылкі

• Рагачоўскі павет (нявызн.)(недаступная спасылка). Архівавана з першакрыніцы 12 лістапада 2017. Праверана 3 чэрвеня 2017. Адміністрацыйная мапа (бел.)
• Малы гербоўнік рагачоўскай шляхты (нявызн.)(недаступная спасылка). Архівавана з першакрыніцы 24 кастрычніка 2017. Праверана 9 лістапада 2017. (бел.)