Размовы з удзельнікам:Artsiom91/2013—2017

Вітаем

Вітаем у Вікіпедыі! Рады бачыць вас у беларускамоўнай суполцы Вікіпедыі. Даведацца, што робіцца ў беларускай энцыклапедыі, можна на старонцы Апошніх змен. Што зрабіць? Тут ляжыць пералік таго, што трэба зрабіць. Калі ў артыкуле ёсць недакладнасць ці памылка, яе можа выправіць кожны (Гл. таксама: вікіфарматаванне) Можна ствараць новыя артыкулы, пашукаўшы перад гэтым ці ёсць ўжо такія. (Гл. таксама: беларуская раскладка, пагадненні пра найменне і афармленне артыкулаў) Як атрымаць дапамогу? Звярніцеся на форум Вікіпедыі або ў суполку Фэйсбука ці LJ, праз Discord, Telegram, IRC #wiki або ў «Размовы» да іншых удзельнікаў і адміністратараў.		Карысныя парады Пры стварэнні артыкула (Гл. таксама: беларуская раскладка клавіятуры, аўтарытэтныя крыніцы, вікіфарматаванне) трымайцеся пагаднення пра найменне артыкулаў. Для спраўджвання правапісу ёсць розныя праграмы. Каб лягчэй працаваць, ёсць гатовыя шаблоны. Да артыкулаў можна дадаваць выявы і матэматычныя формулы. Калі можна, дадавайце ў артыкул катэгорыі і спасылкі на іншамоўныя артыкулы. Калі ласка, запаўняйце радок Тлумачэнне пад акенцам рэдагавання, каб іншым удзельнікам лягчэй было сачыць за зменамі. Перад тым як захаваць сваю працу, націскайце кнопку Як будзе, каб убачыць меркаваны выгляд артыкула. У размовах заўсёды карыстайцеся подпісам, які ставіцца камбінацыяй ~~~~, або націсканнем кнопкі Ваш подпіс і адзначаны час у кансолі над акенцам рэдагавання. Зрабілі памылку? Кожную памылку можна хутка выправіць, а артыкул з памылковай назвай выдаліць.

--Максім Л. (размовы) 19:53, 6 студзеня 2013 (UTC)

Аўтадаглядальніцтва?

Пан Арцём, ці не будзеце Вы супраць сцяга аўтадаглядчыка? --Максім Л. (размовы) 11:39, 7 студзеня 2013 (UTC)

Дзякуй, не супраць--Artsiom91 (размовы) 11:43, 7 студзеня 2013 (UTC)

Футбалісты

Добры дзень, Арцём.

Робіце добрую справу - пішаце і паляпшаеце артыкулы пра беларускіх футбалістаў, клубы. Ці не плануеце ў будучыні напісаць ці палепшыць артыкулы пра зорак сусветнага футбола, бо ў Вікіпедыі шмат такіх артыкулаў Андэрсан Полга? --Rymchonak (размовы) 06:12, 17 красавіка 2013 (UTC)

Вельмі магчыма, але спачатку планую разабрацца з беларускім. Згодзен, што стан многіх такіх артыкулаў незадавальняючы. Але калі і буду працаваць з артыкуламі пра зорак сусветнага футбола, то, напэўна, толькі дадам картку і катэгорыі, максімум два словы "вызначыўся на чэмпіянаце свету", бо, у любым выпадку, значна болей інфармацыі будзе на ішнамоўных вікіпедыях, якую я не бачу сэнсу дубляваць.--Artsiom91 (размовы) 06:25, 17 красавіка 2013 (UTC)

Чэмпіянаты

Спадар Арцём, ці можаце ў бліжэйшыя дні трохі палепшыць ніжэйназваныя артыкулы, каб выратаваць іх ад выдалення?

• Чэмпіянат свету па футболе 1954
• Чэмпіянат свету па футболе 1962
• Чэмпіянат свету па футболе 1966
• Чэмпіянат свету па футболе 1970
• Чэмпіянат свету па футболе 1974
• Чэмпіянат свету па футболе 1978
• Чэмпіянат свету па футболе 1982--Чаховіч Уладзіслаў (размовы) 11:14, 24 красавіка 2013 (UTC)

Зроблена Дадаў карткі і трохі сказаў. --Artsiom91 (размовы) 15:47, 26 красавіка 2013 (UTC)

Вялікі дзякуй :) --Чаховіч Уладзіслаў (размовы) 17:19, 26 красавіка 2013 (UTC)

Постаці гарадоў

Сп. Арцём, а можаце пры стварэнні катэгорый ігракоў футбольных клубаў дадаваць да іх і катэгорыю асоб пэўнага горада, напрыклад, Катэгорыя:Ігракі ФК Цюмень → Катэгорыя:Постаці Цюмені? --Чаховіч Уладзіслаў (размовы) 10:48, 13 жніўня 2013 (UTC)

Вядома, магу. Дзякуй за падказку--Artsiom91 (размовы) 10:51, 13 жніўня 2013 (UTC)

Пытанне

Калі ласка, адкажыце на пытанне ў абмеркаванні спіса гарадоў Беларусі. Дзякуй. --Artificial123 (размовы) 19:09, 6 чэрвеня 2014 (FET)

Паглядзіце секцыю Мінская вобласць і выкажыце заўвагі, калі ласка. --Artificial123 (размовы) 22:34, 6 чэрвеня 2014 (FET)

Гетманы

Вітаю. Наконт перайменавання, калі не памыляюся, то урад менавіта "вялікі гетман", таксама і "польны гетман". Варыянт "гетман вялікі" гэта хутчэй "сарціроўка" папяровых выданняў, так разумею, менавіта іх Вы за ўзор узялі? --Максім Л. (размовы) 12:10, 24 верасня 2014 (FET)

Пра парадак слоў у гэтай пасадзе — няпростае пытанне. Па-польску натуральны парадак менавіта такі: Гетман вялікі літоўскі. Раней (пакуль у ВКЛ не ўжывалася польская мова) гетман называўся найвышэйшым ці яшчэ як, таму я пры пераносе кіраваўся аднастайнасцю з іншымі назвамі (парадак: НАЗВА вялікі/польны/надворны літоўскі/каронны). У іншамоўных вікіпедыях звачайна блытаніна, але ў асноўным таксама лічыцца "Гетман вялікі літоўскі". Перанос зараз звязаны з тым, што я збіраюся рабіць падобныя артыкулы/катэгорыі для Кароны, а парадак "Вялікі гетман каронны", на мой погляд, выглядае ненатуральна, куды часцей сустракаецца "Вялікі каронны гетман". Калі ёсць нейкія аўтарытэтныя крыніцы, якія падцвердзяць што ў вялікалітоўскіх пасадах правільна пісаць "Вялікі гетман" а не наадварот, то я не супраць адваротнага пераносу.

Таксама ў мяне будзе просьба аб пераносе застаўшыхся артыкулаў (там трэба спачатку выдаліць існуючую перасылку):

• Польныя гетманы літоўскія ў Гетман польны літоўскі
• Вялікія падчашыі літоўскія ў Падчашы вялікі літоўскі
• Cтольнік вялікі літоўскі ў Стольнік вялікі літоўскі (тут памылка - першая C лацінская, выдаліць першы варыянт)
• Харужыя надворныя літоўскія ў Харунжы надворны літоўскі
• Абозныя польныя літоўскія ў Абозны польны літоўскі

--Artsiom91 (размовы) 12:38, 24 верасня 2014 (FET)

Перанёс. --Максім Л. (размовы) 09:40, 25 верасня 2014 (FET)

Футбалісты

Спадар Арцём, а як Вы вяртаеце карткам у артыкулах пра футбалістаў нармальны памер?--Чаховіч Уладзіслаў (размовы) 20:59, 8 лютага 2015 (MSK)

Трэба выдаліць поле "шырыня". Відаць, калі яно пустое, то ставіцца шырыня 1000.--Artsiom91 (размовы) 21:02, 8 лютага 2015 (MSK)

Шаблон:Уладальнікі Кубка Расіі па футболу

Тут штосьці не так. Спасылкі не туды. --Artificial123 (размовы) 00:04, 16 сакавіка 2015 (MSK)

Я заўважыў. Тут яшчэ горш. Спадар Чаховіч перакладае з рускай, дзе ёсць шаблоны кшталту "Шаблон:ФК Тарпеда", а ў нас іх няма. Увогуле лічу, што шаблоны "Уладальнікі кубка краіны" і "Уладальнікі суперкубка краіны" непатрэбныя і вартыя выдалення, акрамя рувікі яны амаль нідзе не сустракаюцца і не нясуць ніякай карысці. --Artsiom91 (размовы) 00:18, 16 сакавіка 2015 (MSK)

Не, шаблон хай будзе. А вось спасылкі варта выправіць. --Artificial123 (размовы) 00:24, 16 сакавіка 2015 (MSK)

Translating the interface in your language, we need your help

Hello Artsiom91, thanks for working on this wiki in your language. We updated the list of priority translations and I write you to let you know. The language used by this wiki (or by you in your preferences) needs about 100 translations or less in the priority list. You're almost done!

Каб дадаць або змяніць пераклады ва ўсіх вікіпраектах, калі ласка, карыстайцеся сайтам лакалізацыі MediaWiki translatewiki.net.

Please register on translatewiki.net if you didn't yet and then help complete priority translations (make sure to select your language in the language selector). With a couple hours' work or less, you can make sure that nearly all visitors see the wiki interface fully translated. Nemo 17:06, 26 красавіка 2015 (MSK)

Перанос

Спадар Арцём, ёсць пытанне, ці плануеце Вы ў нейкай перспектыве перанос і выпраўленне артыкулаў пра футбол у "па футболе" ці для Вас гэтае распаўсюджванне трасянкі неістотна? --Kalinowski (размовы) 21:57, 28 мая 2015 (MSK)

Было б нядрэнна, але артыкулаў, катэгорый і шаблонаў пра футбол значна больш, чым пра снукер. Асабіста я выступаю за тое, каб пісаць артыкулы, для мяне "па футболе" ці "па футболу" — другасортная справа. Таму пакуль што займацца гэтым не планую. Але, калі хтосьці пачне перанос, не буду супраць і дапамагу.--Artsiom91 (размовы) 22:01, 28 мая 2015 (MSK)

Жанчыны

І Марыя Лупу Радзівіл, і Марыя Магдалена не з роду Радзівілаў. Трэба рабіць як у другіх віках катэгорыю Радзівілы. А туды і жонкі пойдуць.--Ohlumon (размовы) 21:40, 12 чэрвеня 2015 (MSK)

Спадар Ohlumon, на Форуме ўжо пачалося абмеркаванне гэтага пытання. Асабіста я не супраць будзь-якіх змен, калі Вы іх зможаце правесці. А пакуль "Трэба рабіць як у другіх віках" — гэта Вашае асабістае меркаванне. У нашай вікі ў такіх выпадках традыцыйна катэгорыя дадаецца, таму я яе і дадаў (на форуме пісаў, што ў Катэгорыя:Род Радзівілаў 6 ці 7 жонак Радзівілаў — чаму Вам так замінае менавіта Марыя Лупу, хіба яна горшая за іншых? і ў іншых катэгорыях магнатаў таксама жонкі ёсць). Не так цяжка выправіць катэгорыі, калі будзе дамоўленасць — але куды прасцей забыцца потым дадаць артыкул у катэгорыю, нават калі змены і будуць прынятыя.--Artsiom91 (размовы) 21:49, 12 чэрвеня 2015 (MSK)

Святлана Аляксандраўна Аблаухава

Дзень добры, паважаны. Па якой прычыне, ці правілу беларускай мовы, Вы перайменавалі артыкул. Справа ў тым, што і ў газеце Звязда, і ў выданні Хто ёсць хто напісана Аблаухава, а не Аблавухава.--Dzianis Niadbajla (размовы) 18:00, 20 чэрвеня 2015 (MSK)

Вітаю, спадар Дзяніс. Прабачце, магчыма паспяшаўся з пераносам. Зрабіў перанос таму, што ў беларускай мове ў такіх сітуацыях з'яўляюцца прыстаўныя зычныя (напрыклад, Юрый Астравух). Паглядзеў, што крыніцы сапраўды чамусьці пішуць "Аблаухава". Зараз зраблю адкат, але пакіну спасылку з "Аблавухава". Таксама, выдаліў рускамоўны варнянт, бо ў беларускага дзеяча няма падставы яго пісаць. --Artsiom91 (размовы) 18:22, 20 чэрвеня 2015 (MSK)

Не магу зрабіць адваротны перанос, бо старонка ўжо існуе. Калі ласка, перанясіце. Змест выправіў.--Artsiom91 (размовы) 18:32, 20 чэрвеня 2015 (MSK)

Праверце, калі ласка, электронную пошту

Я займаюся збіраннем супольнасці па-за межамі ўласна сайта Вікіпедыі ў мэтах больш плённай дзейнасці (у тым ліку афлайнавай). У лісце ўся інфармацыя. --Ігар Барысавіч Цярэшчанка (размовы) 20:51, 21 чэрвеня 2015 (MSK)

Альсідэс Эдгарда Гіджа

Ці не маглі б дадаць картку для арт. "Альсідэс Эдгарда Гіджа"? Дзякуй. --Rymchonak (размовы) 12:08, 17 ліпеня 2015 (MSK)

Дадам сёння. Планую з цягам часу дадаць карткі ўсім чэмпіёнам свету, і ўвогуле ўсім футбалістам.--Artsiom91 (размовы) 12:09, 17 ліпеня 2015 (MSK)

Выдатна, што дададзіце! Цэлая плеяда аргенцінцаў, бразільцаў без картак. --Rymchonak (размовы) 12:13, 17 ліпеня 2015 (MSK)

Раней у мяне быў (не мной зроблены) скрыпт, які праз выкарыстанне пайвікі мог прастаўляць шаблоны з адначасовым парсінгам дадзеных з іншай івікі, такім чынам я дадала да некалькіх тысяч артыкулаў шаблон-картку (НП, адм. адзінкі ў першую чаргу, але былі і іншыя). Пасля таго, як уключылі Вікідадзеныя і івікі ў тэкстах артыкулаў прыбралі, скрыпты страцілі карысць. Чаховіч прасіў ботавода з рувікі, каб ён выцягнуў з ру- і тарвічных артыкулаў па беларускім НП інфу на Вікідадзеныя, тады пры дабаўленні шаблона ў артыкул прынамсі каардынаты самапрастаўляюцца. Напэўна, самае лепшае - гэта тое ж самае зрабіць з футбалістамі. Тады можна будзе дадаваць пусты шаблон лічы толькі з імем па-беларуску, а астатняе (як мінімум даты і фотка) далучацца аўтаматычна.--Хамелка/ разм. 12:25, 24 ліпеня 2015 (MSK)

Вось так працуе пусты шаблон.--Хамелка/ разм. 12:38, 24 ліпеня 2015 (MSK)

Спадарыня Хамелка, дзякуй за такі скрыпт. Таксама думаў, ці можна дадаваць картку аўтаматычна, але праблема ў тым, што, напрыклад, кар'ера іграка ў розных віках афармляецца па-рознаму ды змяшчае розную інфармацыю. У Вікідата яе пакуль яшчэ не кладуць. Калі дадаваў карткі чэмпіёнам 1930, то ў аднаго ў трох розных віках было тры розных даты нараджэння. Спадар Чаховіч наладзіў шаблон "Футбаліст", ка ён забіраў даты і месцы нараджэння і смерці, грамадзянства і фота. Штосьці яшчэ забраць цяжка. Ну а ствараць пустыя шаблоны не бачу ніякага сэнсу. І так, калі гляджу гісторыю правак гэтых агрызкаў, дзіўлюся, колькі ўдзельнікаў і ботаў дадавалі катэгорый, шаблонаў, афармлення — а артыкулы як былі нікчэмнымі, так і засталіся. Я ведаю пра ўсе футбольныя артыкулы, якія ёсць у нашай вікіпедыі, і паціху паляпшаю сітуацыю. Думаю, аўтаматычнасць (прынамсі ў артыкулах пра чэмпіёнаў свету) непатрэбна (толькі калі не дадаваць тэкставы змест перакладам) — лепш усё зрабіць рукамі.--Artsiom91 (размовы) 13:03, 24 ліпеня 2015 (MSK)

Ох, Арцём, як жа такіх людзей як вы не хапае нашай справе :). Сам факт таго, што я знайшла гэты артыкул проста адкрыўшы к:футбалісты і тыкнуўшы ў неба разы тры, паказвае ўсю бездань праблемы. Але ваш падыход мне вельмі імпануе, я і сама так працую ў Вікіпедыі, так што звяртайцеся, калі што.--Хамелка/ разм. 15:01, 24 ліпеня 2015 (MSK)

Пытанне пра перанос :)

Адчуваю, што розніца ёсць, але не бачу, якая, патлумачце, калі ласка :)--Хамелка/ разм. 20:13, 3 жніўня 2015 (MSK)

У пачатку было "касцёл касцёл". Здаецца, Вы выдалілі іншую старонку.--Artsiom91 (размовы) 20:15, 3 жніўня 2015 (MSK)

ааа, дзякуй за папраўку, вока ўжо замылілася--Хамелка/ разм. 20:17, 3 жніўня 2015 (MSK)

Help for translate

Hello and sorry for writing in English. Can you help me translate a small article (2 paragraphs) from English to your language? Xaris333 (размовы) 19:50, 6 жніўня 2015 (MSK)

Xaris333, yes, I can help you. What article are you want to translate?--Artsiom91 (размовы) 19:55, 6 жніўня 2015 (MSK)

Правілы

Сп. Artsiom91, на маю думку трэба стварыць старонкі:праекты змененных правілаў, дзе тлустым шрыфтам пазначаць змяненні і дапаўненні, размовы весці таксама на старонках размоў:старонкі:праекта і падрыхтоўваць змяненні да правядзення галасавання па кожным пункце змен. Выйдзе даволі аб'ёмны матэрыял, але думаю, пасля прыняцця гэтых змен яшчэ доўга іх не будуць чапаць.--Dzianis Niadbajla (размовы) 16:02, 4 верасня 2015 (MSK)

Спадар Дзяніс, выступаю за і гатовы Вас падтрымаць. Але лічу, што калі гэта рабіць, то грунтоўна. Перш-найперш трэба знайсці ўсе правілы, якія супольнасць у той ці іншай ступені насамрэч прызнае за правілы, выконвае і спасылаецца на іх. Далей, актуалізаваць правілы ў адпаведнасці той традыцыяй, якая фактычна мае месца. І толькі пасля прапаноўваць і ўносіць змяненні ў існуючыя правілы і распрацоўваць новыя. Таксама, наконт "пасля прыняцця гэтых змен яшчэ доўга іх не будуць чапаць" — тыя правілы, якія ёсць зараз, якраз даўно і не чапаліся, нават не памятаю, калі апошні раз было галасаванне, па выніках якога прапанаваныя змены былі прынятыя і запісаны. --Artsiom91 (размовы) 16:54, 4 верасня 2015 (MSK)

Мікалай Радзівіл Руды

Добрий день, шановний Artsiom91! Щодо джерел інформації про народження Рудого в Несвіжі - де обгрунтування того ща наразі вказане на сторінці "Мікалай Радзівіл Руды" в таблиці під портретом? Я ще не бачив жодного наукового джерела з інформацією про народження Рудого. Родинні дані Радзівилів з документів 18 сторіччя, які я бачив, містять достовірну інформацію лише про місце його смерті. Бібліографічні посилання у http://mariusz.eu.pn/genealogia/rody/radziwillowie.html йдуться взагалі про род Радзивилів, а такі питання не можна узагальнювати. Оскільки є багато запитань про сумісність даних, з наукової точки зору потрібно це вказати на сторінці разом з поясненням і чекати, поки хто-небудь не знайде поважне джерело підтвердження тієї чи іншої версії. Дякую.

Паважаны ‎RightHisory, згодзен з Вамі ў тым, што Нясвіж у якасці месца нараджэння выглядае сумніўна. Я пагляджу, што пішуць беларускія энцыклапедыі на гэты конт, і адлюструю ў артыкуле звесткі з розных крыніц. Калі маеце крыніцы на ўкраінскай мове на гэты конт, таксама можаце даць спасылку.--Artsiom91 (размовы) 16:36, 24 лістапада 2015 (MSK)

Перапіс

Ёсць ідэі наконт заліўкі насельніцтва з гэтай крыніцы? --Чаховіч Уладзіслаў (размовы) 18:22, 5 снежня 2015 (MSK)

Апрацаваць можна. Будуць некаторыя праблемы — адміністрацыйны падзел на 2009 год, ды і назвы па-руску, але можна будзе паправіць рукамі. Думаю, трохі пазней змагу ўзяцца за гэта. Спачатку ўсё ж планую разабрацца з назвамі, якія ўжо ёсць, і актуалізацыяй звестак. Калі штосьці з насельніцтвам атрымаецца, адпішуся.--Artsiom91 (размовы) 18:32, 5 снежня 2015 (MSK)

Ёсць яшчэ рускамоўны спіс усіх населеных пунктаў (у тым ліку скасаваных) з кодам СААТА. Хацеў спытаць, ці будзе дазаліўка неадназначнасцей з гэтага спісу?--Чаховіч Уладзіслаў (размовы) 23:35, 7 снежня 2015 (MSK)

Так, бачыў спіс з СААТА, здаецца ад падаткавых органаў. Таксама штосьці можна будзе з ім выдумаць. Ну і дазаліць неадназначнасці і інш. трэба. Увогуле, планы такія:

• Перанесці ўсе артыкулы пад правільныя назвы, аб'яднаць дублікаты, якіх шмат у Брагінскім і Буда-Кашалёўскім раёнах;
• Вікіфікаваць усе шаблоны і катэгорыі, абнавіць звесткі ў артыкулах аб сельсаветах;
• Дазаліць неадназначнасці і палешыць ужо існуючыя, дапісаць ботам шаблон "значэнні" ў артыкулы;
• Выправіць некаторыя тыповыя памылкі заліўкі (прыкладам, крывыя каардынаты, якія заліваліся на ўжо існуючыя, як тут)
• Праверыць адсутнасць "забытых артыкулаў" (без шаблонаў, картак, напісання ад Лемцюговай)
• Падумаць над заліўкай артыкулаў аб сельсаветах; магчыма пазначыць інфармацыю аб скасаванні вёсак;
• Забяспечыць дадатковыя заліўкі, як то насельніцтва, СААТА і інш.

--Artsiom91 (размовы) 23:50, 7 снежня 2015 (MSK)

Калі хочаце, ужо ў бліжэйшы час магу выкласці спісы з неадназначнасцямі, як гэта зроблена для першых чатырох старонак.--Artsiom91 (размовы) 23:51, 7 снежня 2015 (MSK)

Было б добра. --Чаховіч Уладзіслаў (размовы) 19:46, 13 снежня 2015 (MSK)

Спадар Чаховіч, Зроблена. Першыя чатыры спісы таксама абнавіў (сучасныя сельсаветы, статус аграгарадкоў). Увогуле, гэтыя спісы больш для азнаямлення — у будучыні планую іх у гэтым выглядзе заліць.--Artsiom91 (размовы) 21:40, 13 снежня 2015 (MSK)

Ок, займуся заўтра, калі будзе час. Пакуль пасправабаваў выпрацаваць мяса для артыкулаў з энц. Гарады і вёскі Беларусі, апрацаваны тэкст выглядае прыкладна так - [1]. Хацеў спрасціць тэкст больш, каб абыйсці аўтарскае права, але там няма чаго спрашчаць... --Чаховіч Уладзіслаў (размовы) 22:19, 13 снежня 2015 (MSK)

Выглядае няблага. Каб яшчэ такія тэксты можна было на канвеер паставіць. Ну а наконт аўтарскага права, трэба ўсё ж перад масавым выкарыстаннем атрымаць згоду супольнасці (а яшчэ лепей — згоду аўтараў энцыклапедыі "Гарады і вёскі" на выкарыстанне матэрыялаў у Вікіпедыі). Хоць тэкст сапраўды просты, ды яшчэ значна апрацаваны — вікіфікацыя, разгортванне скарачэнняў і інш.--Artsiom91 (размовы) 22:36, 13 снежня 2015 (MSK)

Шаблон

Вітаю. Калі ласка, выпраўце колеры ў шаблоне {{Камандуючыя ў Грамадзянскай вайне ў Расіі}}. --Artificial123 (размовы) 22:11, 9 студзеня 2016 (MSK)

Заўтра ўвечары пастараюся зрабіць.--Artsiom91 (размовы) 22:13, 9 студзеня 2016 (MSK)

Зроблена. Калі яшчэ ёсць пажаданні, звяртайцеся.--Artsiom91 (размовы) 23:45, 10 студзеня 2016 (MSK)

Сваю ідэю наконт {{Камандуючыя ў Грамадзянскай вайне ў Расіі|Ч}} можаце рэалізаваць? --Artificial123 (размовы) 16:09, 17 студзеня 2016 (MSK)

Будзе.--Artsiom91 (размовы) 16:11, 17 студзеня 2016 (MSK)

Зроблена і прастаўлена ў артыкулах, дзе гэты шаблон адзін (калі некалькі, дрэнна выглядае). Толькі параметры зрабіў не "Ч, Б, З", а "Чырвоныя, Белыя, Зялёныя". --Artsiom91 (размовы) 16:55, 17 студзеня 2016 (MSK)

Зноска

Гляньце, к. л., зноску 30 тут. Чаму не паказваецца назва? Дзякуй. --Artificial123 (размовы) 17:21, 26 студзеня 2016 (MSK)

Зроблена. Чамусь не так параметр называўся.--Artsiom91 (размовы) 17:44, 26 студзеня 2016 (MSK)

Спіс унікальных

Сп. Арцём, а можаце стварыць спіс унікальных альтэрнатыўных назваў населеных пунктаў Беларусі? --Чаховіч Уладзіслаў (размовы) 18:36, 22 лютага 2016 (MSK)

Можна, але не вельмі разумею, што павінен змяшчаць гэты спіс. Ці так: узяць усе назвы населеных пунктаў, дадаць альтэрнатыўныя (якія зараз у зносках з пазначэннем роду), і з усяго спісу выбраць унікальныя? --Artsiom91 (размовы) 20:07, 22 лютага 2016 (MSK)

Зрабіць перасылкі на артыкулы--Чаховіч Уладзіслаў (размовы) 20:54, 22 лютага 2016 (MSK)

Спадар Чаховіч, Зроблена — Вікіпедыя:Праект:Беларусь/Заліўка/Унікальныя альтэрнатыўныя назвы.--Artsiom91 (размовы) 23:22, 2 сакавіка 2016 (MSK)

Цудоўна, пачаў заліўку. А калі Вы плануеце заліць сельсаветы? --Чаховіч Уладзіслаў (размовы) 11:09, 3 сакавіка 2016 (MSK)

Пад правільныя назвы засталося перанесці менш за 10 раёнаў. Як будзе зроблена, буду разбірацца з сельсаветамі, насельніцтвам, скасаванымі населенымі пунктамі — пакуль дакладна не скажу, у якім парадку.--Artsiom91 (размовы) 11:33, 3 сакавіка 2016 (MSK)

Футбол у Беларусі

Паважаны сп. Арцём, дзякуй за дапаўненне артыкула пра аргенцінскага паўабаронца Л. Торэса. Я не прафесіянал у самім футболе, хоць і гуляў, але шматгадовы заўзятар. І наважыўся пісаць артыкул (хаця б пачатак), наконт гэтых аргенцінцаў, бо пабачыў, што людзі ў каментарах на спартыўных сайтах, задаюць пытанне: хто гэта такія? І вырашыў, праліць маленькі след. А пытанне, якое я хацеў задаць яшчэ днём, але не змог па асабістых прычынах, задам зараз, пасля Вашай праўкі з Катэгорыяй:Ігракі ФК Гадой-Крус Антоніа Томба. Я стварыў гэту катэгорыю, бо назва каманды менавіта такая, а не проста ФК Гадой-Крус, якая існуе ў РуВікі, і Прэсбол, калі публікаваў артыкул наконт гэтага футбаліста проста перадрукаваў з расейскай крыніцы інфармацыі. Такая назва на афіцыйным сайце каманды. На лагатыпе каманды ёсць абрэвіятура — C.D.G.C.A.T. — С.К.Г.К.А.Т. — Спартыўны клуб Гадой-Крус Антоніа Томба. Ды і наогул існуе вельмі вялікая тэрміналагічная праблема ў сферы футбола, а дакладней у назвах. Напрыклад, у краінах Лацінскай Амерыкі ў большасці выпадкаў варта пісаць Спартыўны клуб (СК), а не Футбольны клуб (ФК), бо з гішпанскай мовы Club Deportivo перакладаецца як спартыўны клуб, і іншых варыянтаў няма. Існуе, напрыклад, такая недарэчнасць у гішпанскім футболе, вядомая Дэпартыва Ля-Карунья. Усё бы нічога, але па-гішпанскі пішуць Real Club Deportivo de la Coruña — Каралеўскі спартыўны клуб Ля-Карунья, ці вядомы нам беларусам ФК Дэбрэцэн. Ну які ён ФК, калі па-мадзярску Спартыўны клуб (чыгуначнікаў). Але маем, што маем. Як будзем вырашаць?--Dzianis Niadbajla (размовы) 22:33, 25 лютага 2016 (MSK)

Вітаю, спадар Дзяніс. Я ведаю, што клубы на розных мовах гучаць па рознаму, а на іспанскай асабліва любяць дадаваць кучу розных Real, Atletico і інш. Сітуацыя яшчэ больш цяжкая тым, што ніякіх аўтарытэтных крыніц кшталту БелЭн для назваў футбольных клубаў няма. У нашай Вікіпедыі ўжо так склалася, што ўсе артыкулы пра футбольныя клубы пачынаюцца з "ФК", незалежна ад таго ў якой краіне клуб знаходзіцца і як у арыгінале называецца (гэта штосьці родавай назвы, як "Горад" у "Горад Мінск"). І самі назвы артыкулаў стараюся не рабіць надта доўгімі і складанымі (звычайны чытач толькі разгубіцца ад такой колькасці літар), калі яны вядомыя пад больш кароткім імем (ФК Сан-Ларэнса замест "Сан-Ларэнса дэ Альмагра"). У саміх тэкстах артыкулаў ж я стараюся канструкцыі "ФК Бока Хуніярс" не ўжываць, ну а ў артыкуле пра сам футбольны клуб толькі за лепшае даць як мага больш слоў з назвы. Таму і думаю, што назву артыкула даць проста "ФК Гадой-Крус", пісаць у артыкулах "Гадой-Крус", а калі з'явіцца артыкул пра гэты клуб, то ўжо ў ім поўнасцю ў лідзе "Гадой-Крус Антоніа Томба". Таксама ў самім артыкуле і пазначаць, што насамрэч гэта "Спартыўны клуб (чыгуначнікаў)", а не проста ФК Дэбрэцэн.--Artsiom91 (размовы) 22:47, 25 лютага 2016 (MSK)

Усё зразумеў. Буду мець на ўвазе. Дзякуй за адказ:)--Dzianis Niadbajla (размовы) 23:03, 25 лютага 2016 (MSK)

Поль Бебей

Hello Artsiom;

Please update your article Поль Бебей with the reference http://s13.ru/archives/134942. I am not able to do that because I've got a computer keyboard with latin alphabet.

Greetings

Xavi from Austria --XaviYuahanda (размовы) 23:31, 22 сакавіка 2016 (MSK)

Hello XaviYuahanda, thank you for this reference. I know about this situation. On April 2016 new Belasusian championship will start and then I will update article (whether Kingue will stay in Neman or no). --Artsiom91 (размовы) 16:18, 23 сакавіка 2016 (MSK)

Ok, thanks! --XaviYuahanda (размовы) 16:35, 23 сакавіка 2016 (MSK)

Алонса

Вітаю. Калі ласка, праверце колькасць матчаў у Алонса. А то са зборнай як мінімум штосьці не так. --Artificial123 (размовы) 09:04, 27 мая 2016 (MSK)

Увечары ўдакладню. Здаецца, проста не абноўлены звесткі — у табліцы en-вікі яны на 18 чэрвеня 2014 года, хоць Алонса гуляў і пасля.--Artsiom91 (размовы) 09:10, 27 мая 2016 (MSK)

Ён браў удзел у адборы на Еўра-2016? --Artificial123 (размовы) 09:12, 27 мая 2016 (MSK)

Не, але гуляў свае апошнія матчы 18 чэрвеня і 23 чэрвеня 2014 года на ЧС. Здаецца, яны і не ўлічаны, з імі якраз супадае 112+2=114 з карткі ўверсе.--Artsiom91 (размовы) 09:15, 27 мая 2016 (MSK)

Паглядзіце такі, ці правільна там усё? --Artificial123 (размовы) 18:47, 29 мая 2016 (MSK)

Я ўчора рабіў праўку, здаецца зараз усё як трэба. Калі бачыце памылку ці нестыкоўку — кажыце, будзем разбірацца.--Artsiom91 (размовы) 19:21, 29 мая 2016 (MSK)

Не бачу розніцы паміж зноскай нумар 8 у нас і нумар 10 у англічан. Але ў іх працуе. --Artificial123 (размовы) 23:28, 1 чэрвеня 2016 (MSK)

У іх проста шаблон зноскі па іншаму працуе — спачатку ідзе спасылка на архіўную версію (якая заўсёды працуе), а потым — на звычайную (якая ў іх таксама не працуе). У нас наадварот — спачатку звычайная спасылка, потым архіўная. Калі ёсць працуючая архіўная спасылка, то звычайная можа быць і зламанай.--Artsiom91 (размовы) 23:34, 1 чэрвеня 2016 (MSK)

Анры

Можаце дадаць картку футбаліста для Анры? Планую зрабіць нармальны артыкул. --Artificial123 (размовы) 22:54, 30 мая 2016 (MSK)

У Анры ўжо ёць картка. А для Цьеры дадам (проста, калі ласка, вікіфікуйце свае паведамленні).--Artsiom91 (размовы) 22:57, 30 мая 2016 (MSK)

Я, вядома, меў на ўвазе вялікага француза. --Artificial123 (размовы) 23:00, 30 мая 2016 (MSK)

Картку дадаў, толькі фота трэба будзе памяняць. Плённай працы!--Artsiom91 (размовы) 23:24, 30 мая 2016 (MSK)

Працуючы над артыкулам, з'явілася пытанне. Як правільна: буца (ж. р.) ці буц (м. р.)? Калі буц, тады трэба адпаведны артыкул перанесці. --Artificial123 (размовы) 20:10, 31 мая 2016 (MSK)

Ха, таксама звярнуў на гэта ўвагу. Здаецца, што "буц" правільна і сапраўды варта перанесці. Але лепей праверыць па слоўніку.--Artsiom91 (размовы) 22:53, 31 мая 2016 (MSK)

Белазар піша, што буц. Slounik.org нічога не піша. --Artificial123 (размовы) 22:56, 31 мая 2016 (MSK)

Трэба, аднак, улічваць, што звычайны абутак і ўзнагарода — розныя рэчы. СМІ пішуць "буца": 1, 2. "Буц" сустракаецца, але вельмі рэдка (3 - фактычна адзіная згадка). Думаю, пакуль няма больш аўтарытэтных крыніц, пакінуць "залатая буца". --Artsiom91 (размовы) 23:20, 31 мая 2016 (MSK)

Не лічыце неабходным стварыць навігацыйныя шаблоны для ўзнагарод футбалістаў тыпу {{Уладальнікі Залатога мяча}}? --Artificial123 (размовы) 23:08, 1 чэрвеня 2016 (MSK)

Неабходным — дакладна не, у Вікіпедыі ўвогуле няма нічога неабходнага. На мой асабісты погляд, значнасць артыкула не павінна вызначацца колькасцю шаблонаў унізе (а фактычна пры такой колькасці яны толькі і паказваюць значнасць футбаліста, але ніяк не навігацыю — для спісу ўзнагарод варта ствараць асобна раздзел у артыкуле), многія шаблоны ствараюцца ўдзельнікамі іншых вікі "каб стварыць" (гэта ж прасцей, чым добры артыкул напісаць). Але, вядома, ніхто не забараняе ствараць і прастаўляць шаблоны ўзнагарод, калі яны створаны паводле значнага і правяраемага крытэрыя. Лепш, каб яны мелі дастаткова інтэрвік (мінімум каля 5), а не толькі адну ру-віку. У ру-вікі артыкуле пра Анры ўсе шаблоны, здаецца, нармальныя, іх можна ствараць (а часам у нас застаюцца шаблоны, якія нават у ру-вікі даўно выдалены).--Artsiom91 (размовы) 23:24, 1 чэрвеня 2016 (MSK)

Быццам дарабіў, цяпер час Вашай праўкі. --Artificial123 (размовы) 20:49, 3 чэрвеня 2016 (MSK)

Дзякуй, думаю на выхадных рукі дойдуць паглядзець, а тое яшчэ Алонса трэба перачытаць.--Artsiom91 (размовы) 20:51, 3 чэрвеня 2016 (MSK)

Буду ўдзячны, калі пераглянеце арфаграфію і алфавітны парадак тут. --Artificial123 (размовы) 20:28, 4 чэрвеня 2016 (MSK)

Пагляджу і з дапамогай робата прастаўлю шаблон ва ўсіх артыкулах.--Artsiom91 (размовы) 20:47, 4 чэрвеня 2016 (MSK)

Зроблена.--Artsiom91 (размовы) 23:19, 4 чэрвеня 2016 (MSK)

Грыцэвіцкі сельсавет

Спадар Арцём, можа маеце час і жаданне аформіць артыкулы Вароніна, Заельня, Мервіны, Светлая, Цясноўка? --Чаховіч Уладзіслаў (размовы) 21:17, 4 чэрвеня 2016 (MSK)

Бачыў артыкулы, якія бот не кранаў пры заліўцы, але каб без карткі... Думаю, такіх артыкулаў значна больш, паспрабую яшчэ знайсці. На наступным тыдні пастараюся дапрацаваць.--Artsiom91 (размовы) 21:23, 4 чэрвеня 2016 (MSK)

Бергкамп

Можаце стварыць шаблоны складаў зборнай Нідэрландаў, якія ў артыкуле пра Бергкампа? --Artificial123 (размовы) 21:40, 6 чэрвеня 2016 (MSK)

Зраблю.--Artsiom91 (размовы) 21:42, 6 чэрвеня 2016 (MSK)

Зроблена.--Artsiom91 (размовы) 22:53, 6 чэрвеня 2016 (MSK)

Лено

Як правільна: Бернд Лено ці Бернд Лена? Заўсёды чуў націск на 1-шы склад. --Artificial123 (размовы) 16:12, 14 чэрвеня 2016 (MSK)

Так, на першы склад. Я памыліўся, паставіўшы на другі.--Artsiom91 (размовы) 16:31, 14 чэрвеня 2016 (MSK)

Зборная Перу па футболе

Вітаю, спадар Арцём. Калі ёсць магчымасць і жаданне, прачытайце, калі ласка, гэты артыкул, каб не было фактычных памылак. Думаю, Вы лепш разбіраецеся ў тэме. --Kalinowski (размовы) 16:15, 21 чэрвеня 2016 (MSK)

Што зрабіць

Вітаю. Маю некалькі просьбаў;

1. Стварыць шаблоны складаў зборных, якіх не хапае, для ЧС-2014.
2. У існуючых артыкулах пра футбалістаў укласці навігацыйныя шаблоны, як я рабіў у артыкулах пра Бергкампа ці Анры: "Склады зборнай ХХХ" і "Узнагароды".
3. Ствараць шаблоны складаў клубаў. --Artificial123 (размовы) 08:56, 22 чэрвеня 2016 (MSK)

1. Як будзе час, ствару і прастаўлю, але толькі там, дзе ёсць хоць адін артыкул пра футбаліста.

Стварайце, к. л., усе, так як у хуткім часе яны з'яўляцца.

2. Мне здавалася, што ўсе існуючыя навігацыйныя шаблоны ўзнагарод і зборных у артыкулах прастаўлены. "Чырвоных" шаблонаў я не стаўлю. Калі ёсць непрастаўлены існуючы, пакажыце.

Меў на ўвазе не свалку ўнізе (як тут), а ўсё ўкладзена (як тут).

3. Буду ствараць (пауль зрабіў Манчэстэр Сіці і Тотэнхэм), калі ёсць артыкулы пра 5-6 футбалістаў з клуба. Для многіх менш значных клубаў проста не будзе магчымасці своечасова абнаўляць шаблоны. Думаю, Вы яшчэ будзеце ствараць артыкулы пра футбалістаў, ды і трансферы лета 2016 пачаліся, таму што і як дакладна ствараць, вызначу пазней.--Artsiom91 (размовы) 09:03, 22 чэрвеня 2016 (MSK)

Першачарговая мэта - усе ігракі з Еўра-2016. --Artificial123 (размовы) 09:09, 22 чэрвеня 2016 (MSK)

1. Пажадана стварыць стабы ФК для ўдзельнікаў вышэйшых ліг топ-чэмпіянатаў (напрыклад, гэтых). --Artificial123 (размовы) 11:01, 22 чэрвеня 2016 (MSK)

Калі Вы будзеце штогод абнаўляць у іх звесткі, можаце браць з be-tarask, там даволі неблагія стабы.--Artsiom91 (размовы) 11:07, 22 чэрвеня 2016 (MSK)

Магу, не праблема. А з ру не прасцей сцягваць? Параметры адтуль жа ўзятыя. --Artificial123 (размовы) 11:08, 22 чэрвеня 2016 (MSK)

Шаблон:Картка ФК у нас такі ж, як у be-tarask, там усё аформлена аднастайна. У ру-вікі можа быць што заўгодна - і са зместам, і з афармленнем, і з актуальнасцю звестак.--Artsiom91 (размовы) 11:23, 22 чэрвеня 2016 (MSK)

Шаблоны чэмпіянатаў

Вітаю. Можаце абнавіць склад удзельнікаў чэмпіянатаў розных краін? Некаторыя (Ліга 1, Серыя А, АПЛ) я абнавіў, іншыя (Дацкая Суперліга, Чэмпіяншып) — не. Дзякуй. --Artificial123 (размовы) 17:00, 30 чэрвеня 2016 (MSK)

Звычайна абнаўляю, калі новыя чэмпіянаты стартуюць, бо часам клубы адмаўляюцца ад удзелу і інш. Вядома, такіх чэмпіянатаў як Ліга 1, Серыя А, АПЛ гэта не датычыцца, але для баснійскай Прэм'ер-лігі, думаю, можа здарыцца што заўгодна.--Artsiom91 (размовы) 17:15, 30 чэрвеня 2016 (MSK)

Request

Greetings.

Could you create the article en:Administrative divisions of Azerbaijan in Belarusian?

Thank you.

Японскія футбалісты

Вітаю. Усе імёны, што тычыцца о/ё/а, я вычытаў, змяняць ўсё на "а" не трэба, бо ў беларускай мове ўсё ж ёсць націск. --Максім Л. (размовы) 22:23, 18 верасня 2016 (MSK)

Двух "о" зараз сапраўды нідзе няма, але ўсё ж шмат дзе націск звычайна ставіцца не там, дзе ў нас зараз "о". Таксама шмат дзе не скарочана і (Кэісукэ замест Кэйсукэ). Памяняю толькі найбольш вядомых сучасных футбалістаў, далёка лезці не буду, там ні крыніц, ні ўстойлівых вымаўленняў не знойдзеш.--Artsiom91 (размовы) 22:28, 18 верасня 2016 (MSK)

Дзе не скарочана, вядома, трэба скарачаць. У японцаў націску няма наогул, таму, калі некалькі ё/о у слове, менавіта "нам" трэба вырашаць на якое з іх націск. Апублікаваных правілаў няма, таму хто куды ў СМІ, кансультаваўся, дык Саўка+Кошчанка+Запрудскі прапануюць націскным рабіць апошняе ё/о у слове, т.б. астатнія "о" пераходзяць у "а". Калі ё/о у слове адно, незалежнага ад яго месца, яно націскное. У мяне ёсць табліца для транскрыпцыі японска-беларускай, не магу выкладваць, але магу даслаць. --Максім Л. (размовы) 22:39, 18 верасня 2016 (MSK)

Дайскэ лепш бы. Як Акутагава Руноскэ. Ryčard Humel (размовы) 19:09, 9 снежня 2022 (+03)

Пардон, Кэйскэ (зрэшты, няважна, я пра прынцып). Ryčard Humel (размовы) 19:10, 9 снежня 2022 (+03)

Не трэба, я не знаток японскай мовы, ды і не прэтэндую на поўнае выпраўленне (проста той, хто ствараў артыкулы, відавочна не ведае мовы). Мяне больш хвалюе напаўненне артыкулаў інфармацыяй. Пераносы спыняю, усе перанесеныя артыкулы ў адным шаблоне {{Склад зборнай Японіі па футболе на Кубку Азіі 2015}}.--Artsiom91 (размовы) 22:45, 18 верасня 2016 (MSK)

Удзельнік-бот, на ўсіх мовах стварае. --Максім Л. (размовы) 22:53, 18 верасня 2016 (MSK)

Мяса для НП-Беларусь

Ці маеце магчымасць папаўняць залітыя артыкулы пра НП-Беларусь інфармацыяй з Гарады і вёскі Беларусі? Магу перадаць файл апрацоўкі тэксту для AWB (працуе не ідэальна, але што ёсць). --Чаховіч Уладзіслаў (размовы) 22:24, 28 верасня 2016 (MSK)

У электронным выглядзе энцыклапедыю па чатырох абласцях маю, магчымасць выцягваць адтуль змест, пераўтвараць і дадаваць у Вікіпедыю — таксама ёсць. Іншая справа, што гэта марудна і цяжка, і не заўсёды час ёсць, таму не займаюся. Магчыма, некалі, калі будзе настрой, штосьці паціху буду рабіць, файл апрацоўкі ў любым выпадку не зашкодзіць.--Artsiom91 (размовы) 00:17, 29 верасня 2016 (MSK)

Карта

Вітаю. Як сюды ўпіхнуць карту НКР? Дзякуй. --Artificial123 (размовы) 21:17, 1 кастрычніка 2016 (MSK)

Трэба стварыць шаблон {{На карце/Нагорна-Карабахская Рэспубліка}}, па прыкладзе {{На карце/Арменія}} (ён у рувікі). Можна таксама ствараць такія шаблоны для асобных раёнаў. --Artsiom91 (размовы) 21:21, 1 кастрычніка 2016 (MSK)

Можна то можна, толькі дзе каардынаты ўзяць? --Artificial123 (размовы) 21:30, 1 кастрычніка 2016 (MSK)

Ну, можна ў якой вікі і ёсць. Карты ж таксама патрэбны. У ру-вікі ёсць адзін раён.--Artsiom91 (размовы) 21:33, 1 кастрычніка 2016 (MSK)

А тут можна ў падвале інфармацыю размясціць? --Artificial123 (размовы) 22:21, 3 кастрычніка 2016 (MSK)

Калі замест навігацыйнай паласы возьмеце {{Навігацыйная табліца}}, то можна будзе, там ёсць поле "унізе=".--Artsiom91 (размовы) 22:24, 3 кастрычніка 2016 (MSK)

Дзякуй, атрымалася. --Artificial123 (размовы) 22:32, 3 кастрычніка 2016 (MSK)

Шаблон:нп5

Вашы праўкі не маглі прызвясці да знікнення спасылак на мэтавы раздзел? Гляньце, к. л., на "Патрэбныя артыкулы". --Artificial123 (размовы) 10:28, 7 кастрычніка 2016 (MSK)

Сапраўды, паправіў.--Artsiom91 (размовы) 10:48, 7 кастрычніка 2016 (MSK)

Request

Greetings.

Could you create the article en:Azerbaijani literature in Belarusian?

Thank you.

Wikidata

Вітаю. Маю пажаданне. Зараз тут цягнецца краіна нараджэння Расія, хаця відавочна павінна быць Расійская імперыя. Гарадскіх акруг тады дакладна не было. Амурскай вобласці, мабыць, таксама. --Artificial123 (размовы) 18:58, 10 лістапада 2016 (+03)

Зроблена. Каб выправіць, трэба ў Вікідата для населеных пунктаў і адміністрацыйных адзінак ва ўласцівасці "знаходзіцца ў адміністрацыйнай адзінцы" задаць гістарычныя значэнні, пазначаючы кваліфікатары "дата пачатку" і "дата заканчэння", і так адсачыць па ўсяму ланцужку. Такая праблема сустракаецца шмат дзе (нават уздымалася ў размовах), таму Вам будзе карысна навучыцца яе выпраўляць. У цяжкіх выпадках, калі незразумела што дзе трэба правіць ці выдае невядомую памылку, лепш прапісваць месца нараджэння самому, без Вікідата.--Artsiom91 (размовы) 20:01, 10 лістапада 2016 (+03)

Сельсаветы Столінскага раёна

Добры дзень. Хачу ўдакладніць па катэгорыях для сельсаветаў. Ці мае сэнс дадаваць катэгорыю "Адміністрацыйны падзел Столінскага раёна", калі кожны сельсавет і так ужо мае тут сваю падкатэгорыю? KarlKori (размовы) 22:37, 28 лістапада 2016 (+03)

Вітаю. На дадзены момант сэнс ёсць, бо катэгорыі ёсць для ўсіх сельсаветаў, а вось артыкулы многія пакуль адсутнічаюць. Цяперашняя практыка — дадаваць 3 катэгорыі: самога сельсавета, "Адміністрацыйны падзел ...ага раёна" і "Сельсаветы Беларусі". Пазней, калі будуць створаны артыкулы пра ўсе сельсаветы, нейкія катэгорыі можна будзе і прыбраць (гэта можна будзе зрабіць ботам у паўаўтаматычнам рэжыме).--Artsiom91 (размовы) 22:51, 28 лістапада 2016 (+03)

Дзякуй за тлумачэнне. KarlKori (размовы) 23:44, 28 лістапада 2016 (+03)

Без номеров

Я зараз ствару шаблон пра зборную Італіі на Алімпіядзе 1924. Тады ў гульцоў НЕ БЫЛО сталы нумар. Таму шаблон неабходны--Unikalinho (размовы) 11:26, 14 снежня 2016 (+03)

Unikalinho, я знаю что когда-то номеров не было, у нас есть такие шаблоны, например {{Склад зборнай Італіі па футболе на чэмпіянаце свету 1934}}. Они сделаны с помощью шаблона {{Склад зборнай па футболе}}, который замечательно работает и без номеров. Поэтому нет смысла множить шаблоны, которые фактически делают одно и то же — всё замечательно помещается в один шаблон (практика ру-вики и некоторых других делать свой шаблон для каждого столба мне не нравится). Создавайте свой шаблон про Олимпиаду, тогда посмотрю, думаю он без проблем сможет использовать обыкновенный {{Склад зборнай па футболе}}.--Artsiom91 (размовы) 12:02, 14 снежня 2016 (+03)

Посмотрел {{Склад зборнай Італіі па футболе на чэмпіянаце свету 1934}}, не пойму, как он работает так, что номера пропадают--Unikalinho (размовы) 12:05, 14 снежня 2016 (+03)

{{Склад зборнай па футболе}} настроен так, что если указана позиция, то подписывается она, а не номер.--Artsiom91 (размовы) 12:07, 14 снежня 2016 (+03)

Вот как... Ну тогда проверьте {{Склад зборнай Італіі па футболе на Алімпійскіх гульнях 1924}}, и заодно фамилии там подправьте, если надо. И тогда, если уж делаете из этого редирект, то из викидата уберите его--Unikalinho (размовы) 12:13, 14 снежня 2016 (+03)

Шаблон:Картка:Альбом

Вітаю! Маглі б Вы яшчэ раз звярнуцца да старонкі шаблона, там зноў знікаюць атрыбуты з карткі. Я не магу разабрацца...--Віт 11:44, 19 снежня 2016 (+03)

Дадаў, адказаў на старонцы размоў шаблона.--Artsiom91 (размовы) 11:58, 19 снежня 2016 (+03)

Тайм-аўт

Добры дзень, ці не маглі б дадаць інфармацыі ў гэты артыкул? --Rymchonak (размовы) 10:29, 14 студзеня 2017 (+03)

У бліжэйшыя дні пастараюся дапоўніць.--Artsiom91 (размовы) 12:14, 14 студзеня 2017 (+03)

Зроблена.--Artsiom91 (размовы) 23:47, 19 студзеня 2017 (+03)

Футзал

Учора завяршыўся чэмпіянат Беларусі па футзале. Пытанні: 1) гульцы якіх каманд (усіх ці толькі прызёраў) маюць значнасць; 2) якое скарачэнне выкарыстоўваць у катэгорыях футзальных клубаў? --Чаховіч Уладзіслаў (размовы) 19:57, 4 лютага 2017 (+03)

Тут варта адрозніваць міні-футбол (праводзіцца пад эгідай ФІФА) і футзал (па якім чэмпіянат свету праходзіў у Мінску). Калі першы чэмпіянат у нас, здаецца, прафесійны, то ў футзал гуляюць аматары. Для міні-футбола, думаю, можна ствараць атрыкулы пра ўсіх удзельнікаў чэмпіянату, якія згулялі хоць матч. Для футзала ўвогуле не ўпэўнены, што нават чэмпіёны маюць значнасць. Скарачэнні можна выкарыстоўваць — для міні-футбола МФК (як МФК Сталіца), для футзала — лепш пісаць "Гомель, футзальны клуб" або "Дынама, футзальны клуб, Мінск".--Artsiom91 (размовы) 20:27, 4 лютага 2017 (+03)

А дзе пралягае мяжа паміж прафесійным чэмпіянатам і аматарскім? У рувікі, дарэчы, ёсць артыкулы амаль пра ўсе апошнія беларускія чэмпіянаты па футзале. --Чаховіч Уладзіслаў (размовы) 21:59, 4 лютага 2017 (+03)

Футзал — прафесійны, а міні-футбол аматарскі. Проста нешта расейскія вікіпедысты наблыталі, ды і нашы ім у гэтым дапамаглі. Справа ў тым, што існуе Беларуская федэрацыя футзала, але яна цалкам аматарская, і не ўваходзіць ні ў Міжнародную асацыяцыю футзала, ні ў Еўрапейскі саюз футзала. Але гэта не ўсё, наша «славутае» АБФФ пайшло яшчэ далей. вось тут вядзе гаворку пра развіццё міні-футбола ў Беларусі, але чамусьці існуе Нацыянальная зборная Беларусі па футзалу, а па міні-футболу — не(sic!) Ды і на сайце УЕФА існуюць толькі футзальныя нацыянальныя чэмпіянаты. Наконт гульцоў, у АнглВікі крытэрыі такія: гульцы нацыянальных зборных, якія ўдзельнічалі ў фінальных этапах, а таксама гульцы—прызёры нацыянальных чэмпіянатаў.--Dzianis Niadbajla (размовы) 22:12, 4 лютага 2017 (+03)

Ну, калі спартсмен існуе за кошт заробку ў спорце — ён прафесіянал, калі недзе працуе — то аматар. У прафесійных чэмпіянатах прапісана, што ігракі павінны мець зарэгістраваныя прафесійныя кантракты. Вядома, для канкрэтных беларускіх чэмпіянатаў трэба шукаць нейкія дакументы, але мне здаецца, што ў нас дакладна прафесійныя футбол, хакей і гандбол, магчыма яшчэ валейбол, баскетбол і міні-футбол. Артыкулы пра чэмпіянаты і каманды можна ствараць (у нас таксама ёсць Чэмпіянат Беларусі па бейсболе 2016 — вышэйшая ліга), тут здаецца праблем няма. Пра футзал/міні-футбол, то на большасць моў яны абодва называюцца "футзалам", але ў рускамоўнай сферы футзал ФІФА звычайна назваюць міні-футболам, а футзалам — менавіта футзал АМФ, таму могуць быць нейкія калізіі.--Artsiom91 (размовы) 22:19, 4 лютага 2017 (+03)

Да не, Artsiom91, калізія адбылася ў далёкіх 1980-х гадах, калі ў выніку спрэчак з ПАНАФУТЗАЛ і ФІФУСА, ФІФА забараніла выкарыстоўваць слова «футбол» для футбола ў залах. Таму ў 1985 г. быў створана слова «футзал».--Dzianis Niadbajla (размовы) 22:26, 4 лютага 2017 (+03)

А калі гэтыя аматары двойчы станавіліся чэмпіёнамі Еўропы? --Чаховіч Уладзіслаў (размовы) 22:31, 4 лютага 2017 (+03)

Ды хоць чэмпіёнамі Сусвету. Тут пытанне, ці можна лічыць сам футзал AMF відам спорту згодна з апісаннем у друім абзацы праекта правілаў (бо ў міжнароднай федэрацыі не так шмат краін і ён не алімпійскі), каб спартсмены маглі мець артыкулы ў Вікіпедыі. А па мне, дык галоўнае, каб інфармацыі пра ігракоў была нармальная. Калі ўсё, што можна напісаць у артыкуле, гэта "у 2014 годзе стаў чэмпіёнам Беларусі" (бо іншай інфы нідзе няма), то навошта такі артыкул (ну, у чарнавіку можна такое рыхтаваць). Калі ж наадварот, інфармацыі з крыніцамі процьма, то і на сумніўную значнасць віду спорту можна вочы закрыць.--Artsiom91 (размовы) 22:40, 4 лютага 2017 (+03)

Наконт крытэрыяў, сваю думку (дакладней цалкам пагаджаюся з крытэрыямі АнглВікі) падаў вышэй. Наконт Крэтэрыяў — гэта яшчэ праект, таму галасаваў супраць, бо праект занадта сыры. Галоўнае, каб шаноўны Сп. Уладзіслаў нас зараз стабамі пра гульцоў футзалу не закідаў:)))--Dzianis Niadbajla (размовы) 22:56, 4 лютага 2017 (+03)

Моладзевыя клубы

Добры дзень Сп. Artsiom91, можа падкажыце, чаму мы ў шаблонах пра футбалістаў ігнаруем пункт моладзевы клуб? Толькі нядаўна звярнуў увагу, што ў шаблоне такі пункт існуе.--Dzianis Niadbajla (размовы) 20:18, 6 лютага 2017 (+03)

Чаму ж ігнаруем, ужываем, вось прыклады: 1, 2. Можа, для беларускіх футбалістаў прастаўлена рэдка, бо звестак няма, ды і мяжа паміж моладзевымі і дарослымі клубамі невідавочная (таму выступленні за дубль я далучаю да дарослых клубаў).--Artsiom91 (размовы) 20:36, 6 лютага 2017 (+03)

Аляксандра Завіша

Вітаю, а адкуль вядома, што Раіна дачка гэтага Рыгора Валовіча? Калі ёсць крыніца, можа, і ў артыкул пра яго самаго дадаць?--Хамелка/ разм. 09:59, 9 лютага 2017 (+03)

Адсюль: Хаця сярод Валовічаў тых часоў ужо некаторыя былі прыхільнікамі новамоднага рэлігійнага цячэння кальвінізму, бацька Раіны, па ўсім бачна, заставаўся ў праваслаўі. Вядома толькiiмя гэтага Валовіча– Рыгор, але больш ніякіх дакладнасцяў.

І далей - У часы, на якія прыпадае маладосць Раіны, жылі і дзейнічалі па меншай меры два Рыгоры Валовічы. Адзін, Рыгор Грынькавіч, маршалак гаспадарскі, каштэлян новагародскі, стараста слонімскі, памёр у пачатку 1586 года. Другі, Рыгор Багданавіч, ваявода смаленскі, стараста мсцібаўскі, вялікакняжаскі пасол у Маскву ў 1563 годзе, дажыў да 1577 года. Сярод дзяцей Рыгора Багданавіча праславіліся Яраш, які быў каралеўскім сакратаром, і славуты дзяржаўны дзеяч Астафій – кальвіністы. Але ці даводзіліся яны братамі Раіне – цяжка сказаць.

Так што прынамсі два Рыгоры могуць быць, з чаго вынікае, што, напэўна, пакуль вашу праўку трэба скасаваць. :(--Хамелка/ разм. 10:12, 9 лютага 2017 (+03) Але за наводку на саму Раіну дзякуй, магчыма, пра яе таксама напішу.--Хамелка/ разм. 10:12, 9 лютага 2017 (+03)

Блытаніны з гэтымі Валовічамі зашмат. Інфармацыя розная ў розных месцах, часта супярэчлівая. З вашай вытрымкі, напрыклад, "Сярод дзяцей Рыгора Багданавіча праславіліся Яраш, які быў каралеўскім сакратаром, і славуты дзяржаўны дзеяч Астафій – кальвіністы." — усё пераблытана, Астафій Багданавіч Валовіч быў братам Рыгора Багданавіча, а ніяк не сынам (іншы Яўстах Валовіч быў каталіцкім біскупам, а не кальвіністам). А Геранім Валовіч (Яраш), які ў многіх крыніцах памылкова пазначаецца як сын Рыгор Багданавіча, на самой справе сын Івана Іванавіча Валовіча і брат вышэйзгаданага біскупа Яўстафія. Версія, што жонка Багдана Агінскага была дачкой менавіта Рыгора Багданавіча, з'яўляецца амаль што агульнапрынятай, таму ў дрэве праўнучкі можна і напісаць (а калі будзе артыкул пра саму Раіну Валовіч, то там можна ўсе сумненні распісаць). Лепш усяго пра Валовічаў можна даведацца з матэрыялаў канферэнцыі, што праходзіла некалькі гадоў таму, здаецца ў Гродне, можна знайсці ў інтэрнэце (у мяне былі, адтуль у асноўным інфармацыю і бяру, пашукаю).--Artsiom91 (размовы) 10:31, 9 лютага 2017 (+03)

Спадарыня Хамелка, удакладняю: пра Валовічаў ёсць у Гарадзенскім палімпсесце 2012 (спампаваць можна тут), с.133—187, канкрэтна пра Раіну Рыгораўну на с.147. Аднак там невысветлена, ад якога шлюбу Раіна, у артыкуле пра Аляксандру Завішу таксама варта прыбраць.--Artsiom91 (размовы) 21:32, 9 лютага 2017 (+03)

Перанакіраванні

Можаце сфарміраваць аснову для заліўкі перанакіраванняў у выглядзе НазваНП, Адм.адзінка → назва артыкула? Шмат дзе артыкулы спасылаюцца менавіта на такую форму, ды і шукаць так у пошуку (без пераходу на старонкі неадназначнасцей) прасцей. Праўда, існуе праблема, калі ў адным раёне два населеныя пункты з адной назвай, але яны маюць розны статус (аграгарадок і хутар, напрыклад). --Чаховіч Уладзіслаў (размовы) 14:29, 12 лютага 2017 (+03)

Магу і сам зрабіць такую заліўку. Наконт рознага статуса, то калі населеныя пункты ў адным раёне, то можна заліць "Самахвалавічы, вёска" і "Самахвалавічы, аграгарадок". Калі ёсць і ў іншых раёнах, то нічога не зробіш, прыйдзецца праз неадназначнасць.--Artsiom91 (размовы) 14:34, 12 лютага 2017 (+03)

Добра --Чаховіч Уладзіслаў (размовы) 14:42, 12 лютага 2017 (+03)

Зроблена, +60000 старонак. Пры гэтым перасылак кшталту "Іванава, Брэсцкая вобласць" не рабіў — думаю, трохі пазней таксама будзе.--Artsiom91 (размовы) 08:49, 14 лютага 2017 (+03)

Дзякуй :) --Чаховіч Уладзіслаў (размовы) 17:41, 14 лютага 2017 (+03)

Зрабіў заліўку ўдакладненняў па абласцях кшталту "Іванава, Брэсцкая вобласць".--Artsiom91 (размовы) 22:23, 18 лютага 2017 (+03)

Бачная зорная велічыня

Вітаю. У артыкуле пра Эрыс бачная зорная велічыня разлічваецца з дапамогай камбінацыі нейкіх дзіўных шаблонаў. Я паперацягваў, але толку няма. Можаце глянуць? Дзякуй. --Artificial123 (размовы) 21:54, 18 лютага 2017 (У+03)

Artificial123, шаблон {{Малая планета/Адлегласць да Зямлі}} выкарыстоўвае неіснуючыя зараз шаблоны {{Малая планета/MPX}}, {{Малая планета/MPY}}, {{Малая планета/MPZ}} — трэба іх таксама стварыць.--Artsiom91 (размовы) 22:17, 18 лютага 2017 (+03)

{{Малая планета/Адлегласць да Сонца}} выкарыстоўвае {{Малая планета/Эксцэнтрычная анамалія}} — таксама трэба стварыць.--Artsiom91 (размовы) 22:20, 18 лютага 2017 (+03)

Быццам усё, але нічога не змянілася. --Artificial123 (размовы) 22:46, 18 лютага 2017 (+03)

Паправіў, здаецца запрацавала.--Artsiom91 (размовы) 22:50, 18 лютага 2017 (+03)

Правілы пазначэння даты

Вітаю Вас!

Звяртаю Вашу ўвагу, што даты выдання дакументаў, газет і інш. пазначаюцца ў дужках: "Рыжскі мірны дагавор (1921)", "Наша Ніва (1992)" і г. д.

Праз коску жа падаюцца даты падзей: "Якаясьці вайна, якісьці год" і г. д. --Ігар Барысавіч Цярэшчанка (размовы) 11:01, 19 лютага 2017 (+03)

Дагаворы не, газеты так. --Artificial123 (размовы) 11:15, 19 лютага 2017 (+03)

Вандалізм

Таксама звяртаю Вашу ўвагу на тое, што вандалізм недапушчальны: Вы без абмеркавання сказілі правільнае напісанне "Кенедзі", на нейкае нічым не абгрунтаванае "КенЭдзі". Я вельмі доўгі час выпраўляў усё назад. --Ігар Барысавіч Цярэшчанка (размовы) 11:07, 19 лютага 2017 (+03)

А нічога, што было праведзена апытанне па перайменаванні, дзе я прадставіў свае аргументы, некалькі ўдзельнікаў з імі пагадзіліся, паводле іх я і ажыццявіў пераносы? Пры гэтым у тлумачэнні сваіх пераносаў пазначаў "згодна з абмеркаваннем".--Artsiom91 (размовы) 11:11, 19 лютага 2017 (+03)

А нічога, што трэба паведамляць мне аб тым, што праводзяцца апытанні па перайменаванні? --Ігар Барысавіч Цярэшчанка (размовы) 11:16, 19 лютага 2017 (+03)

Па-першае, пры выстаўленні на перайменаванне я Вас узгадаў і лічу, што тым самым Вас апавясціў. Па-другое, у тлумачэнні пераносаў пазначана "згодна з абмеркаваннем", і я лічу, што дысцыплінаваны ўдзельнік звярне на гэта ўвагу і не будзе адразу слепа адкочваць, а па меншай меры спытаецца, дзе такое абмеркаванне было. --Artsiom91 (размовы) 11:19, 19 лютага 2017 (+03)

О, ажно 3 галасы (я паглядзеў архіў). Ведаеце, з БелЭн добра ў туалет хадзіць, калі паперы няма. На большае гэта "кніга" няздатная, хаця б таму, што ў дачыненні да арфаграфіі транслітаратаў з іншых моў там дзейнічае прынцып "хто как хаціт, тат тэк пішыт". Але я не змог прывесці сваю аргументацыю. Калі ласка, каб пазбегнуць падобных сітуацый у будучыні, прагаласуйце на форуме. --Ігар Барысавіч Цярэшчанка (размовы) 11:23, 19 лютага 2017 (+03)

Інтэрвікі

Вітаю. Дадаў у артыкул [[ru:{{PAGENAME}}]], каб потым злучыць інтэрвікамі аўтаматычна. Але каманда штосьці пісала-пісала, але ніякіх правак не зрабіла. У чым можа быць прычына? --Artificial123 (размовы) 20:24, 19 лютага 2017 (+03)

Наколькі я ведаю, калі пакінуць у артыкуле старую інтэрвіку кшталту [[ru:{{PAGENAME}}]], то робат потым яе аўтаматычна злучыць з іншымі, а з артыкула выдаліць. У Вас жа 5 хвілін прайшло толькі — варта хоць дзень пачакаць (прыкладам, тут робат праз паўдня перанёс). Думаю, ўсё злучыцца. Але, калі не цяжка, лепш усё ж пісаць [[ru:NGC 103]], хто яго ведае як бот {{PAGENAME}} распазнае. --Artsiom91 (размовы) 20:35, 19 лютага 2017 (+03)

А, проста калі рукамі, то аўтаматычна ўсё за секунды праходзіць. А пісаць для кожнага артыкула даволі цяжка, у выбарцы зараз больш за 600. --Artificial123 (размовы) 20:42, 19 лютага 2017 (+03)

Тады паспрабуйце пакуль які дзясятак артыкулаў праз [[ru:{{PAGENAME}}]], калі праз дзень злучыцца — можна і астатнія гэтак жа рабіць.--Artsiom91 (размовы) 20:45, 19 лютага 2017 (+03)

Сапраўды, злучыліся. А як у астатнія дадаць аўтаматам [[ru:{{PAGENAME}}]]? --Artificial123 (размовы) 09:21, 20 лютага 2017 (+03)

Можна, напрыклад, з дапамогай АўтаВікіБраўзера, там можна ў тым ліку ў артыкулы дадаваць адвольны аднолькавы тэкст у канец. Паспрабуйце, калі штосьці не атрымаецца, то я змагу прайсціся ботам.--Artsiom91 (размовы) 09:29, 20 лютага 2017 (+03)

Выбарачна праверыў, быццам, усё ёсць. Дзякуй за парады, працягнем. --Artificial123 (размовы) 12:35, 20 лютага 2017 (+03)

Можаце стварыць аналаг гэтага шаблона, але нармальны, праз {{Картка}}? --Artificial123 (размовы) 15:33, 20 лютага 2017 (+03)

Паспрабую, хоць не разумею чым ён прынцыпова будзе адрознівацца ад шаблона {{Галактыка}}.--Artsiom91 (размовы) 19:43, 20 лютага 2017 (+03)

Дапоўніў шаблон {{Галактыка}} ўсімі недастаючымі параметрамі. Можна выкарыстоўваць яго, ну ці зрабіць шаблон {{Галактыка IC}} перасылкай на яго. Таксама, пры неабходнасці можна дадаць сінонімы некаторых параметраў ("чырвонае зрушэнне" да "z").--Artsiom91 (размовы) 21:54, 20 лютага 2017 (+03)

Здаецца, вы не дадалі параметры тыпу «хабл-тып», «код IC» і іншыя. --Artificial123 (размовы) 19:01, 23 лютага 2017 (+03)

У шаблоне {{Галактыка}} гэтую ролю выконвае параметр «тып». Параметра «код IC» у зыходным украінскім шаблоне не бачу, толькі проста «код». Пакажыце прыклад артыкула з праблемамі, падумаю, што там і як можна падтрымаць.--Artsiom91 (размовы) 23:17, 23 лютага 2017 (+03)

Вось раз, вось два. Ну і параметр "IC". --Artificial123 (размовы) 23:36, 23 лютага 2017 (+03)

Хабл-тып падтрымаў (толькі ў IC 5216 варта не "Хабл-тип" пісаць, а па-беларуску), «IC» ва ўкраінскай не выкарыстоўваецца — у нас няхай пакуль проста стаіць, можна будзе з ім потым штосьці зрабіць.--Artsiom91 (размовы) 23:57, 23 лютага 2017 (+03)

Маю яшчэ пытанне. Калі я буду намагацца дадаць ботам артыкул, які ўжо існуе, што адбудзецца? --Artificial123 (размовы) 21:34, 22 лютага 2017 (+03)

У AWB ёсць фільтр, які дазваляе прапускаць існуючыя артыкулы (яны не зменяцца). Калі не прапускаць, то, здаецца, дапішацца ў канец. Але, магчыма, можна неяк перазапісаць. Паспрабуйце — даведаецеся дакладна што атрымаецца.--Artsiom91 (размовы) 21:39, 22 лютага 2017 (+03)

Я не праз AWB, праз pywikibot. --Artificial123 (размовы) 21:45, 22 лютага 2017 (+03)

Ім не карыстаўся, таму не ведаю. Уласна, адно з трох магчымае — прапускае існуючыя, дапісвае ў канец ці замяняе, у любым выпадку варта паспрабаваць.--Artsiom91 (размовы) 21:47, 22 лютага 2017 (+03)

Вітаю. Паспрабаваў, ён прапускае існуючыя. Цяпер некалькі просьбаў:

1. Калі заліўка скончыцца (мабыць, заўтра), прастаўце інтэрвікі, у мяне не вельмі атрмліваецца.
2. Я дапусціў некалькі памылак пры рэдагаванні тэкстаў. Замяніце "рассеяннае скопішча" на "рассеянае скопішча" ў артыкулах. Таксама Катэгорыя:Рассеянныя скопішчы, мае быць Катэгорыя:Рассеяныя скопішчы.
3. Можна прагледзець у картках новых артыкулаў радок |Абазначэнні = і стварыць перасылкі з назвамі, якія ўтрымоўваюцца ў гэтым радку. Напрыклад, у артыкуле NGC 2000 у вышэйзгаданым радку, акрамя назвы, яшчэ і "ESO 56-SC135". Вось такую перасылку і варта стварыць.

Дзякуй за адказы. --Artificial123 (размовы) 21:14, 8 сакавіка 2017 (+03)

1. Не вельмі зразумеў, у чым праблема з інтэрвікамі — спасылка на ру-вікі прастаўлена, ботам яна потым, здаецца, перацягваецца. Калі ласка, патлумачце праблему на канкрэтным артыкуле.

2. Не праблема, замяню, толькі дайце ведаць, калі заліўка скончыцца.

3. Гэта ўжо не так проста зрабіць, але трохі пазней, думаю, паспрабую, можа што і атрымаецца.--Artsiom91 (размовы) 21:28, 8 сакавіка 2017 (+03)

Мінулы раз я паўдня рукамі разграбаў інтэрвікі-канфлікты 700 артыкулаў, а тут 6000. --Artificial123 (размовы) 21:33, 8 сакавіка 2017 (+03)

Можа быць, можа быць. Усё ж, калі ласка, патлумачце праблему на канкрэтным артыкуле.--Artsiom91 (размовы) 21:34, 8 сакавіка 2017 (+03)

Скончу заліўку — паспрабую, але чакаю жэсці. --Artificial123 (размовы) 21:38, 8 сакавіка 2017 (+03)

Скончыў. Я тут падумаў, было б прыкольна замяніць шаблоны {{Бот}} на {{Заліўка аб'ектаў NGC}}. --Artificial123 (размовы) 14:43, 9 сакавіка 2017 (+03)

Такую замену варта і можна зрабіць, толькі спачатку варта стварыць гэты шаблон і катэгорыі для яго. Калі заліваліся астранамічныя аб'екты іншых каталогаў, то варта вызначыцца, як назваць шаблон, рабіць адзін ці некалькі.--Artsiom91 (размовы) 15:25, 9 сакавіка 2017 (+03)

Яшчэ адзін будзе, каталог IC. --Artificial123 (размовы) 15:37, 9 сакавіка 2017 (+03)

Зрабіў. --Artificial123 (размовы) 15:49, 9 сакавіка 2017 (+03)

Вось неяк так адказвае мне pywikibot, калі стаўлю інтэрвікі. --Artificial123 (размовы) 20:09, 9 сакавіка 2017 (+03)

Гэта ўсяго толькі папярэджанні. Нічога страшнага ў іх няма, бот потым якраз гэтыя сувязі і створыць. Нядаўнія створаныя артыкулы ўжо якраз звязаліся, толькі спасылка [[ru:{{PAGENAME}}]] не выдалілася, аднак праблем гэта не стварае.--Artsiom91 (размовы) 20:21, 9 сакавіка 2017 (+03)

Во, пачалося. І так куча. --Artificial123 (размовы) 21:14, 9 сакавіка 2017 (+03)

Гм, ну паглядзеў. Так, недзе засталіся канфлікты, магчыма яшчэ з давікідатаўскіх часоў. Але не разумею, як яны ўплываюць менавіта на бе-вікі і якую працэдуру выконвае на скрыншотах pywikibot (ім ніколі не карыстаўся і ніколі не бачыў, таму ўвогуле не ведаю ніякіх асаблівасцей працы). Мне здавалася, што бот стварыў артыкулы са спасылкай на ру-вікі, пасля артыкулы аўтаматычна далучыюцца на Вікідата без нашага ўдзелу. Ніякага ўнёска ArtifitialBot па стварэнні інтэрвік я не назіраю ні ў бе-вікі, ні ў Вікідата. Таму, уласна, пытанне: а што адбываецца на гэтым скрыншоце, на што гэта ўдзейнічае і ці патрэбна гэта выконваць увогуле? Дарэчы, знайшоў артыкул з незразумелай назвай Туманнасць NGC 1977 — калі няма нічога асаблівага, варта перанесці ў NGC 1977.--Artsiom91 (размовы) 21:48, 9 сакавіка 2017 (+03)

Я глядзеў тут, але сам не разумею, што адбываецца. Зараз запусціў з канца. ужо дайшло да 7150 нумара. --Artificial123 (размовы) 22:06, 9 сакавіка 2017 (+03)

Відаць, пры запуску недзе стаяць галкі па аўтаматычным вырашэнні інтэрвікі-канфліктаў. Магу прапанаваць толькі спыніць працэс і не запускаць наноў, бо якая карысць — незразумела. Калі спыніць нельга, то тут ужо нічога не папішаш.--Artsiom91 (размовы) 22:20, 9 сакавіка 2017 (+03)

Спыніў. --Artificial123 (размовы) 22:24, 9 сакавіка 2017 (+03)

Request

Hello.

Could you create the article Культура Азербайджана (ru) (en) in Belorussian Wikipedia?

Thank you.

31.200.22.41 21:46, 27 лютага 2017 (+03)

Амстронг

У сувязі з пераносам Джордж Амстронг Кастар у Джордж Армстранг Кастэр. У англійскай мове ў слове armstrong другая літара r не чытаецца, а націск падае на O, а не на A. Гл. Syllabication And Stress і Pronunciation of Armstrong. Такім чынам пры транслітэрацыі Амстронг, а не Армстранг. - Frantishak (размовы) 18:10, 2 сакавіка 2017 (+03)

Наконт r у спалучэннях кшталту "ar", "er" — яна заўсёды перадаецца, амерыканцы (калі не памыляюся) кажуць "Нью-Ёк" а не "Нью-Ёрк", "Катэ" а не "Картэр", але пры перадачы на беларускую "р" захоўваецца. Бо транслітарацыя на беларускую — гэта не пагукавая перадача амерыканскага вымаўлення (пры жаданні, амерыканскае вымаўленне можна пазначыць у артыкуле). Наконт націску не магу сказаць, але ў нас ёсць старонка Армстранг, паводле яе і пераносіў — там гэтае ж амерыканскае прозвішча.--Artsiom91 (размовы) 18:16, 2 сакавіка 2017 (+03)

Калі існуе традыцыя напісання Нью-Ёрк, а не Нью-Йок, або Луі Армстранг (калі яна сапраўды існуе, і гэта не памылка), то напісанне Армстранг зразумела. Але не зразумела, навошта крыўляць нават не прозвішча, а другое імя? Што тычыцца артыкула Армстранг, то відавочна, што там патрабуецца праўка пра вымаўленне і перанакіраванне з Амстронг. - Frantishak (размовы) 18:27, 2 сакавіка 2017 (+03)

Перанакіраванне — рабіце, вымаўленне — дадавайце, ніхто не супраць. Мы сталіцу Англіі называем Лондан, хоць самі англічане кажуць Ландан. У Канадзе таксама ёсць горад з такой назвай, пэўна яго мы таксама будзем называць Лондан а не Ландан. Розныя перадачы аднаго і таго ж у аднолькавай сітуацыі (асабістае імя/прозвішча) у любым разе няправільна.--Artsiom91 (размовы) 18:34, 2 сакавіка 2017 (+03)

Ня бачу праблем з няправільнасцю, бо Джэры Уэст супраць Вест-Індыя, Уэст-Мідлендс супраць Лэнд-арт і г. д. -Frantishak (размовы) 06:28, 3 сакавіка 2017 (+03)

Тут трохі розныя сітуацыі: прозвішча супраць традыцыйнай геаграфічнай назвы (дарэчы, Вест-Індыя, думаю, не англійскага паходжання); уласная геаграфічная назва супраць няўласнай. Ды і супадаюць толькі часткі слоў, а не словы поўнасцю. Калі ж ёсць аднолькавыя аднатыпныя назвы — усё імёны і прозвішчы, або усё геаграфічныя назвы, прычым без традыцыйнасці (як каралёў Англіі мы называем Якавамі і Карламі, хоць яны Джэймсы і Чарльзы), то перадача мае быць аднолькавай.--Artsiom91 (размовы) 08:01, 3 сакавіка 2017 (+03)

Гэта толькі прыклады, а не розныя сітуацыі (у нас існуюць яшчэ Вэсты і розніца ў перадачы i пасля галоснай як і' і й), куды даўняя традыцыя запісваць імёны англійскіх каралёў не ўваходзіць. Калі мы маем справу з іншымі мовамі, то розніца ў транслітэрацыі - непазбежнасць з-за розніцы ў гуках і вымаўленні нават знутры адной мовы. Калі няма ніякіх правілаў перадачы аднолькавых па паходжанні назваў, то і няма сэнсу іх выдумляць. Тым больш, калі існуюць загадзя памылковыя, накшталт Армстранг. - Frantishak (размовы) 18:13, 3 сакавіка 2017 (+03)

Геранім Валовіч

У артыкуле пра Гераніма іншыя звесткі пра бацькоў. А не такія.--Хамелка/ разм. 11:54, 3 сакавіка 2017 (+03)

Бацька Гераніма — Івана Іванавіч. Пра Рыгора Багданавіча - распаўсюджаная памылка. Усюды трэба паправіць, у тым ліку на Вікідата, адкуль зараз цягнецца. Я аб гэтым ужо пісаў вышэй.--Artsiom91 (размовы) 11:59, 3 сакавіка 2017 (+03)

перасылкі на сузор'і

Прывітанне, спадар Арцём. Ці ёсць у Вас магчымасць ботам паствараць перасылкі на сузор'і на ўзор: "Назва, сузор'е" і "Назва (сузор'е)"? Бо часам такіх спасылак не хапае. --Дзяніс Тутэйшы (размовы) 15:46, 10 сакавіка 2017 (+03)

Спадар Дзяніс, не праблема, увечары зраблю. Рабіць буду для напісанняў, якія ёсць зараз (з гэтага шаблона).--Artsiom91 (размовы) 15:51, 10 сакавіка 2017 (+03)

Дзякуй. Назвы ў шаблоне адпавядаюць спісу ў БелЭн (т. 7, артыкул "Зорнае неба", с. 109, 112; толькі "Паўднёвы Крыж" у БелЭн названы проста "Крыжом"). --Дзяніс Тутэйшы (размовы) 16:26, 10 сакавіка 2017 (+03)

Зроблена.--Artsiom91 (размовы) 21:09, 10 сакавіка 2017 (+03)

PGC

Вітаю. Маю файл каталога PGC (Principal Galaxies Catalog, Каталог асноўных галактык). Можна яго неяк апрацаваць у нармальны вікі-выгляд? Магу адправіць на пошту. --Artificial123 (размовы) 14:12, 14 сакавіка 2017 (+03)

Апрацаваць у нармальны вікі-выгляд можна што заўгодна (іншая справа, што дзесьці лепш, дзесьці горш). У мяне сумненні, ці не будзе выкарыстанне звестак адтуль парушэннем аўтарскіх правоў.--Artsiom91 (размовы) 14:23, 14 сакавіка 2017 (+03)

Адправіў. --Artificial123 (размовы) 15:15, 14 сакавіка 2017 (+03)

Спадар Арціфішл, паглядзеў каталог. Адтуль можна ўзяць каардынаты і бачны дыяметр, альтэрнатыўныя назвы. Сузор'я няма (хоць, пэўна, можна вызначыць па каардынатах), як і бачнай зорнай велічыні. Можна стварыць шэраг тэставых артыкулаў (кшталту такога), або спісы (кшталту такога), але не думаю, што зараз варта гэта рабіць у асноўнай прасторы. У іншых вікі я не магу знайсці нават спісаў аб'ектаў PGC, толькі шэраг артыкулаў пра галактыкі (відаць, найбольш даследаваныя).--Artsiom91 (размовы) 11:44, 18 сакавіка 2017 (+03)

Тэма маладаследаваная, таму і нават спісаў няма. Спрабую спачатку зрабіць спісы, каб будучыя артыкулы не былі ізаляванымі. Дарэчы, вось агрызак спіса на нямецкай. --Artificial123 (размовы) 11:58, 18 сакавіка 2017 (+03)

Вікіпедыя:Запыты па пераклад

Вітаю. Варта ажывіць гэтую старонку і дадаць яе ў шаблоны ўверсе службовых старонак, вельмі звучна. --Artificial123 (размовы) 11:15, 16 сакавіка 2017 (+03)

Маеце на ўвазе, у спіс запытаў з шаблона, які напрыклад тут уверсе? Уласна, не вельмі разумею, чым старонка "запыты на пераклад" будзе адрознівацца ад Вікіпедыя:Што рабіць, дзе таксама стаяць артыкулы да стварэння са спасылкамі на існуючыя ў іншых віках.--Artsiom91 (размовы) 11:28, 16 сакавіка 2017 (+03)

Так, гэтага шаблона. Калі будзе спасылка з яго, старонка можа стаць больш папулярнай. Або прапануйце, як яшчэ можна ажывіць Вікіпедыя:Што рабіць. --Artificial123 (размовы) 11:35, 16 сакавіка 2017 (+03)

У шаблон спасылку на старонку дадаў.--Artsiom91 (размовы) 11:56, 16 сакавіка 2017 (+03)

Насельніцтва

Пры абнаўленні звестак пра насельніцтва адм. адзінак і населеных пунктаў Беларусі, варта, на маю думку, звярнуцца да візуалізацыі. Тым больш, што такая магчымасць ёсць. Але трэба вызначыць, што ды як будзе візуалізавацца. Каб уся гэтая прыгажосць (кругавыя дыяграмы) не разляталася, думаю, што лепш яе змясціць у табліцу, а вось куды графік - адкрытае пытанне. Можна ў шапку табліцы, можна асобна, справа ад тэксту, ці неяк яшчэ. Прыклад (толькі табліцу без граніц зрабіць):

--Чаховіч Уладзіслаў (размовы) 00:26, 6 красавіка 2017 (+03)

Паспрабаваць, хоць бы ў артыкулах пра вобласці, можна. Пытанне, ці ёсць у нас звесткі пра палавую структуру, родную мову і "размаўляюць дома" (яшчэ можна ўзроставую структуру дадаць). Але сапраўды, пытанне што і як размяшчаць ёсць. Асабіста мне здаецца, што вялікая колькасць графікаў толькі адцягвае ўвагу, 1-2 яшчэ можна ў адпаведным раздзеле, а калі больш, то можа лепей стварыць артыкул Насельніцтва Брэсцкай вобласці. Графікі хацелася б бачыць справа на старонцы, як ілюстрацыю да тэкставай інфармацыі (як у Гомелі зроблена). Кругавыя дыяграмы, з аднаго боку, добрыя, а з другога, яны падыходзяць калі ёсць некалькі (не 2) пунктаў, дзе адносіны невідавочныя і змяняюцца ад адной адзінкі да другой (напрыклад, вельмі выйгрышна б глядзелася карта Гродзенскай вобласці па раёнах з кругавой дыяграмай насельніцтва ў кожнай, з відавочнай перавагай палякаў у Воранаўскім раёне). А так, калі жанчын 55% і мужчын 45% амаль усюды ды без дынамікі, то адразу пытанне, а навошта яно ў артыкуле (вядома, дыяграма, проста звесткі хай будуць). Пра лінейны графік дынамікі насельніцтва — трэба падумаць, як ён будзе выглядаць ва ўмовах рэальных даных, якія бываюць звычайна толькі па перапісах, ну апошнія гады часцей. Гарадское/сельскае можна ў гэтую ж дынаміку запіхнуть. Магчыма, варта вывучыць досвед іншамоўных вікіпедый, дзе, упэўнены, падобныя пытанні ўжо вырашаліся. Асабліва мне здаецца, што нармальным будзе размяшчаць лінейны графік дынамікі насельніцтва і для абласцей/раёнаў яшчэ нацыянальны склад, астатняе залішняе. Але, шчыра кажучы, у мяне са пачуццём прыгожага не вельмі, таму магчыма лепей будзе звярнуцца на форум.--Artsiom91 (размовы) 01:26, 6 красавіка 2017 (+03)

Юнацкая зборная

Сп. Artsiom91, хачу стварыць артыкулы пра юнацкія зборныя Беларусі па футболе, і адразу ўзнікла праблема → назва. Можа мы пяройдзем на сусьветную тэрміналогію ў дадзеным выпадку Зборная Беларусі па футболе U-19 і Зборная Беларусі па футболе U-17?--Dzianis Niadbajla (размовы) 22:31, 10 красавіка 2017 (+03)

Няпростае пытанне, як юнацкія зборныя называць. Я разлічаваў выкарыстоўваць назвы Юнацкая зборная Беларусі па футболе (да 17 гадоў) і Юніёрская зборная Беларусі па футболе (да 19 гадоў). Гэта пасуе назве Моладзевая зборная Беларусі па футболе (да 21 года) і прымяненню ў СМІ і інш. З іншых назваў можна ў любым выпадку рабіць перасылкі. Праблема ў такім выпадку будзе для зборных да 16 і да 18 гадоў, але пра іх амаль няма інфармацыі (афіцыйныя турніры праводзяцца толькі для U-17 і U-19, у астатнім вызначэнне зборных вельмі ўмоўнае). Калі пісаць лічбы ў назве, то можа было б лепш па-беларуску, як Зборная Беларусі па футболе да 19 гадоў. Думаю, пакуль можаце ствараць пад якімі хочаце назвамі, з астатніх зрабіць перасылкі. З цягам часу, калі можа гэтая тэма будзе развітая, лепшы варыянт вызначыцца, як у нас ужо адбылося з большай часткай назваў футбольных артыкулаў.--Artsiom91 (размовы) 22:50, 10 красавіка 2017 (+03)

Шаблон:Асоба

Я прапаноўваю пакінуць там і грамадзянства, і падданства, але не па змоўчаніі. Па змоўчанні мусіць быць радок "Краіна", бо ён больш абстрактны, больш карэктны, як Вы кажаце. Пад радком "па змоўчанні" я маю на ўвазе той, які аўтаматычна запаўняецца з Вікі-даты. Вы за такі раскладзік? --Ігар Барысавіч Цярэшчанка (размовы) 23:01, 10 красавіка 2017 (+03)

Ігар Барысавіч, тут пытанне, а ці патрэбна гэтае грамадзянства наогул. Некалі, здаецца, была праблема з тым, што ў Кастуся Каліноўскага раптам з'явілася расійскае грамадзянства (ён такое, безумоўна, меў, але вось навошта гэта ў картцы пазначаць, і няма розніцы — як "Падданства", "Краіна" ці "Грамадзянства"). Ды і ў Вікідата звесткі з'яўляюцца ў асноўным ботапераносам з вікіпедый, якія не заўсёды замарочваюцца з асаблівасцямі, таму дзеячы ВКЛ будуць нечакана мець грамадзянства Польшчы. А так, калі хочацца пазначыць грамадзянства/краіну, яго ў артыкуле можна прапісаць рукамі.--Artsiom91 (размовы) 23:18, 10 красавіка 2017 (+03)

Добра. Згодны з Вамі, Арцём. Тады прапішыце, калі ласка, шаблон так, каб боты з Вікідата не змаглі сваю лухту нам навязваць, г. зн. адключыце гэту функцыю. 😃 Ігар Барысавіч Цярэшчанка (размовы) 08:11, 11 красавіка 2017 (+03)

Вікіпедыя:Заяўкі на статусы‎

Як тут зрабіць рамку? --Artificial123 (размовы) 18:00, 13 красавіка 2017 (+03)

Калі маеце на ўвазе {{Індэкс2}} — навігацыю ўверсе, то ў самім гэтым шаблоне у асноўным прапісваюцца канкрэтныя назвы старонак, на якіх будзе рамка і другі ўзровень. Увечары паспрабую выправіць, там шмат на якіх старонках рамка не паказваецца, хоць па логіцы павінна.--Artsiom91 (размовы) 18:14, 13 красавіка 2017 (+03)

Зроблена.--Artsiom91 (размовы) 22:29, 13 красавіка 2017 (+03)

Ш:Геакар/На карце

У {{Геакар/На карце}} трэба, каб параметр image (звычайная карта) адлюстроўваўся ў картках толькі тады, калі image1 (рэльефная карта) у шаблоне На карце/NNN пусты. Быццам бы ўсё імпартаваў з рувікі і выправіў пад нас, а на гэтым месцы здаўся. Мо ёсць ідэі? Калі што, адсочваць змены можна па артыкулах Астравы Лау (для Фіджы не існуе рэльефнай карты) і, напрыклад, востраў Родас (звычайны востраў, для якога ёсць 2 карты). --Чаховіч Уладзіслаў (размовы) 21:17, 26 красавіка 2017 (+03)

Спадар Чаховіч, здаецца, зрабіў. Аднак думаю, што магчыма лепш перарабіць шаблоны "На карце" так, як у рувікі, каб замест "image" і "image1" было "#default" і "physical", што і сутнасці больш адпавядае, і выкарыстоўваць будзе лягчэй.--Artsiom91 (размовы) 22:49, 26 красавіка 2017 (+03)

Мары Харель

Гугл сёння дае спасылку на Мары Харель (Мары Арэль), таму трэба зрабіць, каб людзі маглі патрапіць туды куды патрэбна. --Aliaksandr Y (размовы) 10:52, 28 красавіка 2017 (MSK)

Спадар Аляксандр, па-першае, усё ж такі дайце спасылку, бо незразумела аб чым размова. Па-другое, шмат хто шмат дзе можа пісаць як захоча (у тым ліку бязграматна), але мы ўсё ж прытлімліваемся правілаў мовы, дзе "ре" не можа быць ніякім чынам. Варыянт Мары Харэль яшчэ ў нейім сэнсе дапушчальны (хоць таксама няправільны). І Вікіпедыя ў сваёй дзейнасці не прытрымліваецца ў першую чаргу прынцыпаў "каб людзі маглі патрапіць туды куды патрэбна" (бо каму і што патрэбна — невядома і суб'ектыўна).--Artsiom91 (размовы) 10:56, 28 красавіка 2017 (+03)

Адміністратарства

Віншую, калега! Поспехаў і задавальнення :).--Хамелка/ разм. 06:58, 2 мая 2017 (+03)

Дзякуй вялікі!--Artsiom91 (размовы) 09:11, 2 мая 2017 (+03)

Травень

Вітаю. Слова «травень» ёсць у апошніх акадэмічных слоўніках. «Слоўнік беларускай мовы. Мінск: Беларуская навука, 2012», і ў тлумачальным слоўніку «Тлумачальны слоўнік беларускай літаратурнай мовы : больш за 65 000 слоў / уклад. : І.Л. Капылоў [і інш.] ; пад рэд. І.Л. Капылова. — Мінск : Беларуская Энцыклапедыя імя Петруся Броўкі, 2016. — 968 с.». Прашу не выпраўляць гэтае слова.--Liashko (размовы) 16:47, 4 мая 2017 (+03)

У нас артыкул май. У слоўніках можа быць і 20 сінонімаў, але яны могуць мець розныя адценні, а мы пішам у энцыклапедычным стылі. У нас у процьме артыкулаў "май", а "траўня" нідзе няма. Таму прашу Вас не ўжываць гэтае слова без узгаднення з супольнасцю. Сам выпраўляць не буду, але вельмі магчыма, што гэта зробяць іншыя рэдактары.--Artsiom91 (размовы) 16:54, 4 мая 2017 (+03)

Слова «травень» не мае адценняў. Размоўныя словы пазначаюцца як «разм.». Да таго ж, у артыкуле пра май пазначаны травень.--Liashko (размовы) 17:20, 4 мая 2017 (+03)

Спадар Ляшко, Вы ж сумленны ўдзельнік. Можна замест "май" пісаць і "апошні месяц вясны". Проста навошта гэтае змаганне за "травень", гэта ж Моська супраць слана, вельмі падобна на гэтую творчасць (калі аднаму ўдзельніку вельмі хочацца і правілам быццам не супярэчыць, а тое што ўсе робяць па іншаму — няважна). На мой асабісты погляд, у стандартных датах "ДД.ММ.ГГГГ" варта пісаць "май". Паўтаруся: "прашу Вас не ўжываць гэтае слова без узгаднення з супольнасцю. Сам выпраўляць не буду, але вельмі магчыма, што гэта зробяць іншыя рэдактары".--Artsiom91 (размовы) 17:31, 4 мая 2017 (+03)

Увогуле (як прыклад для артыкула Вёска Крыстампалле) я лічу, что для пераходу з аднаго сельсавета ў іншы лепш увогуле не даваць дакладную дату, а пакідаць толькі год, бо і фармальна і фактычна пераход адбываецца не за адзін дзень. А па літары закона, Рашэнне ад 28 мая, як у ім сказана, набывае моц пасля афіцыйнага апублікавання — а гэта, як разумею, дата рэгістрацыі ў Pravo.by, то бок 27 чэрвеня.--Artsiom91 (размовы) 17:47, 4 мая 2017 (+03)

Сейшэльскія Астравы

Ці можаце зрабіць над карткай-шаблонам, каб было сейшэльская крэольская мова, а не Шаблон:Lang-crs? --Rymchonak (размовы) 12:12, 15 мая 2017 (+03)

Зроблена. Дастаткова стварыць адпаведны шаблон.--Artsiom91 (размовы) 12:20, 15 мая 2017 (+03)

Дзякуй. --Rymchonak (размовы) 12:21, 15 мая 2017 (+03)

Асабістая старонка

Калі націснуць «Новыя артыкулы», то ў асноўнай прасторы сярод іншых артыкулаў 21:45, 16 мая 2017 ‎Удзельнік:Artembsuir3, нікуды яна не знікла, таму выставіў на выдаленне. --Rymchonak (размовы) 09:57, 17 мая 2017 (MSK)

Старонка «Новыя артыкулы» не заўсёды працуе правільна. Калі не памыляюся, яна, напрыклад, не ўлічвае пераўтварэнні перасылак у артыкулы. Відаць, тут тое ж самае — артыкул быў створаны ў асноўнай прасторы як "Artembsuir3", я яго перанёс у старонку ўдзельніка без захавання перасылкі, але на старонцы «Новыя артыкулы» гэта не была ўлічана, там ён дагэтуль адлюстроўваецца.--Artsiom91 (размовы) 10:10, 17 мая 2017 (+03)

Труп пастуха

Добры дзень. Сёння Вы сцёрлi старонку Труп пастуха. Але мне здаецца, што пасля дапрацоукi энцыклапедычная значнасць тут будзе. Яна была нават тады, калi Вы сцёрлi гэты артыкул. Цi можаце яго аднавiць? 46.56.176.104 14:13, 24 мая 2017 (+03)

Ні аб якой дапрацоўцы не можа быць размовы, бо тэма неэнцыклапедычная, яна як кіраўніцтва для крымінальных спраў толькі падыходзіць. Раней ужо сціралася старонка Труп паляўнічага, усе будучыя падобныя таксама будуць выдаляцца без абмеркавання.--Artsiom91 (размовы) 14:17, 24 мая 2017 (MSK)

Трэба ваша дапамога

Дзень добры. Ці не маглі б вы дапамагчы мне з артыкулам пра Чака Паланіка. Я шмат перакладаў і пісаў. Трэба пераверыць і пацвердзіць усе праўкі. --Alokim22 (размовы) 14:31, 24 чэрвеня 2017 (MSK)

Спадар Alokim22, артыкул паглядзеў. Выгляд і арфаграфія цалкам прымальныя (зрабіў шэраг выпраўленняў, яшчэ заўважыў слова Невідзімкі, якое варта неяк па-іншаму перакласці, не ведаю як лепей), але пацвердзіць праўкі не магу, бо не маю сцяга даглядчыка. Артыкул вельмі неблагі — магу рэкамендаваць высунуць яго ў добрыя артыкулы, тады, вельмі магчыма, іншыя ўдзельнікі дапамогуць з выпраўленнем недахопаў і выкажуць свае пажаданні.--Artsiom91 (размовы) 14:47, 24 чэрвеня 2017 (MSK)

Так, Artsiom91, лепш высунуць яго ў добрыя артыкулы. Мне здаецца, што для "Невідзімкі" лепш будзе "Нябачанкі", але не ўпэўнены, таму скарыстаўся аўтаперакладам. Alokim22 (размовы) 11:34, 25 чэрвеня 2017 (MSK)

Шаблоны:Хакеіст/Гандбаліст

Спадар Арцём, ці можаце стварыць дакументацыю да {{Хакеіст}} і {{Гандбаліст}} па прыкладу {{Футбаліст}}. Я спрабаваў, але чамусьці не атрымлівалася. Узнікалі збоі.--Dzianis Niadbajla (размовы) 14:24, 8 ліпеня 2017 (MSK)

Для гандбаліста дакументацыя ёсць, ці хочаце яе дапоўніць? Што датычыцца хакеіста, то там трэба перапрацоўваць шаблон і артыкулы, якія яго выкарыстоўваюць, бо зараз адначасова ёсць палі "кар'ера", "клубы", "гульнявая кар'ера", якія азначаюць фактычна адно і тое ж і ужываюцца розныя ў розных артыкулах. Магчыма, калі-небудзь займуся гэтым, але ў бліжэйшай перспектыве не планаваў.--Artsiom91 (размовы) 14:40, 8 ліпеня 2017 (MSK)

У мяне ўзнікалі праблемыма з адлюстраваннем у {{Гандбаліст}} поля «кар'ера». Але зараз ужо ўсё працуе. Калі я раблю дакументацыю {{Хакеіст}}, у выніку адлюстроўваецца толькі шапка, без палей.--Dzianis Niadbajla (размовы) 15:12, 8 ліпеня 2017 (MSK)

Рыбніца

Чаму галоўнае - горад, а не возера ў Гродзенскім раёне? Па такой логіцы, які Сураж будзе галоўным? --Rymchonak (размовы) 13:37, 10 ліпеня 2017 (MSK)

Таму што я перайшоў на спіск старонак, якія спасылаюцца на "Рыбніца" і вырашыў, што абсалютная большасць спасылак адносіцца да малдаўскага горада. З яўнай перспектывай іх павелічэння.--Artsiom91 (размовы) 13:40, 10 ліпеня 2017 (MSK)

NatiVita

Добры дзень, Арцём! Праз мой артыкул наведвальнікі Вікіпедыі прачытаюць, што ў Беларусі з'явілася значная фармацэўтычная прамысловасць, якая выпускае лекі супраць раку. Гэта практыкуецца ў Вікіпедыі, нават ёсць падраздзел "фармацэўтычныя кампаніі" https://en.wikipedia.org/wiki/Category:Pharmaceutical_companies. І гэта не рэклама - я не заклікаю набываць прадукты гэтай кампаніі проста паведамляю, што такі канцэрн ёсць у Беларусі, што ён першы ў гэтым напрамку - тым і заўважны і варты старонкі ў Вікіпедыі. Я ўважліва выслухаю вашыя заўвагі, як зрабіць артыкул больш энцыклапедычным і спадзяюся, што такая старонка з'явіцца перш па беларуску, а не на расейскай ці ангельскай. Так сама я планую зрабіць старонку па кожнаму з прэпаратаў на трох мовах - некаторыя з лекаў, якія выпускаюць на прадпрыемстве ўжо ёсць у Вікіпедыі. Дзякуй. Чакаю на канструктыўнае ўзаемадзеянне.

Вітаю, Wegosky. Тут сітуацыя такая, што Вікіпедыя — гэта перш за ўсё энцыклапедыя. Яна не ставіць мэты "паведаміць, што такі канцэрн ёсць у Беларусі" (гэта справа даведнікаў, рэкламных праспектаў і інш.), а распавесці пра найбольш значныя, вядомыя і прызнаныя аб'екты і людзей. Таму наконт Вашага артыкула магу сказаць наступнае:

1. Афармленне. Не варта рабіць вонкавыя спасылкі на сайты наўпрост у тэксце, а афармляць у выглядзе зносак (гл. Вікіпедыя:Спасылкі на крыніцы). Артыкул мусіць мець прэамбулу, пажадана картку.
2. Змест. Усе спрэчныя і невідавочныя сцвярджэнні (дакладна — "першыя ў Беларусі", "інавацыйныя", назвы канкрэтных праграм, прадуктаў, партнёраў) мусяць падмацоўвацца канкрэтнымі крыніцамі, аформленыя зноскамі. Пажадана, каб гэта былі не спасылкі на сайт кампаніі ці звязаныя з ёй (датычна "першыя ў Беларусі", пра лінейку прадуктаў сайта кампаніі будзе дастаткова), а незалежныя крыніцы. А на самой справе, прыводзіць усе гэтыя дакладныя звесткі вельмі непажадана, бо менавіта ў гэтым і ёсць "рэкламнасць". Гэта лепей за ўсё рабіць, толькі калі дзейнасць даўно і шырока вядома, як выкарыстанне беларускімі аўтазаводамі яраслаўскіх матораў. У якасці прыкладу сучаснага прадпрыемства, артыкул пра які можна ўзяць за аснову пры стварэнні ўласнага, магу прапанаваць Савушкін прадукт — коратка, па тэме, без залішняга, у тым ліку рэкламы.
3. Значнасць. Тут найбольшыя праблемы, бо нават калі першыя два пункты можна выправіць і зрабіць як след, то наконт значнасці Вікіпедыя кіруецца прынцыпам "спачатку вядомасць, потым артыкул у Вікіпедыі, а не наадварот". І калі Вы ставіце мэтай менавіта давесці інфармацыю камерцыйна зацікаўленым карыстальнікам, то лепей замест Вікіпедыі зрабіць гэта з дапамогай адмысловых спосабаў — рэкламных праспектаў, сайтаў і інш. Зыходзячы з тых спасылак, што былі ў артыкуле, я разумею што вытворчасць адкрылася 13 ліпеня 2017 года — чатыры дні таму! І гэтая падзея, згадзіцеся, усё ж не дацягвае да адкрыцця Алімпійскіх гульняў. Таму існуючых дасягненняў, з-за якіх артыкул варта мець у Вікіпедыі, не бачу. Ды і ў артыкуле сцвярджэнні кшталту "будзе", "плануецца" і інш. не надаюць значнасці — спачатку рэальныя дасягненні, потым артыкул і ўвогуле згадкі ў Вікіпедыі. Цікавасць з боку Белта іншых сайтаў хутчэй навінная, а Вікіпедыя — не навіны.

Падагульняючы магу сказаць, што можаце паспрабаваць стварыць артыкул са зместам кшталту Савушкін прадукт і ў такім выглядзе ён, магчыма, будзе існаваць (але не магу гарантаваць — яго могуць выставіць на выдаленне з-за прычын, якія я напісаў у пункце 3). Што датычыцца рускай і англійскай Вікіпедыі, то вядома можаце паспрабаваць ствараць там артыкулы, але заўвагі, якія я тут выказаў, у абсалютнай большасці будуць справядлівыя і там, таму вельмі магчыма, што старонкі таксама трапяць пад выдаленне.--Artsiom91 (размовы) 22:27, 17 ліпеня 2017 (MSK)

Велікапольшча

Калі гэта сапраўды адзіна правільны варыянт, то неабходна выдаліць наступныя памылковыя перасылкі: Вялікапольскае ваяводства, Вялікапольшча, Вялікапольскае паўстанне, Вялікапольская хроніка. Таксама свтарыць перасылку Велікапольшча.--Dzimitrio (размовы) 10:08, 29 ліпеня 2017 (MSK)

Перасылкі выдаляць не варта, бо яны хоць і памылковыя, але шырока распаўсюджаныя. Наконт выпраўлення напісання ў артыкулах і стварэння новых перасылак — праўце смела.--Artsiom91 (размовы) 10:18, 29 ліпеня 2017 (MSK)

Партал "Філатэлія"

Вітаю!

Запрашаю Вас стаць удзельнікам Партала, запісацца ў гэты спіс на адпаведнай старонцы на Партале і пакрыху дапамагаць з яго развіццём. --Ігар Барысавіч Цярэшчанка (размовы) 14:59, 29 ліпеня 2017 (MSK)

Майя???

Арцём, з Вамі ўсё добра? Я Вас вельмі паважаю, але гэта відавочная памылка. --Ігар Барысавіч Цярэшчанка (размовы) 21:04, 31 ліпеня 2017 (MSK)

Давайце праз старонку "да пераносу". У нас 10+ артыкулаў з назвай "майя", шаблоны і катэгорыі, гэта не кажучы пра згадкі ў тэксце. Ды і некалі пытанне ўжо ўздымалася — артыкул перанеслі туды і назад, у выніку паставілі крыніцы на абедзве назвы.--Artsiom91 (размовы) 21:06, 31 ліпеня 2017 (MSK)

Чаму тады асноўная назва памылковая? --Ігар Барысавіч Цярэшчанка (размовы) 21:08, 31 ліпеня 2017 (MSK)

Пакуль нідзе не даказана, што яна памылковая. У Вас ёсць магчымасць гэта зрабіць на старонцы "да перайменавання".--Artsiom91 (размовы) 21:09, 31 ліпеня 2017 (MSK)

Калі ў нейкай крыніцы будзе "Мігск", ці "рябы", ці "урачь", ці "рўка" гэта будзе ўлічвацца? На маю думку, варта адрозніваць альтэрнатыўныя напісанні ад банальных памылак, выкліканых лянотай рэдактараў пры перавыданні слоўніка. Дарэчы, слоўнік, у адпаведнасці з крыніцай, быў выдадзены ў "Менску". І што значыць "не даказана". Яна супярэчыць правілам арфаграфіі і пунктуацыі. --Ігар Барысавіч Цярэшчанка (размовы) 21:12, 31 ліпеня 2017 (MSK)

Артыкул узяты пад ахову. На галасаванне "да перайменавання" вынесены. Галасаванне ідзе ўвогуле за гэта слова, г. зн. будзем наводзіць парадак (ці пакідаць абсурд - залежыць ад вынікаў) ва ўсіх артыкулах. --Ігар Барысавіч Цярэшчанка (размовы) 21:17, 31 ліпеня 2017 (MSK)

Тут справа ў масавых пераносах. Памылка не такая відавочная, і параўноўваць "майя" і "урачь" — занадта. Нават калі новая назва ніколі не выклікала пратэстаў (але старонак, якія яе ўжываюць, шмат, як тая ж "Цэнтральнаафрыканская Рэспубліка"), лепш паставіць на старонку "да перайменавання" — ну павісіць там тыдзень, хтосьці выкажацца "за", ніхто "супраць", і можна будзе смела перанесці. Калі Вы заўважылі "майя" сёння, гэта не значыць што менавіта сёння трэба пераносіць — тыдзень спакойна можна пачакаць, канец свету не наступіць. Іншыя ўдзельнікі за тыдзень могуць дапамагчы разабрацца ў сітуацыі, знайсці нейкія дадатковыя моманты, да і самому праз тыдзень можна рэчы па-іншаму ўбачыць.--Artsiom91 (размовы) 21:21, 31 ліпеня 2017 (MSK)

Воласць

Не, воласці і ў ВКЛ былі, гл. ЭГБ, т.2, а ў дадзеным выпадку частка Ігуменскага павета з 1797 года. Гл. гісторыю павета. Пагарэлае - вельмі старая вёска.--Ohlumon (размовы) 11:52, 2 жніўня 2017 (MSK)

"Воласць" — шматзначнае слова. Пагарэльская воласць — гэта не проста нейкі абшар, а канкрэтная адміністрацыйная адзінка, частка павета Расійскай імперыі. І ў Расійскай імперыі воласці як адміністрацыйныя адзінкі пачалі стварацца пасля 1861 года, таму да таго ніякай Пагарэльскай воласці, як і іншых валасцей Ігуменскага павета, існаваць не магло (калі не так — прывядзіце крыніцу, дзе б дакладна было сказана "воласць існавала з 1793 года"). Прычым звычайна звестак, калі менавіта якая воласць створана, я не бачыў — толькі "на 1897 год у павеце было 15 валасцей" і іх пералік; звесткі пра скасаванне і перайменаванне у дакладныя гады ёсць, здаецца, толькі для перыяду пасля рэвалюцыі.--Artsiom91 (размовы) 12:04, 2 жніўня 2017 (MSK)

Просьба

Просьба разблакаваць маю старонку размоў. Дзякуй. --Artificial123 (размовы) 10:44, 14 жніўня 2017 (MSK) Artificial123 (размовы) 10:44, 14 жніўня 2017 (MSK)

Вандалізм з назвамі

Вітаю Вас!

Скажыце, калі ласка, чаму Вы займаецеся вандалізмам з альтэрнатыўнымі назвамі краін. Яны адмыслова знаходзяцца ў прэамбулах, каб мы маглі скласці хоць нейкую канкурэнцыю ТараВікі (бо большасць "сьвядомых" гугліць менавіта тарашкевічныя назвы - Вугоршчына, Гішпанія ды іншыя Фіншчыны), бо інакш нас увогуле не будуць чытаць (людзі, "говорящие на нормальном человеческом языке", чытаюць РуВікі). Дык для каго мы? Для школьніка, які друкуе рэферат пра жыццё Коласа? Ды й крыўдна. Той артыкул пра Славакію... Я памятаю, як доўга я яго пісаў. Упэўнены, што цяпер статыстыка праглядаў панізіцца.

Увогуле, на маю думку, гэта пытанне патрабуе галасавання. Мяркую, што нельга проста так браць і масава гэта нішчыць. Крыніца на гэтыя назвы існуе. --Ігар Барысавіч Цярэшчанка (размовы) 16:32, 14 жніўня 2017 (MSK)

Вітаю. Мжна замест выдалення паставіць шаблон {{крыніца?}} і выдаліць праз тыдзень. Канкурэнцыю можаце каму заўгодна складаць і даваць назвы на палескай гаворцы — гэта не адпавядае правілам і прынцыпам энцыклапедый, а толькі асабістым поглядам удзельнікаў (як з рускімі варыянтамі імён для людзей). Перасылкі ж з альтэрнатыўных назваў (каб праз пошук можна было перайсці) захоўваюцца, і чытач зможа знайсці. Калі ёсць крыніца на альтэрнатыўную назву, то яе цалкам абгрунтавана можна прывесці ў адмысловым раздзеле са спасылкай на аўтарытэтныя крыніцы. Тыя альтэрнатыўныя назвы, што даваліся — праблема першых гадоў існавання вікіпедыі, калі сапраўды было трэба пабольш назваў пісаць. Зараз жа лепш напаўняць артыкулы сапраўдным зместам, а не гэтай псеўдаінфармацыяй.

Усё гэта — маё асабістае меркаванне. Не маю нічога супраць больш шырокага абмеркавання з супольнасцю і гатовы прыняць кансэнсуснае рашэнне.--Artsiom91 (размовы) 16:43, 14 жніўня 2017 (MSK)

На маю думку, тут сапраўды трэба вынесці пытанне аб гэтым на суд супольнасці. --Ігар Барысавіч Цярэшчанка (размовы) 16:54, 14 жніўня 2017 (MSK)

Сп. Ігар Барысавіч, цалкам падтрымліваю ідэю, але не з мэтай прывабіць «тарашкевічаў». Годная аргументацыя павінна быць. Я маю на ўвазе спасылкі на слоўнікі, нейкія правілы і г.д. А таксама стварыць асобны раздзел у арт. беларуская мова, дзе можна гэтыя абгрунтаванні/аргумэнты напісаць і прывесці ўсе такія прыклады. Усё гэта павінна прайсці абмеркаванне, і вядома галасаванне супольнасці.--Dzianis Niadbajla (размовы) 17:09, 14 жніўня 2017 (MSK)

Каардынацыя працы

Спадар Арцём, можаце стварыць нейкую старонку-праект для каардынацыі працы па пераносе артыкулаў? РАПТАМ сам навучыўся ботам пераносіць артыкулы, так што праца пойдзе трохі хутчэй (прынамсі на выхадных). Пакуль тэсцірую прагон на групе гарадоў. --Чаховіч Уладзіслаў (размовы) 19:22, 25 жніўня 2017 (MSK)

Масавы перанос, думаю, лепш трохі прытрымаць да вырашэння сітуацыі з апострафам. А для старонкі-праекту пакуль не бачу неабходнасці, магчыма яе можна будзе стварыць у будучыні для заўваг і абмеркавання ўдакладнення правіл, каб не грузіць усё на форум. Пераносы варта ажыццяўляць прыблізна ў такім парадку (пытанні хто чым канкрэтна зоймецца можна вырашаць на старонках размоў, не думаю што тут будуць вялікія пытанні):

1. Масавы перанос артыкулаў ботам згодна з тыповымі стандартамі (прыбіранне "Горад" і іншых слоў, замена косак на дужкі, магчыма апострафа)
2. Ручны даперанос і выпраўленне не вельмі добрых варыянтаў пасля пераносу (прыкладам Армавір (старажытны) думаю лепш перанесці ў Армавір (старажытны горад))
3. Выпраўленне навігацыйных шаблонаў на назвы без перасылак
4. Перанос катэгорый і іх зместу
5. Пераналада розных шаблонаў (картак, загатовак) на выкарыстанне новых правіл, у тым ліку для сартавання, адсочванне і выпраўленне тэхнічных момантаў
6. (факультатыўна) ботавыпраўленне перасылак кшталту "Горад Мінск" у тэксце артыкулаў
7. пасля ўсіх гэтых этапаў масавае выпраўленне скончана, тыя артыкулы і праблемы што застаюцца пераносяцца і вырашаюцца ўсімі ўдзельнікамі ў рабочым парадку

Пасля кожнага этапу апавяшчаць супольнасць на форуме аб тым што ўжо зроблена і што будзе рабіцца ў бліжэйшы час, каб гарады/шаблоны/катэгорыі стваралі ўжо выключна пад новымі варыянтамі.--Artsiom91 (размовы) 22:45, 25 жніўня 2017 (MSK)

Я таксама паставіў сабе бота, які можа старонкі пераносіць, здаецца працуе. Таму, калі будуць нейкія складанасці, можаце звяртацца. Я асабліва ўдзельнічаць у пераносах не маю жадання, ды і без мяне можна абыйсціся — толькі пагляджу што можна зрабіць з аднайменнымі вёскамі і хутарамі (пастараюся ў бліжэйшы час), пазней разбяруся з апострафамі (калі будзе прыняты новы варыянт), таксама пры неабходнасці змагу аказаць нейкую дапамогу (у тым ліку па выпраўленні катэгорый і шаблонаў).--Artsiom91 (размовы) 00:50, 26 жніўня 2017 (MSK)

З 1000 артыкулаў толькі 10 з апострафам, можна іх, вядома, не чапаць да лепшых часоў, але працэнт нязначны. Лепей прыдумаць, як знайсці ўсе такія артыкулы. --Чаховіч Уладзіслаў (размовы) 08:53, 26 жніўня 2017 (MSK)

Я ўжо знайшоў (магу даволі хутка знайсці ўсе артыкулы з тымі ці іншымі сімваламі ці іх паслядоўнасцямі ў назве), ва ўсёй Вікіпедыі каля 5500 артыкулаў, у назвах якіх ёсць апостраф. змагу апрацаваць іх пасля. Можна было б і перанесці зараз без уліку апострафа, а потым зрабіць паўторны перанос для яго, але баюся што з-за выпраўлення падвойнага перакіравання прыйдзецца выдаляць назву для пераносу, што без сцяга адміністратара немагчыма. Дакладна пасля вырашэння пытання з апострафамі варта пераносіць катэгорыі.--Artsiom91 (размовы) 08:59, 26 жніўня 2017 (MSK)

З дапамогай AWB? Можаце на Форуме прывесці лічбу, каб супольнасць ацаніла маштаб праблемы. Пра выпраўленне падвойнага перакіравання нешта не зразумеў. --Чаховіч Уладзіслаў (размовы) 09:05, 26 жніўня 2017 (MSK)

Паставіў DotNetBot — ім. Дакладную лічбу напішу на форуме. Пра перанакіраванні: на гэтай старонцы можна пабачыць артыкулы (не перанакіраванні), якія зараз пачынаюцца на "горад". Некаторыя артыкулы бот павінен быў бы перанесці, але зрабіў гэтага, бо мэтавая назва ўжо занятая. Часам гэта адбываецца натуральна з-за таго, што пад мэтавай назвай старонка неадназначнасці, але Горад Астравец, напрыклад, не перанесены з-за таго, што рабілася выпраўленне падвойнага перанакіравання з "гарадскога пасёлка" ў "горад". Тое ж самае адбудзецца з назвамі з апострафам, калі іх перанесці зараз і захацець перанесці потым, а мэтавая старонка кшталту Мар’іна Горка ўжо існуе.--Artsiom91 (размовы) 09:18, 26 жніўня 2017 (MSK)

Перанёс населеныя пункты Беларусі, якія маюць новыя "нестандартныя" назвы. Астатнія павінны паспяхова пераносіцца пад дакладную назву шляхам простага адкідвання "Аграгарадок"/"Вёска"/"Пасёлак"/"Хутар" і замены коскі на дужкі (толькі звяртаць увагу на падвойныя ўдакладненні). Таксама навучыўся пераносіць старонкі ботам, не пакідаючы перанакіраванняў, што асабліва карысна для катэгорый. А вось выдаляць старонкі, каб вызваліць месца для пераносу, бот ніяк не можа.--Artsiom91 (размовы) 16:04, 26 жніўня 2017 (MSK)

А пераносе катэгорый ботам ён выпраўляе іх у артыкулах, ці трэба асобна гэта рабіць? --Чаховіч Уладзіслаў (размовы) 18:25, 26 жніўня 2017 (MSK)

Непасрэдна пры пераносе катэгорыі артыкулы не чапаюцца, але магу боту прапісаць, каб замяняў катэгорыі ў артыкулах таксама. Толькі тыя катэгорыі, што шаблонам прастаўляюцца, трэба будзе апрацоўваць асобна.--Artsiom91 (размовы) 18:36, 26 жніўня 2017 (MSK)

Забалоцце / -цця

Расклад руху БЧ падыдзе як АК? Бо для беларусаў гэта традыцыйная назва, а не Забалоцця. --Rymchonak (размовы) 12:59, 28 жніўня 2017 (MSK)

Калі маеце беларускамоўныя крыніцы на "Забалоцце", то думаю, што можаце смела дадаваць у артыкул гэты варыянт у лід са спасылкай на крыніцы, пакідаючы таксама назву з ТКП. Будзе две назвы з крыніцамі на кожную — а ўжо чытач хай сам абярэ, што лічыць больш слушным.--Artsiom91 (размовы) 13:21, 28 жніўня 2017 (MSK)

Ок.--Rymchonak (размовы) 13:23, 28 жніўня 2017 (MSK)

Апостраф

Я Вас цалкам падтрымліваю з апострафам. Прапаноўваю ўсё жа стварыць алгарытм і пераносіць пакрысе, бо рэальна ніякіх аргументаў супраць не было. Увогуле, на маю думку, варта замяняць апостраф не толькі ў загалоўках, але і ўвогуле ў тэкстах. "з’яўляцца" выглядае больш эстэтычна, чым "з'яўляцца". Такім чынам, дарэчы, прасцей будзе і алгарытм зрабіць, калі паўсюль будзе адбывацца замена апострафа. --Ігар Барысавіч Цярэшчанка (размовы) 22:59, 28 жніўня 2017 (MSK)

Ствару лепш пакуль алгарытм, які будзе злучкі з прагаламі паабапал на працяжнікі замяняць. Тут пытанняў, спадзяюся, дакладна не будзе. А там і апостаф дадаць ва ўжо працуючы алгарытм не праблема. Калі будзе дастаткова часу, пастараюся на гэтым тыдні зрабіць. Аднак замену ў тэкстах трэба ажыццяўляць толькі пасля пераносу старонак, бо інакш уся вікіфікацыя можа зламацца.--Artsiom91 (размовы) 23:05, 28 жніўня 2017 (MSK)

Ну, калі шчыра, я не разбіраюся ў гэтай камп'ютарнай механіцы… Але, калі ўсё жа рэформа будзе абмяркоўвацца на асобнай старонцы, ведайце, што я з Вамі. --Ігар Барысавіч Цярэшчанка (размовы) 23:08, 28 жніўня 2017 (MSK)

Катэгорыя:Басейны рэк Беларусі

Добры вечар. Басейн ракі - гэта суша, рака - водны паток у межах басейна. Таму рака належыць басейну, а не наадварот. --JerzyKundrat (размовы) 20:16, 4 верасня 2017 (MSK)

З катэгарызацыяй рэк прынцыпаў і праблем можна знайсці колькі заўгодна. Мая пазіцыя такая — калі ў назве катэгорыі ёсць "Беларусі" (Латвіі/Польшчы), то катэгорыя праз дрэва павінна ўключацца ў катэгорыю "Беларусь" (Латвія/Польшча). Калі гэта ўмова будзе выканана, то мне ўсё роўна, які канкрэтна ланцужок будзе мець месца. У Расіі стаяла "Гідраграфія Расіі", можна было б так, але па Вашай логіцы басейны — не гідраграфія таксама, а суша.--Artsiom91 (размовы) 20:25, 4 верасня 2017 (MSK)

Прыток Дняпра, які цячэ выключна па Украіне, належыць да басейна Дняпра, але да Беларусі не належыць і ў катэгорыю Беларусь не павінен пападаць. --JerzyKundrat (размовы) 20:35, 4 верасня 2017 (MSK)

Значыць, катэгарызацыя такая дрэнная і непатрэбная. Трэба выдумляць іншую, бо калі змешваць краіны і басейны, атрымоўваецца "і ні туды, і ні сюды". Прыкладам "Басейн Чорнага мора", і дастаткова. А так, па такой логіцы катэгорый кшталту Катэгорыя:Рака Дняпро ўвогуле не павінна існаваць, бо там усё — басейн Дняпра, а не сам Дняпро.--Artsiom91 (размовы) 20:54, 4 верасня 2017 (MSK)

Вы маеце рацыю вядома ж. Наконт Дняпра: ў свой час склалася, што мы атаясамілі рачную сістэму з галоўнай ракой, і прытокі Дняпра 1-га, 2-га і наступных парадкаў уключылі ў Катэгорыю:Рака Дняпро. Гэта няправільна з пункту гледжання гідраграфіі, але паняцце "рачная сістэма" таксама ў Вікіпедыі не прыжылося. На сёння логіка вось нейкая такая: маем катэгорыю "Рака Дняпро", якая тоесная неіснуючай катэгорыі "Рачная сістэма Дняпра". --JerzyKundrat (размовы) 21:20, 4 верасня 2017 (MSK)

У якасці катэгорыі "Рачная сістэма Дняпра", на мой погляд, выдатна падыйдзе Катэгорыя:Прытокі Дняпра або Катэгорыя:Басейн Дняпра, куды можна ўсе старонкі разнесці. Уласна, Вы больш працуеце ў тэме гідраграфіі, таму думаю, Вам і лепей бачна, як правільней рабіць катэгарызацыю. Адно што ўсё ж такі прапанаваў сапраўды катэгорыі "Басейны рэк Беларусі" і падобныя вынішчыць, бо сэнсу ад групоўкі 3-4 басейнаў (якія на самой справе паміж сабой ніякай геаграфічнай сувязі не маюць) амаль ніякай няма.--Artsiom91 (размовы) 21:28, 4 верасня 2017 (MSK)

У нас непаразуменні раней былі з калегамі наконт прытокаў 2-га і наступнана парадкаў, "прытокі прытокаў" такім чынам аднеслі толькі да басейна ракі, не ўключыўшы ў катэгорыю "Прытокі Дняпра". Я таксама за тое, каб катэгорыі "Басейны рэк Беларусі" і падобныя вынішчыць, але не ведаю як іншыя калегі гэта ўспрымуць. РуВікі зноў жа такія катэгорыі мае... --JerzyKundrat (размовы) 21:46, 4 верасня 2017 (MSK)

Фотаздымкі

Што за абмеркаванне паводле якога выдаляюцца фотаздымкі былых дзяржаўных дзеячаў?

Вікіпедыя:Да выдалення#Шэраг файлаў да выдалення.--Artsiom91 (размовы) 18:20, 5 верасня 2017 (MSK)

Кондапага

Зрабіце, калі ласка, перанос з назвы "Кандапога" на правільную...--Rymchonak (размовы) 10:17, 15 верасня 2017 (MSK)

Зроблена. Спадар Рымчонак, прашу не ляніцца і ставіць чатыры квадратныя дужкі, якія дазволяць адразу перайсці на артыкул і значна спросцяць працу тым, каго Вы просіце дапамагчы.--Artsiom91 (размовы) 11:29, 15 верасня 2017 (MSK)

Дзякуй. --Rymchonak (размовы) 11:48, 15 верасня 2017 (MSK)

Прэзідэнты Індыі

Ці можаце стварыць навігацыйны шаблон {{Прэзідэнты Індыі}}? --Rymchonak (размовы) 13:03, 15 верасня 2017 (MSK)

Зроблена.--Artsiom91 (размовы) 13:35, 15 верасня 2017 (MSK)

Дзякуй вялікі. А можаце яшчэ {{Прэм'ер-міністры Літвы}}? --Rymchonak (размовы) 13:41, 15 верасня 2017 (MSK)

Зроблена.--Artsiom91 (размовы) 14:06, 15 верасня 2017 (MSK)

Дзякуй. --Rymchonak (размовы) 14:08, 15 верасня 2017 (MSK)

Назвы, на якія спасылаюцца шаблоны

Вітаю! Падкажыце, ці будуць у перспектыве ботам заменены назвы падпунктаў на падобных старонках: Вікіпедыя:Кандыдаты ў добрыя артыкулы/Архіў 2011-2014, патрэбна для карэктнай працы пэўных шаблонаў. Ці будзе трэба мяняць рукамі? Дзякую!--Dzimitrio (размовы) 09:46, 17 верасня 2017 (MSK)

Праблему разумею. Выправіць ботам назвы можна. Зараз ужо большая частка пераносаў адбылася, таму давайце сёння ботам выпраўлю назвы. Калі потым яшчэ будуць артыкулы пераносіцца, то думаю прасцей будзе выправіць рукамі.--Artsiom91 (размовы) 11:37, 17 верасня 2017 (MSK)

Зроблена.--Artsiom91 (размовы) 23:13, 17 верасня 2017 (MSK)

І такога кшталту старонкі: Вікіпедыя:Добрыя артыкулы. Калі штосьці трэба рукамі, мінімальна, адпаведна вольнаму часу, магу дапамагчы.--Dzimitrio (размовы) 20:07, 22 верасня 2017 (MSK)

Фанцік

Сп.Artsiom91, хто даў Вам права завяршаць абмеркаванне артыкула, выстаўленага на выдаленне пры галасах 2/2? --Rymchonak (размовы) 10:54, 18 верасня 2017 (MSK)

Нагадваю, што старонка абмеркавання выдалення не з'яўляецца галасаваннем, і вынікі падводзяцца не зыходзячы з колькасці галасоў. Вашае меркаванне ўлічанае выстаўленнем шаблона "значнасць" — яго наяўнасць дае поўныя падставы выставіць на выдаленне паўторна, калі з цягам часу выявіцца кансенсус і стане больш ясна, ці прынята падобныя артыкулы мець у вікіпедыі.--Artsiom91 (размовы) 11:08, 18 верасня 2017 (MSK)

Перанос назвы артыкула ботам

Вітаю! Бот Artsiom91Bot пераносіць назвы артыкулаў з коскамі ў назвы з дужкамі, але інтэрвікі застаюцца на старой старонцы-перасылцы. Гэта яшчэ будзе выпраўляцца неяк аўтаматычна ці тут трэба працаваць рукамі з кожным артыкулам? Віт; размовы 15:56, 18 верасня 2017 (MSK)

Як мне здаецца, на Вікідата звесткі абнаўляюцца аўтаматычна. Магчыма, з-за вялікай колькасці пераносаў гэта адбудзецца з затрымкай. Калі праз тыдзень-другі інтэрвікі не абновяцца, буду думаць як іх выправіць.--Artsiom91 (размовы) 16:00, 18 верасня 2017 (MSK)

Вядома, калі для таго ці іншага канкрэтнага артыкула хочацца пабачыць інтэрвікі прама зараз, можна іх паправіць рукамі.--Artsiom91 (размовы) 16:01, 18 верасня 2017 (MSK)

Учора, нарэшце, большая частка назваў была перанесена на Вікідадзеных, і інтэрвікі зноў запрацавалі. Але гэта адбылося пакуль не ўсюды (напрыклад, на станцыях няма), таму яшчэ чакаем.--Artsiom91 (размовы) 10:40, 3 кастрычніка 2017 (MSK)

6-7 кастрычніка былі перанесеныя яшчэ артыкулы на Вікідата, у тым ліку станцыі. Зараз, здаецца, непрывязаных артыкулаў і катэгорый не павінна застацца.--Artsiom91 (размовы) 13:39, 8 кастрычніка 2017 (MSK)

Шаблон:Главы Афганістана

Прапаную перанесці пад назву "Кіраўнікі Афганістана". --Rymchonak (размовы) 09:46, 27 верасня 2017 (MSK)

Зроблена.--Artsiom91 (размовы) 14:31, 28 верасня 2017 (MSK)

Дзякуй, замяніў. --Rymchonak (размовы) 14:31, 28 верасня 2017 (MSK)

Прэзідэнты Пакістана

Ці можаце стварыць навігацыйны шаблон {{Прэзідэнты Пакістана}}? --Rymchonak (размовы) 08:50, 29 верасня 2017 (MSK)

Зроблена.--Artsiom91 (размовы) 11:49, 29 верасня 2017 (MSK)

Дзякуй, выдатна. Праставіў у артыкулы. --Rymchonak (размовы) 11:50, 29 верасня 2017 (MSK)

Раённыя цэнтры Якуціі

Ці можаце стварыць навігацыйны шаблон {{Раённыя цэнтры Якуціі}}? --Rymchonak (размовы) 10:00, 6 кастрычніка 2017 (MSK)

У нас зараз для рэгіёнаў Расіі ёсць шаблоны гарадоў. Рабіць асобна шаблон раённых цэнтраў будзе занадта. Думаю, можна зрабіць нейкі агульны шаблон, як для рэгіёнаў Украіны (раёны + гарады + пгт + іншыя райцэнтры), пашырыўшы існуючыя ці ствараючы поўнасцю новыя (як для Якуціі). Зрабіць змагу толькі ўвечары. --Artsiom91 (размовы) 10:26, 6 кастрычніка 2017 (MSK)

ОК, шаблон па аналогіі з Украінай. --Rymchonak (размовы) 10:30, 6 кастрычніка 2017 (MSK)

Кіраўнікі Якуціі

Ці можаце стварыць навігацыйны шаблон {{Кіраўнікі Якуціі}} + замяніць картку-шаблон у арт. «Якуція»?--Rymchonak (размовы) 10:20, 10 кастрычніка 2017 (MSK)

Шаблон зрабіў. Картку, магчыма, калі-небудзь замяню, але не зараз. Многія рэгіёны Расіі маюць такую «непрыгожую» картку, лепш мяняць усё разам.--Artsiom91 (размовы) 10:39, 10 кастрычніка 2017 (MSK)

Востраў Рапануі ў Пасхі

Artsiom91 (Размовы | уклад) перайменаваў старонку Востраў Рапануі у Востраў Пасхі. Ну, і навошта? - Frantishak (размовы) 04:54, 11 кастрычніка 2017 (MSK)

Згодна з новымі правіламі "Востраў Рапануі" не павінна быць, трэба прыбіраць удакладненне. Я паглядзеў на наяўнасць катэгорыі Катэгорыя:Востраў Пасхі і перайменаваў на такі ж лад. Не маю нічога супраць, каб артыкул называўся "Рапануі (востраў)", можаце перайменаваць.--Artsiom91 (размовы) 08:58, 11 кастрычніка 2017 (MSK)

Дык у тым і сэнс, што наперадзе павінна ісці назва, а не востраў. Назва катэгорыі таксама павінна быць перароблена. Frantishak (размовы) 22:26, 11 кастрычніка 2017 (MSK)

Калі слова "Востраў" з’яўляецца неад’емнай часткай назвы (а проста "Пасхі" нельга сказаць, толькі "Востраў Пасхі" — у адрозненне ад Рапануі), то яго варта пакідаць з прамым парадкам. Калі лічыце што катэгорыя павінна быць перароблена — перароблівайце.--Artsiom91 (размовы) 22:30, 11 кастрычніка 2017 (MSK)

Джордж Веа і іншыя прэзідэнты Ліберыі

Ці можаце стварыць навігацыйны шаблон {{Прэзідэнты Ліберыі}}? --Rymchonak (размовы) 13:00, 12 кастрычніка 2017 (MSK)

Зроблена. Веа пакуль не дадаў, бо афіцыйных вынікаў, здаецца, няма, ды і на пасаду ўступіць у студзені наступнага года.--Artsiom91 (размовы) 13:56, 12 кастрычніка 2017 (MSK)

Іван Аляксандравіч Дуброўскі

Старонка была падмацаванне дакладнымі спасылкамі,чаму яе выдалілі?

ІА

Вітаю. Можна неяк разграсці спіс ІА? Бо наша версія неактуальная. Ну і катэгорыю праставіць там, дзе трэба, і выдаліць адтуль, дзе ўжо не трэба. --Artificial123 (размовы) 16:04, 15 кастрычніка 2017 (MSK)

Магу ботам паспрабаваць абнавіць катэгорыі і дапаможныя. Толькі патрэбны спіс актуальных істотных артыкулаў у іншым раздзеле ці на Меце — не магу зразумець, дзе актуальная версія.--Artsiom91 (размовы) 16:26, 15 кастрычніка 2017 (MSK)

На Меце заўсёды актуальная. --Artificial123 (размовы) 16:35, 15 кастрычніка 2017 (MSK)

Можаце зрабіць? Акрамя таго, варта абнаўляць статыстыку, а то бот удзельніка Ace111 не працуе. --Artificial123 (размовы) 20:03, 9 лістапада 2017 (MSK)

Як будзе час і настрой — паспрабую.--Artsiom91 (размовы) 20:09, 9 лістапада 2017 (MSK)

Спадар Арціфішл, абнавіў спіс Вікіпедыя:Істотныя артыкулы/Кароткія Артыкулы/Table. Спіс артыкулаў браў з Вікіпедыя:Істотныя артыкулы, адсартаваны ў парадку павелічэння памеру. Магу гэтак жа абнавіць Вікіпедыя:Істотныя артыкулы/Звычайныя Артыкулы/Table і Вікіпедыя:Істотныя артыкулы/Артыкулы. Можаце выказваць свае пажаданні, якую менавіта інфрмацыю і ў якім менавіта парадку лепш у гэтых спісах вывадзіць.--Artsiom91 (размовы) 13:18, 26 лістапада 2017 (MSK)

Вітаю. Трэба ўзяць спіс адсюль і закінуць сюды, можа, там нейкія памылкі. Выглядае крута, менавіта тое, што трэба. І было б добра вылічваць агульны каэфіцыент (тут напісана, як гэта робіцца). Тут скрыпт, але ён чамусьці не змяняе вынік, нават калі артыкулы дапрацоўваюцца, не разумею, чаму. Чамусьці тут неяк дзіўна выглядае артыкул Хангыль. "У байтах" = 0. --Artificial123 (размовы) 14:24, 26 лістапада 2017 (MSK)

Іван Аляксандравіч Дуброўскі

Старонка была падмацавана дакладнымі спасылкамі,чаму яе выдалілі?

Іван Дуброўскі (акцёр)

Старонка была падмацавана дакладнымі спасылкамі,чаму яе выдалілі?

НП Казахстана

Як замяніць у горадзе Атырау і г.п.Айтэке-Бі (картка-шаблон) рускую мову на казахскую? --Rymchonak (размовы) 08:56, 19 кастрычніка 2017 (MSK)

Праз Вікідата, там трэба дадаць уласцівасць "назва на мясцовай мове" і пазначыць казахскую назву. Для Атырау і Айтэке-Бі зрабіў.--Artsiom91 (размовы) 09:09, 19 кастрычніка 2017 (MSK)

Ну, ці можна проста запоўніць параметр "арыгінальная назва" ў картцы, як у артыкуле Алматы.--Artsiom91 (размовы) 09:10, 19 кастрычніка 2017 (MSK)

Дзякуй!--Rymchonak (размовы) 09:18, 19 кастрычніка 2017 (MSK)

Может, заливку сделать? В русской, кажется, все залили. --Artificial123 (размовы) 09:13, 19 кастрычніка 2017 (MSK)

Аф. назвы ў картках

У картках прыводзіцца найбольш ранняя, а не патрэбная назва установы, калі на ВД у кваліфікатары пазначана дата, напрыклад - Алесь Мікалаевіч Белакоз. Можа ведаеце, што падкруціць? Я калісьці шукаў, але не знайшоў. --Чаховіч Уладзіслаў (размовы) 18:11, 25 кастрычніка 2017 (MSK)

Падтрымаў. Толькі для правільнай працы зараз трэба абавязкова дату выпуску пазначыць.--Artsiom91 (размовы) 22:39, 25 кастрычніка 2017 (MSK)

Сяргей Патапавіч Кукраш тут не працуе. P. S. Вашая старонка размоў стала занадта вялікай, варта перанесці старыя абмеркаванні ў архіў --Чаховіч Уладзіслаў (размовы) 21:23, 1 лістапада 2017 (MSK)

Гэта было якраз "Толькі для правільнай працы зараз трэба абавязкова дату выпуску пазначыць". Паправіў, каб зараз пры адсутнасці даты сучасны подпіс вывадзіць. Старонку размоў заархівую ў канцы года.--Artsiom91 (размовы) 22:37, 1 лістапада 2017 (MSK)

ВНУ Львова

Ці можаце стварыць навігацыйны шаблон {{Вышэйшыя навучальныя ўстановы Львова}}? --Rymchonak (размовы) 12:38, 31 кастрычніка 2017 (MSK)

Зроблена.--Artsiom91 (размовы) 14:12, 31 кастрычніка 2017 (MSK)

Дзякуй, праставіў у артыкулы. --Rymchonak (размовы) 14:19, 31 кастрычніка 2017 (MSK)

Набелій / Нобелій

Добры дзень, ці не маглі б дадаць картку-шаблон ў артыкул Набелій? --Rymchonak (размовы) 13:23, 3 лістапада 2017 (MSK)

Картку дадаў.--Artsiom91 (размовы) 23:10, 3 лістапада 2017 (MSK)

НП-Расія

А што адбываецца з карткай пры замене {{НП}} на {{НП-Расія}}? --Чаховіч Уладзіслаў (размовы) 14:18, 12 лістапада 2017 (MSK)

Так бывае, калі неадназначны ланцужок адміністрацыйнай прыналежнасці на Вікідата. Звычайна я выпраўляю рукамі ў Вікідата. Але лепей усё ж папраўлю модуль, каб штосьці нармальнае паказвала, бо ў Вікідата заўсёды можа нешта сапсавацца.--Artsiom91 (размовы) 14:21, 12 лістапада 2017 (MSK)

Выправіў.--Artsiom91 (размовы) 14:33, 12 лістапада 2017 (MSK)

Прэзідэнты Малаві

Ці можаце стварыць навігацыйны шаблон {{Прэзідэнты Малаві}}? --Rymchonak (размовы) 09:40, 17 лістапада 2017 (MSK)

Зроблена, дла Мадагаскара таксама стварыў.--Artsiom91 (размовы) 23:12, 17 лістапада 2017 (MSK)

Дзякуй.--Rymchonak (размовы) 09:51, 21 лістапада 2017 (MSK)

Зрабіце яшчэ, ккалі ласка, {{Прэзідэнты Эфіопіі}}. --Rymchonak (размовы) 09:55, 21 лістапада 2017 (MSK)

Зроблена.--Artsiom91 (размовы) 22:57, 21 лістапада 2017 (MSK)

Чэмпіянат свету па футболе сярод жанчын 2019

Добры дзень, спадар Арцём.

Даглядзіце калі ласка артыкул Чэмпіянат свету па футболе сярод жанчын 2019. Ці няма тут памылак. Я сам стварыў гэтат артыкул. Бо жаночы футбол прагрэсуе і патрэбна пісаць новыя артыкулы.--Богданыч (размовы) 19:35, 17 лістапада 2017 (UTC)

Спадар Богданыч, артыкул паглядзеў, трохі паправіў, зараз там усё нармальна. Можаце смела дапаўняць яго, я буду выпраўляць памылкі, калі яны з’явяцца.--Artsiom91 (размовы) 21:44, 17 лістапада 2017 (MSK)

Спадар Artsiom91, ці вы можаце даглядзець гэтат артыкул, што б не была напісана Неправераная з мінусам ўверсе. --Богданыч (размовы) 20:51, 17 лістапада 2017 (UTC)

Спадар Artsiom91, альбо папросіце іншых удзельнікаў даглядзець артыкул. --Богданыч (размовы) 20:54, 17 лістапада 2017 (UTC)

Прэзідэнты Кеніі

Ці можаце стварыць навігацыйны шаблон {{Прэзідэнты Кеніі}}? --Rymchonak (размовы) 12:24, 15 снежня 2017 (MSK)

Зроблена.--Artsiom91 (размовы) 20:29, 15 снежня 2017 (MSK)

Нужна ваша помощь

Уважаемый Artsiom91, не могли бы вы мне помочь добавить в вашу Википедию статью о фильме «СОТКА»? Есть украинская статья, а есть Русская версия? Дело в том, что я не знаю белорусского, а Вы знаете русский, поэтому именно к Вам я и обращаюсь. Заранее спасибо! Ilay007 (размовы) 23:19, 17 снежня 2017 (MSK)

У нас эта статья уже удалялась из-за отсутствия значимости, т.к. сам фильм ещё не вышел на экран. Не думаю, что до выхода статья в Википедии сможет иметь место.--Artsiom91 (размовы) 23:24, 17 снежня 2017 (MSK)

• Artsiom91, её же удаляли из-за машинного перевода...Ilay007 (размовы) 23:33, 17 снежня 2017 (MSK)

Выставлялась из-за машинного перевода, но участники выразили серьёзные сомнения и в значимости, решение об удалении принималось с учётом этого факта.--Artsiom91 (размовы) 23:52, 17 снежня 2017 (MSK)

"Выпраўленне" арфаграфіі

Artsiom91, калі ласка, калі Вам здаецца што на старонцы ёсць памылкі - напішыце аўтару старонкі, перш чым рабіць выпраўленне. Мы з Вамі ўжо абмяркоўвалі напісанне запазычаных слоў з гукам "ў" напачатку. Вы мне не адказалі на апошняе паведамленне. Яшчэ глядзіце абмеркаванне тут. Калі Вы лічыце што ў слове памылка - дайце спасылку на пункт Правілаў правапісу, які парушаны. Дзякую. Вікі-Майстар (размовы) 15:12, 21 снежня 2017 (MSK)

Кэмбэл

Глен Кэмпбел/Маркус Кэмбэл? --Artificial123 (размовы) 19:38, 27 снежня 2017 (MSK)

Дзякуй, Маркуса таксама перанёс.--Artsiom91 (размовы) 20:00, 27 снежня 2017 (MSK)

Шаблон:Фільм

Чамусьці не падцягваецца ўласцівасць p161 у шаблон. Што можа быць? --Artificial123 (размовы) 20:25, 27 снежня 2017 (MSK)

Стаіць фільтр rank:preferred, у рувікі таксама. Відаць, каб падцягваць толькі галоўных акцёраў, а не ўвесь спіс. У вікідата трэба адпаведны ранг пазначаць.--Artsiom91 (размовы) 20:31, 27 снежня 2017 (MSK)

Савіцкі/Палякоў

Сп. Арцём, для мяне гэта не прынцыпова, але ўсё ж чалавек лічыцца працаўладкаваным калі падпісывае дагавор/кантракт, а не калі падыходзіць да, груба кажучы, такарнага станка (у Вашым варыянце «пачне выступаць»). А калі, не дай Бог, футбаліст увогуле не «пачне выступаць»? Нават за фарм-клуб. Ад якой даты мы будзем пачынаць яго кар'еру?--Dzianis Niadbajla (размовы) 22:54, 28 снежня 2017 (MSK)

Картка — гэта толькі картка, яна коратка паказвае галоўныя звесткі і не прэтэндуе на нейкую поўную дакладнасць (асабліва тая дакладнасць непатрэбная). Можа, кантракт падпісалі сёння, а пачне дзейнічаць з 1 студзеня (трансфернае акно, напрыклад, у Еўропе са студзеня адкрываецца, да гэтага пераходы афіцыйна не рэгіструюцца), усёй праўды мы не ведаем. Я даты ў картцы адлічваю па афіцыйных матчах — гэта заўсёды правяраецца з дакладнасцю да дня. Пазначэнне "2017" можа толькі паблытаць чытачоў — падумаюць, што пераход адбыўся ў сярэдзіне сезону, хоць усеь сезон 2017 ігрок быў у адным старым клубе. Ну а наконт «не пачне выступаць», то заўсёды можа адбыцца нечаканасць, але на дадзены момант актуальная інфармацыя "пачне выступаць у сезоне 2018", а калі яна зменіцца, то гэта заўсёды можна абнавіць у картцы (напрыклад, выдаліўшы стары радок).--Artsiom91 (размовы) 23:04, 28 снежня 2017 (MSK)

Добра. Як казаў, гэтае пытанне не прынцыповае, але чамусьці ў іншых выпадках, напрыклад, палітыкаў ужываецца іншы прынцып. Усяго найлепшага.--Dzianis Niadbajla (размовы) 23:35, 28 снежня 2017 (MSK)