Елаўстан

Елаўстан (англ.: Yellowstone) — рака на паўночным захадзе ЗША, правы прыток р. Місуры (лічыцца асноўным прытокам верхняга Місуры). Каля 1200 км (па іншых дадзеных 1600 км), плошча басейна 182,3 тыс. км². Сярэдні расход вады 365 м³/с. Бярэ пачатак і працякае (у верхнім цячэнні) у Скалістых гарах. Таксама працякае па тэрыторыі штатаў Мантана, Ваёмінг, Паўночная Дакота, і Елаўстонскі нацыянальны парк. У верхнім цячэнні ўтварае каньёны (да 360 м глыбінёй) і вадаспады. У сярэднім і ніжнім цячэнні — спакойная раўнінная рака. Сілкаванне ў гарах снегавое і дажджавое; вяснова-летнія паводкі. У штаце Мантана рака шырока выкарыстоўваецца для арашэння.

Елаўстан
англ. Yellowstone
Характарыстыка
Даўжыня	1600 км
Басейн	182 300 км²
Расход вады	365 м³/с
Вадацёк
Выток
• Месцазнаходжанне	Скалістыя горы
• Каардынаты	043°59′18″ пн. ш. 109°55′45″ з. д.
Вусце	Рака Місуры
• Каардынаты	047°58′42″ пн. ш. 103°58′56″ з. д.
Размяшчэнне
Водная сістэма	Місуры
Краіна	ЗША
— выток, — вусце
Аўдыё, фота і відэа на Вікісховішчы

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.