Моўчадзь (рака)

Мо́ўчадзь (афіц. транс.: Moŭčadź), Мо́ўчадка — рака ў Баранавіцкім, Дзятлаўскім і Лідскім (вусце) раёнах Беларусі, левы прыток Нёмана.

Моўчадзь
Рака Моўчадзь каля Серафінаў, Дзятлаўскі раён
Вусце	рака Нёман
Даўжыня	98 км
Расход вады	9 м³/с
Вадазбор	1140 км²

Даўжыня 98 км. Вадазбор 1140 км². Сярэднегадавы расход вады ў вусці 9 м³/с. Сярэдні нахіл воднай паверхні 0,9 ‰.

Цячэ пераважна па Навагрудскім узвышшы. Шырыня рачной даліны каля 1,5 км. Асноўныя прытокі: Ятранка, Промша, Сваротва, Клішаўка (справа), Дзятлаўка (злева).

На рацэ за 9 км ад вусця Гезгальская ГЭС і Гезгальскае вадасховішча. У сутоках Моўчадзі і Ятранкі, на заходняй ускраіне г.п. Наваельня размяшчаецца курортная зона і санаторый.

• 

  Рака Моўчадзь у вёсцы Моўчадзь

• 

  Рака ў Дзятлаўскім раёне

• 

  Гезгальскае вадасховішча

• 

  Гезгальская ГЭС

Літаратура

• Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.

• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.