Ракушкавыя

Ра́кушкавыя, астракоды (Ostracoda) — клас ракападобных.

Ракушкавыя
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Ракушкавыя
Міжнародная навуковая назва
Ostracoda Latreille, 1802
Сістэматыка на Віківідах Выявы на Вікісховішчы ITIS   84195 NCBI   6670 EOL   1456 FW   22826

Апісанне

Даўжыня да 30 мм (прэснаводных да 7,3 мм). Цела несегментаванае, укрытае хіцінавай двухстворкавай ракавінай (адсюль назва), якая зверху насычана вапнай. Крывяноснай сістэмы і жабраў няма, дыхаюць праз покрыва цела.

Пашырэнне

Вядомы з ніжняга кембрыю (каля 560 млн г. назад). Каля 2 тыс. сучасных і больш за 12 тыс. выкапнёвых відаў. Пашыраны ўсюды. Жывуць на дне марскіх і прэсных вадаёмаў, у прыледавіковых азёрах, гарачых крыніцах, 7 відаў — у глебе трапічных лясоў. На Беларусі больш за 40 відаў. Найбольш трапляюцца гетэрацыпрыс павольны, цыклацыпрысы (Cyclocypris) — цыклацыпрыс яйцападобны (Cyclocypris ovum) і цыклацыпрыс роўны, цыпрыс чванлівы (Cypris pubera), цыпрыя выразная.

Асаблівасці біялогіі

Кормяцца водарасцямі, дэтрытам, жывёльнымі рэшткамі, ёсць драпежнікі. Раздзельнаполыя, некаторым відам уласцівы партэнагенез. Развіццё з ператварэннем, 5—8 лічынкавых стадый. Дарослыя не ліняюць.

Значэнне і выкарыстанне

Корм для некаторых відаў прамысловых рыб. Большасць — біялагічныя меліяратары.

Выкарыстоўваюцца пры вызначэнні ўзросту геалагічных адкладаў.

Літаратура

• Гігіняк Ю. Ракушкавыя // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш.. — Мн.: БелЭн, 2001. — Т. 13. — 576 с. — 10 000 экз. — ISBN 985-11-0216-4 (Т. 13).