Расійскі дзяржаўны педагагічны ўніверсітэт імя А. І. Герцэна

Расійскі дзяржаўны педагагічны ўніверсітэт імя А. І. Герцэна (руск.: Российский государственный педагогический университет имени А. И. Герцена) — педагагічная вышэйшая навучальная ўстанова Санкт-Пецярбурга.

Расійскі дзяржаўны педагагічны ўніверсітэт імя А. І. Герцэна (РДПУ)
руск.: Российский государственный педагогический университет имени А. И. Герцена
Арыгінальная назва	руск.: Российский государственный педагогический университет имени А. И. Герцена
Міжнародная назва	The Herzen State Pedagogical University of Russia
Заснаваны	1797
Тып	Вышэйшая навучальная ўстанова
Краіна	Расія
Размяшчэнне	Санкт-Пецярбург
Сайт	www.herzen.spb.ru
Медыяфайлы на Вікісховішчы

Гісторыя

Гісторыя ўніверсітэта пачынаецца ў 1797 годзе, калі па ўказе расійскага імператара Паўла І Пецярбургскі Выхаваўчы дом атрымаў самастойнасць і быў ураўнаваны ў правах з Маскоўскім аддзяленнем Выхаваўчага дома. Выхаваўчы дом у Санкт-Пецярбургу, мэтай якога першапачаткова была апека над сіротамі, стаў і адукацыйнай установай, дзе сіроты маглі атрымаць прафесіі гувернантак і настаўніц музыкі, моў, фізічнай культуры.

Пасля кастрычніцкай рэвалюцыі Пецярбургскі Выхаваўчы дом быў рэарганізаваны ў Адзіны педагагічны інстытут. У 1919 годзе ў інстытуце адчыняецца рабочы факультэт, а ў 1920 годзе інстытуту прысвойваецца імя Аляксандра Іванавіча Герцэна. У 1923 годзе Адзіны педагагічны інстытут пераназываецца ў Ленінградскі дзяржаўны педагагічны інстытут.

21 студзеня 1991 года ўніверсітэт набыў сваю сучасную назву.

Адукацыйныя падраздзяленні

Інстытуты

• Інстытут усходазнаўства
• Інстытут дзяцінства
• Інстытут дэфекталагічнай адукацыі і рэабілітацыі
• Інстытут замежных моў
• Інстытут інфармацыйных тэхналогій і тэхналагічнай адукацыі
• Інстытут гісторыі і сацыяльных навук
• Інстытут музыкі, тэатра і харэаграфіі
• Інстытут народаў Поўначы
• Інстытут педагогікі
• Інстытут псіхалогіі
• Інстытут рускай мовы як замежнай
• Інстытут фізікі
• Інстытут фізічнай культуры і спорту
• Інстытут філасофіі чалавека
• Інстытут мастацкай адукацыі
• Інстытут эканомікі і кіравання

Факультэты

• Факультэт бяспекі жыццядзейнасці
• Факультэт біялогіі
• Факультэт геаграфіі
• Факультэт матэматыкі
• Філалагічны факультэт
• Факультэт хіміі
• Юрыдычны факультэт

Філіялы

• Волхаўскі філіял
• Выбаргскі філіял
• Дагестанскі філіял
• Філіял у Ташкенце (Узбекістан)