Рачныя вугры

Рачныя вугры (Anguillidae) — сямейства рыб атрада вугрападобных. Адзіны род налічвае 15 відаў.

Рачныя вугры
Вугор еўрапейскі (Anguilla anguilla)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Elopomorpha Атрад:  Вугрападобныя Падатрад:  Anguilloidei Сямейства:  Рачныя вугры (Anguillidae) Род:  Anguilla
Міжнародная навуковая назва
Anguilla Schrank, 1798
Сістэматыка на Віківідах Выявы на Вікісховішчы ITIS   161126 NCBI   7935 EOL   46561250 FW   35345

Апісанне

Цела вельмі падоўжанае. Жаберная адтуліна серпападобная, размешчана латэральна. Спінны і анальны плаўнікі зліваюцца з хваставым. Грудны плаўнік добра развіты. Пазванкоў 100—119. Маецца вельмі дробная луска. Бакавая лінія поўная на целе і галаве.

Асаблівасці біялогіі

Дарослыя вугры жывуць у прэснай вадзе ці эстуарыях. Перастаюць харчавацца пры наступленні палавой спеласці, калі мігруюць з прэсных вод у моры. Паўночнаамерыканскі і еўрапейскі (Anguilla anguilla) прэснаводныя вугры нерастуюць у Саргасавым моры.

Лічынкі лептацэфалы вяртаюцца ў прыбярэжную зону, перажываюць метамарфоз і заходзяць у прэсныя воды на стадыі «шклянога вугра».

Промысел

Рачныя вугры — каштоўныя аб’екты промыслу.