Роберт Левандоўскі

Роберт Левандоўскі (польск.: Robert Lewandowski; нар. 21 жніўня 1988, Варшава, Польшча) — польскі футбаліст, нападнік нямецкага клуба «Баварыя» і нацыянальнай зборнай Польшчы. Найлепшы футбаліст 2020 года па версіі ФІФА.

Футбол
Роберт Левандоўскі
JAP-POL (6) (cropped) (cropped).jpg
Агульная інфармацыя
Мянушка Левы[1] (польск.: Lewy)
Нарадзіўся 21 жніўня 1988(1988-08-21)[2][3][…] (32 гады)
Грамадзянства Сцяг Польшчы Польшча
Рост 185 см[6]
Вага 81 кг[7]
Пазіцыя нападнік
Інфармацыя пра клуб
Клуб Сцяг Германіі Баварыя
Нумар 9
Маладзёжныя клубы
1996—1997 Сцяг Польшчы Партызан (Лешна)
1997—2004 Сцяг Польшчы Варсовія (Варшава)
Клубная кар’ера[* 1]
2005 Сцяг Польшчы Дэльта (Варшава) 10 (4)
2005—2006 Сцяг Польшчы Легія II 6 (2)
2006—2008 Сцяг Польшчы Зніч (Прушкаў) 32 (21)
2008—2010 Сцяг Польшчы Лех (Познань) 58 (32)
2010—2014 Сцяг Германіі Барусія Дортмунд 131 (74)
2014— Сцяг Германіі Баварыя (Мюнхен) 193 (167)
Нацыянальная зборная[* 2]
2008 Сцяг Польшчы Польшча (да 21) 3 (0)
2008— Сцяг Польшчы Польшча 116 (63)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15.10.2020.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 15.10.2020
Commons-logo.svg Роберт Левандоўскі на Вікісховішчы

Клубная кар’ераПравіць

Раннія гадыПравіць

Трэніраваўся ў моладзевай камандзе «Партызан» з роднага горада Лешна, дзе працаваў яго бацька[8]. Да 2004 года выступаў за варшаўскую «Варсовію». Пасля выступаў за варшаўскія клубы «Дэльта» і «Легія-2». Летам 2006 года перайшоў у «Зніч» з горада Прушкаў. У сезоне 2007/08 стаў найлепшым бамбардзірам Другой лігі Польшчы забіўшы 21 гол у 32 матчах[9].

«Лех» ПознаньПравіць

У ліпені 2008 года падпісаў пяцігадовы кантракт з пазнаньскім «Лехам»[10]. Клуб за яго заплаціў 1,5 млн польскіх злотых. У Экстраклясе дэбютаваў 8 жніўня 2008 года ў хатнім матчы супраць «Белхатава» (2:3)[11], у гэтым матчы Левандоўскі забіў гол на 67 хвіліне.

Роберт Левандоўскі звярнуў на сябе ўвагу еўрапейскіх клубаў, гэта значыць ім цікавіліся маскоўскі ЦСКА[12], англійскі «Вест Бромвіч Альбіён»[13], дортмундская «Барусія»[14], галандскі «Феенорд»[15], піцерскі «Зеніт»[16] і данецкі «Шахцёр»[17].

Роберт Левандоўскі стаў тварам папулярнай камп'ютарнай гульні FIFA 10 у Польшчы разам з англічанінам Уэйнам Руні. У снежні 2009 года польскае выданне «Piłka Nożna» прызнала Роберта Левандоўскага найлепшым іграком чэмпіянату Польшчы[18].

«Барусія» ДортмундПравіць

19 мая 2010 года стала вядома, што Роберт прайшоў медыцынскае абследаванне ў «Барусіі», а 11 чэрвеня таго ж года ён падпісаў чатырохгадовы кантракт з нямецкім клубам[19]. Сума трансферу лічыцца роўнай каля 4,5 млн еўра[20]. 19 верасня ён забіў свой першы гол у Бундэслізе, у пераможным матчы супраць «Шальке-04», які скончыўся з лікам 3:1[21].


У сезоне 2011/12, дзякуючы траўме Лукаса Барыяса, Роберт трапіў у асноўны склад клуба да зімовага перапынку. Нападнік забіў два галы ў браму «Зандгаўзена», у матчы на Кубак Германіі (3:0). 20 жніўня 2011 года Левандоўскі адкрыў лік сваім галам у новым сезоне Бундэслігі ў матчы супраць «Нюрнберга», «Барусія» атрымала перамогу з лікам 2:0. У кастрычніку «Барусія» дасягнула 2 радку ў табліцы пасля перамогі з лікам 5:0 над «Кёльнам», а Левандоўскі тады адзначыўся дублем[22]. 17 снежня перад зімовым перапынкам Левандоўскі двойчы адзначыўся і аддаў галавую перадачу Кевіну Гроскройцу ў матчы супраць «Фрайбурга». У сувязі з яго якасцю гульні Роберт быў названы лепшым іграком года ў Польшчы[23].

Пасля зімовага перапынку 22 студзеня 2012 года «Барусія» ўшчэнт разбіла «Гамбург» з лікам 5:1, дасяггнуўшы паводле пунктаў лідара «Баварыю», Левандоўскі двойчы забіў і дадаў на свой рахунак галавую перадачу на суайчынніка Якуба Блашчыкоўскага. 11 красавіка польскі нападнік забіў адзін гол у гульні супраць «Баварыі» ў Дортмундзе[24]. У заключнай гульні сезону ў фінале кубка Германіі Левандоўскі зарабіў хет-трык у матчы супраць усё той жа «Баварыю» (5:2).

У новы сезон Левандоўскі з’явіўся на пляцоўцы ў першым туры ў матчы супраць «Вердэра». Першы гол сезону забіў 15 верасня ў пераможным матчы супраць «Баера», які скончыўся з лікам 3:0. Апасля Роберт усталяваў новы клубны рэкорд, забіўчы паслядоўна ў 12 матчах лігі запар, апярэдзіўшы паводле гэтага паказчыку Фрыдгэльма Каніцка[25].

24 красавіка 2013 года Левандоўскі стаў першым іграком, які забіваў чатыры галы ў паўфінале Лігі чэмпіёнаў, дасягнуўшы гэтага паказчыку ў матчы супраць іспанскага «Рэала» (4:1)[26]. 25 мая ён браў удзел у фінал Лігі чэмпіёнаў, аднак «Барусія» атрымала паражэнне з лікам 2:1 ад «Баварыі».

Свой першы гол у сезоне 2013/14 Роберт забіў 10 жніўня ў браму «Аўгсбурга» ў першым матчы сезону[27]. Увосень у Левандоўскага сапсаваліся адносіны з галоўным трэнерам «Барусіі» Юргенам Клопам, з-за жадання паляка перайсці да складу супернікаў з «Баварыі», аднак нягледзячы на гэта Роберт выходзіў на пляцоўку і забіваў мячы за дортмундскі клуб. 1 лістапада ён аформіў свой адзіны хет-трык у сезоне ў пераможным матчы супраць «Штутгарта» (6:1)[28]. 3 студзеня Роберт заключыў кантракт з «Баварыяй», паводле якога свае выступы за клуб ён пачаў з наступнага сезону.

25 лютага 2014 года Роберт двойчы забіў у Лізе чэмпіёнаў мячы ў браму «Зеніта», стаўшы, такім чынам, найлепшым бамбардзірам «Барусіі» у еўракубках, перавысіўшы рэкорд у 16 галоў Стэфана Шапюіза[29]. Сезон Роберт скончыў з паказчыкам 20 галоў у Бундэслізе, стаўшы найлепшым бамбардзірам нямецкага першынства.

«Баварыя»Правіць

Пра пераход польскага бамбардзіра стала вядома яшчэ ўвосень 2013 года. У студзені 2014 года Роберт заключыў 5-гадовы кантракт з мюнхенскім клубам. 9 ліпеня 2014 года ён быў прадстаўлены ў якасці іграка «Баварыі», атрымаўшы кашулю з 9 нумарам, з якой раней гуляў Марыа Манджукіч, што сышоў у «Атлетыка».

17 снежня 2020 года Роберт Левандоўскі названы найлепшым футбалістам года па версіі ФІФА[30].

Кар’ера ў зборнайПравіць

У нацыянальнай зборнай Польшчы дэбютаваў 10 верасня 2009 года ў матчы супраць Сан-Марына (2:0)[31], Левандоўскі выйшаў на 59 хвіліне замест Марка Саганоўскага, а на 67 хвіліне адзначыўся забітым голам. На Еўра 2012 забіў першы гол турніра, але зборная Польшчы не здолела прайсці ў чвэрцьфінал.

ДасягненніПравіць

  «Лех»

  «Барусія» Дортмунд

  «Баварыя» Мюнхен

ЗноскіПравіць

  1. ↑ Левы
  2. ↑ Robert Lewandowski // ČSFD — 2001.
  3. ↑ Robert Lewandowski // FBref.com
  4. ↑ ROBERT LEWANDOWSKI // Base de Datos del Futbol Argentino
  5. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #1042303614 // Агульны нарматыўны кантроль — 2012—2016. Праверана 11 снежня 2014.
  6. ↑ https://fcbayern.com/de/teams/profis/robert-lewandowski
  7. ↑ 9 Robert Lewandowski Angriff
  8. ↑ Kulisy Sportu — Robert Lewandowski pt.1/3
  9. ↑ Robert Lewandowski. 90minut.pl
  10. ↑ Lewandowski zagra w Lechu
  11. ↑ Lech Poznań 2-3 GKS Bełchatów. 90minut.pl
  12. ↑ Левандовский не перейдет в ЦСКА. dynamomania.com
  13. ↑ Р.Левандовский не перейдет в ВБА. football.ua
  14. ↑ Р.Левандовский интересен Дортмунду. football.ua
  15. ↑ «Фейеноорд» хочет купить Левандовски. Не Мариуша. football.ua
  16. ↑ Р.Левандовский перейдет в «Зенит»? football.ua
  17. ↑ «Лех» отказал «Шахтёру». football.ua
  18. ↑ Мариуш Левандовский — игрок года в Польше. terrikon.dn.ua
  19. ↑ Dortmund macht Lewandowski-Transfer perfekt. focus.de
  20. ↑ Borussia Dortmund striker Robert Lewandowski hits double as Poland beat Ivory Coast. Global news
  21. ↑ Schalke 04 1-3 Borussia Dortmund. ESPN FC.
  22. ↑ Borussia Dortmund 5–0 Koln: Five-star champions move second in Bundesliga table. Goal.com.
  23. ↑ Lewandowski ist Polens Bester. Kicker.
  24. ↑ Borussia Dortmund see off Bayern Munich to close on successive title. The Guardian.
  25. ↑ BVB-Torjäger Lewandowski überholt Konietzka. ruhrnachrichten.de.
  26. ↑ Four-goal Lewandowski leaves Madrid reeling. UEFA.
  27. ↑ Aubameyang hat-trick has Dortmund flying. Bundesliga.
  28. ↑ Lewandowski shines as Stuttgart hit for six. Bundesliga.com.
  29. ↑ Lewandowski najlepszym strzelcem BVB w Europie!. sport.wp.pl.
  30. ↑ fifa.com
  31. ↑ PZPN.PL — Oficjalny Serwis Polskiego Futbolu. pzpn.pl

СпасылкіПравіць

Узята з "https://be.wikipedia.org/w/index.php?title=Роберт_Левандоўскі&oldid=3798755"