Робін Райт
Робін Гейл Райт (англ.: Robin Gayle Wright; нарадзілася 8 красавіка 1966 года) — амерыканская актрыса і рэжысёрка. Яна восем разоў была намінавана на прэмію «Эмі», а таксама з’яўляецца лаўрэаткай прэмій «Залаты Глобус» і «Спадарожнік», дзякуючы працы на тэлебачанні.
| Робін Райт | |
|---|---|
| англ.: Robin Wright | |
.jpg) | |
| Дата нараджэння | 8 красавіка 1966[1][2] (58 гадоў) |
| Месца нараджэння | |
| Грамадзянства | |
| Муж | Dane Witherspoon[d], Шон Пен і Clément Giraudet[d][3] |
| Дзеці | Dylan Penn[d] і Hopper Penn[d] |
| Адукацыя | |
| Прафесія | акцёрка, мадэль, кінаактрыса, тэлеактрыса, кінарэжысёр, тэлепрадзюсар, кінапрадзюсар |
| Узнагароды |
 |
| IMDb | ID 0000705 |
 Медыяфайлы на Вікісховішчы | |
Біяграфія правіць
Нарадзілася ў Даласе, штат Тэхас, у сям’і супрацоўніка фармацэўтычнае кампаніі і спецыялістам па продажу касметыкі. Аднак, гадавалася актрыса ў Сан-Дыега, штат Каліфорнія. Ужо з 14 гадоў пачала працаваць у мадэльнай індустрыі.
Упершыню Райт прыцягнула ўвагу за ролю ў дзённай мыльнай оперы тэлеканалу NBC «Санта-Барбара», выконваючы ролю Келі Кепвел з 1984 па 1988 гады. Затым яна перайшла да ўдзелу ў кіно, зняўшыся ў рамантычнай камедыйнай прыгодніцкай стужцы «Прынцэса-нявеста» (1987). Дзякуючы гэта ролі, Райт зведала далейшы поспех у кінаіндустрыі, выканаўшы галоўныя ролі ў такіх фільмах, як рамантычныя драмы «Форэст Гамп» (1994) і «Пасланне ў бутэльцы» (1999), супергеройская драма-трылер «Нязломны» (2000), гістарычная драма «Змоўца» (2010), біяграфічная спартыўная драма «Чалавек, які змяніў усё» (2011), загадкавы трылер «Дзяўчына з татуіроўкай дракона» (2011), біяграфічная драма «Эверэст» (2015), супергеройскі фільм «Цуда-жанчына» (2017) і навукова-фантастычны фільм «Бягун па лязе 2049» (2017). У красавіку 2019 года было абвешчана, што Райт дэбютуе ў якасці рэжысёркі паўнаметражнага фільму «Зямля»[4]. Акрамя таго, Райт павінна выканаць у гэтым фільме галоўную ролю.
Райт знялася ў ролі Клэр Андэрвуд у звышпапулярным серыяле Netflix «Картачны домік», за ўдзел у якім у 2013 годзе яна атрымала прэмію «Залаты Глобус» за найлепшую жаночую ролю. Цікава, што гэта стала першым выпадкам, калі прэмія была ўручана акцёрцы за ўдзел у серыяле на вэб-платформе. У 2016 годзе Райт з’яўлялася адной з самых высокааплатных актрыс у ЗША, зарабіўшы 420 тысяч долараў за адную серыю ў серыяле «Картачны домік»[5].
Сям’я правіць
Мае дачку Дылан Пэн, якая таксама з’яўляецца актрысай, і сына Хопера. Шон Пэн з’яўляецца бацькам яе дзяцей.
Зноскі правіць
- ↑ Robin Wright // filmportal.de — 2005. Праверана 7 жніўня 2022.
- ↑ Robin Wright // Munzinger-Archiv — 1913. Праверана 7 жніўня 2022.
- ↑ Voici — Gruner + Jahr, 1987. — ISSN 0245-5803
- ↑ «Robin Wright Heads Into Wilderness for Directorial Film Debut 'Land,' With Sales to Start at Cannes». Variety.
- ↑ «Robin Wright Is The Real Deal». Forbes.
Спасылкі правіць
На Вікісховішчы ёсць медыяфайлы па тэме Робін Райт
