Рускае геаграфічнае таварыства
Рускае геаграфічнае таварыства (руск.: Русское географическое общество) — адно з найстарэйшых геаграфічных таварыстваў у свеце.
Заснаванае ў 1845 годзе з ініцыятывы адмірала Ф. П. Літке, акадэміка К. М. Бэра, адмірала Ф. П. Урангеля. Галоўная задача таварыства — збор і распаўсюджванне геаграфічных звестак. Экспедыцыі Рускага геаграфічнага таварыства адыгралі вялікую ролю ў засваенні Сібіры, Далёкага Усходу, Сярэдняй і Цэнтральнай Азіі, Сусветнага акіяна, у развіцці мараплаўства, адкрыцці і вывучэнні новых земляў.