Руска-Азіяцкі банк
Ру́ска-Азія́цкі банк[1] (руск.: Русско-Азиатский банк) — акцыянерны камерцыйны банк, які дзейнічаў у Расійскай імперыі і за мяжой у 1910—1926 гадах.
Банк заснаваны ў 1910 годзе ў выніку аб’яднання Руска-Кітайскага і Паўночнага банкаў з удзелам французскіх акцыянераў. Старшынёй праўлення банка стаў А. І. Пуцілаў.
Руска-Азіяцкі банк спецыялізаваўся на крэдытаванні прадпрыемстваў ваеннай, тытунёвай, нафтавай прамысловасці, транспартнага машынабудавання, здабычы золата, гандлю і інш. У 1914 годзе ўласны капітал банка складаў 73 млн рублёў, асноўныя актывы — 678 млн рублёў. У 1917 годзе банк меў 116[1] аддзяленняў, у тым ліку ў Кітаі, Маньчжурыі, Манголіі, Індыі, Англіі, Францыі, Японіі, і кантраляваў больш за 160[2] акцыянерных кампаній.
Пасля Кастрычніцкай рэвалюцыі ў снежні 1917 года банк быў нацыяналізваны і ўвайшоў у склад Народнага банка Савецкай рэспублікі. Дзейнасцю замежных філіялаў спрабавала кіраваць Парыжскае аддзяленне на чале з А. Пуцілавым, пераўтворанае ў самастойны Франка-Азіяцкі банк[2]. Сваю дзейнасць Руска-Азіяцкі банк спыніў у 1926 годзе.
Зноскі
Літаратура правіць
- Руска-Азіяцкі банк // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 458—459. — 10 000 экз. — ISBN 985-11-0035-8. — ISBN 985-11-0216-4 (т. 13).
- Русско-Азиатский банк // Советская историческая энциклопедия. В 16-и т. — М.: Государственное научное издательство «Советская энциклопедия», 1961—1976. — Т. 12. — Кол. 350—351. (руск.)
Спасылкі правіць
- Петров Ю. А. Алексей Путилов и Русско-Азиатский банк // Библиотека банковского дела (руск.)