Рыгор Арцем’евіч Цыркуноў

вучоны

Рыгор Арцем’евіч Цыркуно́ў[1] (4 снежня 1921 — 2008)[2] — вучоны ў галіне кіравання працэсамі перавозак на чыгуначным транспарце, доктар тэхнічных навук (1994), прафесар (1998).

Рыгор Арцем’евіч Цыркуноў
Дата нараджэння 4 снежня 1921(1921-12-04)
Месца нараджэння
Дата смерці 2008
Грамадзянства Flag of the Soviet Union.svg СССР, Flag of Belarus.svg Беларусь
Род дзейнасці вучоны
Навуковая сфера чыгуначны транспарт
Месца працы Беларускі дзяржаўны ўніверсітэт транспарту
Навуковая ступень доктар тэхнічных навук
Навуковае званне прафесар
Альма-матар Расійскі ўніверсітэт транспарту

БіяграфіяПравіць

Нарадзіўся ў вёсцы Сава (сучасны аграгарадок у Горацкім раёне Магілёўскай вобласці Беларусі). У 1941 годзе скончыў Аршанскі тэхнікум чыгуначнага транспарту і быў прызваны ў чыгуначныя войскі[3]. Праходзіў службу дыспетчарам па воінскіх перавозках на чыгуначнай станцыі Саратаў-2, а з 1944 года — намеснік начальніка аддзела воінскіх перавозак ва ўпраўленні Заходняй чыгуначнай дарогі на Смаленск[3]. У 1947 годзе скончыў Маскоўскі інстытут інжынераў чыгуначнага транспарту. У 1954—1957 гг. працаваў у Хабараўскім інстытуце інжынераў чыгуначнага транспарту, дзе займаў пасады старшага выкладчыка, дацэнта. З 1957 года Р. А. Цыркуноў у Беларускім інстытуце інжынераў чыгуначнага транспарту[4] у Гомелі. З верасня 1961 па ліпень 1962 года[3] займаў пасаду дэкана факультэта кіравання працэсамі перавозак.

Навуковая дзейнасцьПравіць

Аўтар больш за 260 навуковых прац па ўдасканаленні тэхналогіі работы і тэхнічнага аснашчэння перагрузачных станцый, перавозачнага працэсу хуткапсавальных грузаў, навукова-метадычных прац для студэнтаў чыгуначных вышэйшых навучальных устаноў. Распрацаваў нарматыўныя дакументы па тэхналагічных працэсах работы чыгуначных вузлоў шматлікіх станцый Беларусі і краін СНД.

Сярод апублікаванага:

  • Организация работы станций перегруза. — М., 1957.;
  • Взаимодействие и организация процессов на станциях перегруза. — Мн., 1962.

Узнагароды і званніПравіць

Узнагароджаны ордэнамі і медалямі, а таксама знакамі «За выдатныя поспехі ў працы» Міністэрства вышэйшай адукацыі, «Ганаровы чыгуначнік», Граматай Прэзідыума Вярхоўнага Савета БССР[3].

Зноскі

ЛітаратураПравіць

СпасылкіПравіць