Рыгор Станіслававіч Осцік
Рыгор Осцік (Осцікавіч, Остык) (не пазней за 1478[1] — студзень 1519[2]) — намеснік анікштанскі і маршалак гаспадарскі (1492)[1], маршалак дворны літоўскі (1494—1500, 1509--1519), ваявода троцкі (1510—1519).
| Рыгор Станіслававіч Осцік | |||||||
|---|---|---|---|---|---|---|---|
 | |||||||
|
|||||||
| Папярэднік | Мікалай Радзівіл | ||||||
| Пераемнік | Альбрэхт Гаштольд | ||||||
| Нараджэнне |
не пазней за 1478 |
||||||
| Смерць |
студзень 1519 |
||||||
| Род | Род Осцікаў | ||||||
| Бацька | Станіслаў Осцікавіч[d] | ||||||
| Жонка | Аляксандра са Свірскіх[d] | ||||||
| Дзеці | Станіслаў Рыгоравіч Осцік, Юрый Рыгоравіч Осцік і Рыгор Рыгоравіч Осцік | ||||||
З роду Осцікаў, сын Станка Осцікавіча.
Браў удзел у маскоўска-літоўскіх войнах (1492—1494, 1500—1503), у бітве на Ведрашы (1500) трапіў у маскоўскі палон. Пасля ўцёкаў з палону кн. К. Астрожскага вераснем 1507 года, іншых палонных закавалі ў кайданы, а некаторых вял.кн. маскоўскі хацеў пакараць смерцю, у тым ліку Рыгора Осціка. Вызвалены з палону ў красавіку 1509 года[2].
Зноў атрымаў урад дворнага маршалка, а пасля заняцця ўрада віленскага ваяводы Мікалаем Мікалаевічам Радзівілам, летам 1510 года стаў ваяводам троцкім[2].
Ажаніўся ў канцы XV ст. з Аляксандрай, дачкой кн. Петкі Раманавіча Свірскага, атрымаў за ёю ў пасаг частку маёнтка Мядзель-Кабыльнік. Меў трох сыноў — Рыгора, Станіслава і Юрыя.
Зноскі
- ↑ 1,0 1,1 Рыбчонак, 2018, с. 20
- ↑ 2,0 2,1 2,2 Рыбчонак, 2018, с. 21
ЛітаратураПравіць
- Henrikas Valeika. Grigalius Astikas // Visuotinė lietuvių enciklopedija, T. II (Arktis-Beketas). V.: Mokslo ir enciklopedijų leidybos institutas, 2002, 96 psl.
- Рыбчонак С. Бітва на Вядрошы 1500 г.: рэальныя і міфічныя удзельнікі // Ваенныя трыумфы Вялікага Княства Літоўскага : зб. навук. арт. / Уст. "Музей «Замкавы комплекс „Мір“»"; Польскі інст-т у Мінску; навук. рэд. М. Н. Гальпяровіч.. — Мір: Музей «Замкавы комплекс „Мір“», 2018. — С. 7-45.