Рыгор Якаўлевіч Кісялёў

Рыго́р Я́каўлевіч Кісялё́ў (18 мая 1913 г., в. Мікалаеўка Буда-Кашалёўскага раёна Гомельскай вобласці — 10 красавіка 1970) — беларускі дзяржаўны дзеяч, кандыдат гістарычных навук (1951), заслужаны дзеяч культуры БССР (1963).

Рыгор Якаўлевіч Кісялёў
Намеснік Старшыні Савета Міністраў БССР май 1968 — 10 красавіка 1970
Кіраўнік урада	Ціхан Кісялёў
Міністр асветы БССР 29 студзеня 1964 — май 1968
Кіраўнік урада	Ціхан Кісялёў
Пераемнік	Міхаіл Мінкевіч
Міністр культуры БССР чэрвень 1953 — 29 студзеня 1964
Кіраўнік урада	Кірыл Мазураў Мікалай Аўхімовіч Ціхан Кісялёў
Папярэднік	пасада заснаваная
Пераемнік	Міхаіл Мінковіч
Нараджэнне	18 (31) мая 1913 Мікалаеўка, Гарадзецкая воласць[d], Рагачоўскі павет, Магілёўская губерня, Расійская імперыя
Смерць	10 красавіка 1970(1970-04-10) (56 гадоў)
Месца пахавання	Усходнія могілкі
Партыя	КПСС (з 1941)
Адукацыя	Гомельскі педагагічны інстытут (1947) Акадэмія грамадскіх навук пры ЦК КПСС (1951)
Навуковая ступень	кандыдат гістарычных навук
Дзейнасць	палітык
Бітвы	Вялікая Айчынная вайна
Узнагароды

Біяграфія

Скончыў Гомельскі педагагічны інстытут у 1947, Акадэмію грамадскіх навук пры ЦК КПСС у 1951 годзе.

З 1932 года на педагагічнай працы ў Буда-Кашалёўскім і Касцюковіцкім раёнах. У 1939—42 гадах у Чырвонай Арміі, удзельнік Вялікай Айчыннай вайны.

З 1942 загадчык аддзелам і сакратар Петухоўскага райкама партыі Курганскай вобласці.

З 1945 сакратар райкама, намеснік загадчыка аддзела кадраў Гомельскага абкама КП(б)Б.

З 1947 года ў ЦК КП(б)Б: загадчык аддзела, намеснік начальніка ўпраўлення кадраў, загадчык аддзела навукі і ВНУ.

З 1953 года міністр культуры, з 1964 года міністр асветы БССР, з 1968 года намеснік Старшыні Савета Міністраў БССР.

Член ЦК КПБ у 1952—70 гадах.

Дэпутат Вярхоўнага Савета БССР (1951—1970).

Пахаваны на Усходніх могілках г. Мінска.

Памяць

Яго імем названы вуліца ў Гомелі і сярэдняя школа ў роднай вёсцы; у школе створаны прысвечаны яму музей.

Спасылкі

• Біяграфія Архівавана 28 сакавіка 2016. (руск.)