Рэйф Файнс
Рэйф Натаніел Туіслтан-Уайкхем-Файнс[5] (англ.: Ralph Nathaniel Twisleton-Wykeham-Fiennes, МФА [ˈreɪf ˈfaɪnz][6], MWCD /RĀF FĪNZ/[7], 22 снежня 1962, Іпсуіч, Суфалк, Вялікабрытанія) — брытанскі акцёр, кінарэжысёр, пасланец добрай волі ЮНІСЕФ.
| Рэйф Файнс | |
|---|---|
| Ralph Fiennes | |
 Рэйф Файнс перад узнагароджаннем прэміяй Тоні ў Нью-Ёрку | |
| Імя пры нараджэнні | Рэйф Натаніел Файнс |
| Дата нараджэння | 22 снежня 1962[1][2][…] (61 год) |
| Месца нараджэння |
|
| Грамадзянства | |
| Бацька | Марк Файнс[d][3] |
| Маці | Джэніфер Лэш[d][3] |
| Жонка | Alex Kingston[d] |
| Адукацыя | |
| Месца працы | |
| Прафесія | |
| Кар’ера | 1990 — наш час |
| Кірунак | камедыі Шэкспіра[d] |
| Узнагароды | BAFTA (1993) |
| IMDb | ID 0000146 |
 Медыяфайлы на Вікісховішчы | |
.svg){kind=small}
Біяграфія правіць
Рэйф — першынец у сям’і. Яго маці Джэніфер Лаш — пісьменніца, бацька Марк Файнс — вядомы фатограф (яго ж бацькам быў прамысловец Морыс Файнс[8]. Яго сям’я вядзе сваё паходжанне ад нарманаў[9]. З 1973 года сям’я жыве ў Ірландыі. З яго пяці братоў і сясцёр практычна ўсё маюць дачыненне да кіно: брат Джозеф выканаў ролю Шэкспіра ў оскараноснай меладраме «Закаханы Шэкспір» (1998); іншы брат, Магнус — кампазітар; сёстры Сафі і Марта — кінарэжысёры (у фільме Марты «Анегін» Рэйф іграў галоўную ролю); а трэці яго брат, Якаб, займаецца аховай навакольнага асяроддзя. Таксама малады акцёр Хіра Файнс-Тыфін (іграў у «Гары Потэр і Прынц-Паўкроўка») даводзіцца яму пляменнікам, вядомы брытанскі падарожнік Ранульф Твіслтан-Вайкхем-Файнс і пісьменнік Уільям Файнс даводзіцца Рэйфу і яго братам і сёстрам кузенамі 3-й ступені. У 8-м калене яны з’яўляюцца сваякамі брытанскай каралеўскай сям’і.
Кар’ера правіць
Навучаўся акцёрскаму майстэрству ў Каралеўскай акадэміі драматычнага мастацтва. Пачынаў сваю кар’еру ў Адкрытым тэатры Рыджэнтс-парку, з канца 1980-х іграў у Каралеўскім нацыянальным тэатры. З 1988 годзе перайшоў у трупу Каралеўскага Шэкспіраўскага тэатра[9]. Лаўрэат амерыканскіх тэатральных прэмій «Тоні». Намінаваўся на «Оскар» за ролі ў фільмах «Спіс Шындлера» (1993) і «Англійскі пацыент» (1996). У яго паслужным спісе ёсць і намінацыі на «Залатую маліну» (1999, разам з Умай Турман за камедыйны баявік «Мсціўцы»). У тым жа годзе выканаў ролю Анегіна ў аднайменным галівудскім фільме.
Сярод яго тэатральных прац асабліва адзначаецца роля Іванова ў аднайменнай п’есе А. П. Чэхава ў пастаноўцы лонданскага тэатра «Алмейда» (сярэдзіна 1990-х), Файнс іграў зламанага і блізкага да вар’яцтва чалавека незвычайна пераканаўча[10].
Дачыненні з Беларуссю правіць
У снежні 2012 года па ініцыятыве Беларускага Свабоднага тэатра ў рамках кампаніі Free Belarus Now (англ.: Свабоду Беларусі зараз!) разам з іншымі вядомымі брытанскімі акцёрамі, сярод якіх Джаана Ламлі, Сэм Уэст, Алан Рыкман, Марк Райланс, Цім Райс, Аджоа Анда і Сайман Кэлау, звярнуўся ў відэазвароце да прэм’ер-міністра Вялікабрытаніі Дэвіда Кэмерана з патрабаваннем звярнуць увагу на сітуацыю ў Беларусі[11]:
Сёння я звяртаюся да Дэвіда Кэмерана, прэм’ер-міністра маёй краіны, для таго, каб выкарыстаць сілу маралі ў палітыцы, разбурыць сон сумлення і запатрабаваць ад апошняга дыктатара Еўропы Аляксандра Лукашэнкі спыніць катаванні свайго народа і вызваліць палітычных зняволеных да новага года.
Асабістае жыццё правіць
У 1993—1997 гг. акцёр быў у шлюбе з актрысай Алекс Кінгстан, вядомай расійскаму гледачу па тэлесерыялах «Хуткая дапамога» і «Доктар Хто».
Узнагароды правіць
Двойчы быў намінаваны на прэмію «Оскар». Мае 11 іншых узнагарод і 20 намінацый на ўзнагароды.
- 2005 — Лепшы акцёр — «Адданы садоўнік» (British Independent Film Awards, Evening Standard British Film Awards, London Critics Circle Film Awards)
- 1999 — Лепшы акцёр — «Сонечнае ззянне» (Еўрапейская кінапрэмія)
- 1993 — Лепшы акцёр другога плана — «Спіс Шындлера» (BAFTA, National Society of Film Critics (ЗША), New York Film Critics Circle)
Заўвагі правіць
- ↑ Ralph Fiennes // Internet Broadway Database — 2000. Праверана 9 кастрычніка 2017.
- ↑ Ralph Fiennes // filmportal.de — 2005. Праверана 9 кастрычніка 2017.
- ↑ а б Lundy D. R. The Peerage
- ↑ Student & graduate profiles — Каралеўская Акадэмія драматычнага мастацтва.
- ↑ Сустракаецца таксама транслітарацыйны варыянт перадачы імя — Ральф.
- ↑ How to pronounce Ralph Fiennes (англ.). inogolo.com. Архівавана з першакрыніцы 21 лютага 2012. Праверана 26 студзеня 2012.
- ↑ NLS/BPH: Other Writings, Say How? (англ.). National Library Service for the Blind and Physically Handicapped. Архівавана з першакрыніцы 21 лютага 2012. Праверана 26 студзеня 2012.
- ↑ Біяграфія акцёра на filmreference.com
- ↑ а б Fiennes, Ralph. Interview with James Lipton Архівавана 4 жніўня 2007.. «Inside the Actors Studio»
- ↑ Ю. Фридштейн. «Русский пациент» Рейфа Файнза // Энциклопедия для детей. Искусство. Т. 3 / глав. ред. В. Володин. — М.: Аванта+, 2000. — С. 323.
- ↑ Британские звезды требуют от Кэмерона обратить внимание на Беларусь Архівавана 4 сакавіка 2016.
Спасылкі правіць
|
Рэйф Файнс на Вікісховішчы |
|---|
- Біяграфія Рэйфа Файнса ў All Movie Guide Архівавана 7 мая 2008.