Рэспубліканскі фестываль нацыянальных культур

фэст дыяспар Беларусі

Рэспубліканскі фестываль нацыянальных культурфестываль дыяспар Беларусі, які адбываецца раз у два гады ў Гродне. Удзел у фестывалі прымаюць прадстаўнікі грамадскіх нацыянальна-культурных аб’яднанняў Беларусі, майстры народнай творчасці, артысты. Асаблівасцю фестывалю з’яўляецца стварэнне нацыянальных падворкаў.

Рэспубліканскі фестываль нацыянальных культур
фота
Падчас XІII Рэспубліканскага фестывалю нацыянальных культур.
Асноўная інфармацыя
Жанр народная музыка, фальклор
Гады правядзення 1996 — наш час
Краіна  Беларусь
Горад Гродна
Заснавальнікі Гродзенскі гарадскі выканаўчы камітэт
Мова песень беларуская, руская, украінская, грузінская
Трансляцыя АНТ

Гісторыя правіць

Першы фестываль правіць

Першы фестываль адбыўся ў 1996 годзе. У ім прынялі ўдзел 11 нацыянальных аб’яднанняў.

Дзясяты фестываль правіць

X Рэспубліканскі фестываль нацыянальных культур (67 чэрвеня 2014 года) сабраў прадстаўнікоў 34 нацыянальнасцей, дэбютантамі былі крымскія татары, іспанцы, італьянцы, англічане. Пачаўся форум шэсцем удзельнікаў у нацыянальных касцюмах па цэнтральных вуліцах Гродна да галоўнай сцэны на плошчы Леніна, дзе адбылася ўрачыстая цырымонія адкрыцця. Гэты фестываль стаў самым маштабным да гэтага часу па колькасці ўдзельнікаў – амаль 900[1]. Прадстаўнікамі дыяспар была закладзена «алея сяброўства» паблізу ад Каложскай царквы. Ва урачыстым шэсці і адкрыцці фестывалю прымалі удзел намеснік Прэм’ер-міністра Рэспублікі Беларусь Анатоль Тозік і намеснік Кіраўніка Адміністрацыі Прэзідэнта Рэспублікі Беларусь Анатоль Ліс. Адбыўся канцэрт Народнага артыста Расіі Льва Лешчанкі[ru]. Другі дзень фестывалю быў адзначаны адкрыццём памятнага знака на месцы страчанага храма, удзел у каторым акрамя кіраўнікоў праваслаўнай і каталіцкай канфесій Гродна бралі Міністр культуры Рэспублікі Беларусь Барыс Святлоў і Міністр адукацыі Рэспублікі Беларусь Сяргей Маскевіч. Мерапрыемствы фестывалю наведалі каля 200 тысяч гледачоў[2].

Адзінаццаты фестываль правіць

У 2016 годзе фестываль адбыўся адзінаццаты раз, адзначыўшы дваццацігадовы юбілей. Фестываль праходзіў 4 і 5 чэрвеня 2016 года і сабраў каля 120 тысяч наведвальнікаў[3]. У свяце прынялі ўдзел прадстаўнікі каля 40 нацыянальнасцей, паказаўшы свае танцы, песні, кухню і касцюмы на 22 падворках[4]. Распачаў працу музей Рэспубліканскага фестывалю нацыянальных культур. Адбылося адкрыццё скульптуры шахматнай фігуркі ладдзі на беразе Нёмана, непадалёк ад Старога і Новага замкаў, якую правёў старшыня Гродзенскага гарвыканкама Мечыслаў Гой.

Дванаццаты фестываль правіць

Адбываўся 1—2 чэрвеня 2018 года ў Гродне, 3 чэрвеня на Аўгустоўскім канале.

Трынаццаты фестываль правіць

Меў адбыцца 5—6 чэрвеня 2020 года ў Гродне і 7 чэрвеня 2020 года на Аўгустоўскім канале, але з-за пандэміі COVID-19 быў перанесены на 2021 год.[5] У 2021 годзе ў Гродне яго зноў вырашылі не праводзіць, у верасні 2021 года яго адкрыццё правялі на Дзень горада ў Мінску з удзелам 25 нацыянальнасцей.

Зноскі

  1. X Рэспубліканскі фестываль нацыянальных культур у Гродне(недаступная спасылка). Афіцыйны сайт Рэспублікі Беларусь. Архівавана з першакрыніцы 29 красавіка 2018. Праверана 29 верасня 2016.
  2. Бывай, дзясяты фестываль! Рыхтуемся да адзінаццатага…(недаступная спасылка). Міністэрства культуры Рэспублікі Беларусь. Архівавана з першакрыніцы 11 ліпеня 2014. Праверана 29 верасня 2016.
  3. Дыплом XI Рэспубліканскага фестываля нацыянальных культур атрымала студэнтка гісторыка-філалагічнага факультэта. Могилёвский государственный университет имени А. А. Кулешова. Праверана 29 верасня 2016.
  4. XІ Рэспубліканскі фестываль нацыянальных культур прайшоў у Гродне. Звязда. Праверана 29 верасня 2016.
  5. "Уже точно. Фестиваль национальных культур в Гродно перенесли на следующий год". TUT.BY. 14 мая 2020 у 09:25. Архівавана з арыгінала 27 мая 2020. Праверана 2020-05-14. {{cite news}}: Невядомы параметр |deadurl= ігнараваны (прапануецца |url-status=) (даведка); Праверце значэнне даты ў: |date= (даведка); Шаблон цытавання мае пусты невядомы параметр: |coauthors= (даведка) Архіўная копія(недаступная спасылка). Архівавана з першакрыніцы 27 мая 2020. Праверана 14 мая 2020.Архіўная копія(недаступная спасылка). Архівавана з першакрыніцы 27 мая 2020. Праверана 14 мая 2020.

Спасылкі правіць