Савелій Аляксеевіч Свідзерскі

Саве́лій Аляксе́евіч Свідзе́рскі (23 красавіка 1905 — 13 мая 1977) — удзельнік Вялікай Айчыннай вайны. Герой Савецкага Саюза (1945).

Савелій Аляксеевіч Свідзерскі
Дата нараджэння	23 красавіка 1905(1905-04-23)
Месца нараджэння	Дзяньгубка, Сенненскі павет, Магілёўская губерня, Расійская імперыя
Дата смерці	13 мая 1977(1977-05-13) (72 гады)
Месца смерці	Краматорск, Данецкая вобласць, УССР, СССР
Прыналежнасць	СССР
Род войскаў	кавалерыя, пяхота
Гады службы	1927—1953
Званне	Палкоўнік
Часць	369-я стралковая дывізія
Камандаваў	1225-ы стралковы Асавецкі полк
Бітвы/войны	Вялікая Айчынная вайна
Узнагароды і званні	медалі

Біяграфія

Савелій Аляксеевіч Свідзерскі нарадзіўся ў вёсцы Дзяньгубка (сучасны Крупскі раён Мінскай вобласці Беларусі). Скончыў няпоўную сярэднюю школу ў вёсцы Абчуга. Працаваў на шахце ў Чалябінскай вобласці, на заводзе ў Сталінградзе. У верасні 1927 г. прызваны ў Чырвоную Армію. У 1938 годзе скончыў школу малодшых камандзіраў 39-га кавалерыйскага палка 7-й кавалерыйскай дывізіі. Праходзіў службу на пасадах памочніка камандзіра ўзвода, старшыны, камандзіра ўзвода. З лістапада 1937 па май 1938 г. праходзіў навучанне ў школе ўдасканалення каманднага саставу ў Новачаркаску. Да чэрвеня 1941 г. служыў памочнікам начальніка штаба асобнага разведвальнага батальёна 5-й стралковай дывізіі ў Беларускай ваеннай акрузе. З пачаткам Вялікай Айчыннай вайны С. А. Свідзерскі з чэрвеня 1941 г. у дзеючай арміі. Удзельнік баявых дзеянняў на Паўночна-Заходнім, Калінінскім, Заходнім, Цэнтральным, Бранскім, 1-м Беларускім і 2-м Беларускім франтах на пасадах начальніка штаба стралковага палка. З сакавіка 1942 года маёр Свідзерскі на пасадзе камандзіра 1225-га стралковага палка 369-й стралковай дывізіі.

Палкоўнік С. А. Свідзерскі вызначыўся ў красавіку 1945 г. на тэрыторыі Германіі пры фарсіраванні ракі Одэр. У забалочанай пойме паміж рэкамі Ост-Одэр і Вест-Одэр 20 красавіка полк фарсіраваў Одэр у раёне горада Грац і захапіў плацдарм на левым беразе ракі Вест-Одэр, адбіў шматлікія атакі праціўніка і ўтрымаў плацдарм да моманту пераправы асноўных сіл дывізіі.

Пасля вайны да 1948 года С. А. Свідзерскі працягваў ваенную службу ў Групе савецкіх акупацыйных войскаў у Германіі. З 1948 па 1953 год ваенны камісар у горадзе Краматорску Сталінскай (зараз Данецкай) вобласці.

З 1953 г. палкоўнік С. А. Свідзерскі ў запасе. Жыў і працаваў у Краматорску.

Узнагароды

• Медаль «Залатая Зорка»
• Ордэн Леніна
• 4 ордэны Чырвонага Сцяга
• Ордэн Суворава 1-й ступені
• Ордэн Аляксандра Неўскага
• Ордэн Чырвонай Зоркі
• медалі

Літаратура

• Свідзерскі Савелій Аляксеевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 255. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Савелій Аляксеевіч Свідзерскі на сайце «Героі краіны»
• Герои Крупщины // Крупская районная центральная библиотека им. Я. Купалы(недаступная спасылка) (руск.)