Савецкі энцыклапедычны слоўнік
«Саве́цкі энцыклапеды́чны сло́ўнік» («СЭС») — першы аднатомны ўніверсальны даведнік у СССР. Выдадзены ў Маскве выдавецтвам «Савецкая Энцыклапедыя». Выйшлі 4 выданні слоўніка: у 1979 годзе — першае (у 1981—1982 гадах — дадатковыя тыражы), у 1983 годзе — другое, у 1984 годзе — трэцяе (у 1985 годзе — дадатковы тыраж), у 1987 годзе — чацвёртае (у 1989 годзе — дадатковы тыраж)[1].
| Савецкі энцыклапедычны слоўнік | |
|---|---|
| Советский энциклопедический словарь | |
 | |
| Жанр | энцыклапедычны слоўнік[d] |
| Мова арыгінала | руская |
| Выдавецтва | Савецкая Энцыклапедыя |
| Выпуск | 1979, 1982, 1984, 1986 і 1989 |
| Старонак | 1 632 |
| ISBN | 978-5-85270-001-8 |
| Папярэдняя | Encyclopedic Dictionary[d] |
| Наступная | Great encyclopedic dictionary[d] |
Змяшчае каля 80 тысяч артыкулаў па пытаннях грамадска-палітычнага жыцця, эканомікі, навукі, тэхнікі, літаратуры і мастацтва. Побач з артыкуламі пра саюзныя і аўтаномныя рэспублікі, краі, вобласці, гарады Савецкага Саюза ўключана вялікая колькасць артыкулаў пра розныя краіны свету, найбольшыя замежныя гарады, змешчаны біяграфіі дзяржаўных, палітычных, ваенных і культурных дзеячаў усіх часоў і народаў. У выданне ўключаны 550 малюнкаў, фатаграфій і схем, 350 карт. Слоўнік паслужыў асновай для выдання «Вялікага энцыклапедычнага слоўніка», «Расійскага энцыклапедычнага слоўніка», «Новага энцыклапедычнага слоўніка». Перавыдаваўся за мяжой на англійскай, кітайскай[2] і іншых мовах[1].
Зноскі
- ↑ а б В. К. Шчэрбін. «Савецкі энцыклапедычны слоўнік» // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 67.
- ↑ Чэнь Хао. О китайской версии «Советского энциклопедического словаря» // Вестник Московского государственного областного университета. Серия: Лингвистика. — 2019. — № 3. — С. 103—112. — DOI:10.18384/2310-712X-2019-3-103-112
Літаратура правіць
- Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).