Сардэчна-сасудзістая сістэма

Сардэчна-сасудзістая сістэма (скарочана — ССС) — сістэма органаў, якая забяспечвае цыркуляцыю крыві і лімфы па арганізме чалавека і жывёл.

Схема знаходжання найбольш буйных крывяносных сасудаў у целе чалавека. Артэрыі пазначаныя чырвоным, вены — блакітным колерам.

У склад сардэчна-сасудзістай сістэмы ўваходзяць крывяносныя сасуды, лімфатычныя сасуды і галоўны орган кровазвароту — сэрца. Крывяносныя сасуды дзеляцца на: Артэрыі, артэрыёлы, капіляры, венулы, вены.

У склад сардэчна-сасудзістай сістэмы ўваходзіць сэрца — орган, які прымушае кроў рухацца, нагнятаючы яе ў крывяносныя сасуды — полыя трубкі рознага калібра, па якіх яна цыркулюе.

Усе функцыі крывяноснай сістэмы строга ўзгоднены дзякуючы нервова-рэфлекторнай рэгуляцыі, што дазваляе падтрымліваць гамеастаз у зменлівых умовах знешняга і ўнутранага асяроддзя. Асноўнай функцыяй з'яўляецца дастаўка кіслароду і пажыўных рэчываў да органаў і тканак, а таксама вывядзенне вуглякіслага газу, перапрацаваных пажыўных рэчываў і іншых прадуктаў метабалізму.

Гл.таксама

• Кардыялогія
• Артэрыяльная гіпертэнзія

Спасылкі

• На Вікісховішчы ёсць медыяфайлы па тэме Фота і Відэа