Свабодны прафсаюз Беларускі
Свабодны прафсаюз Беларускі (скар.: СПБ) — беларускі прафесійны саюз, член Беларускага кангрэса дэмакратычных прафсаюзаў. Асноўныя галіны, у якіх дзейнічаюць прафсаюзы СПБ — металаапрацоўка, хімічная, нафтахімічная (Бабруйск, Наваполацк, Полацк, Светлагорск) прамысловасць і энергетыка[1]
| Свабодны прафсаюз Беларускі | |
|---|---|
| СПБ | |
| Краіна | |
| Адміністрацыйны цэнтр |
 Мінск |
| Тып арганізацыі | прафесійны саюз |
| Кіраўнікі | |
| Старшыня | Мікалай Шарах |
| Заснаванне | |
| Дата заснавання | 1991 |
| Член у | |
| profspb.by | |
Гісторыя правіць
Свабодны прафсаюз Беларусі быў створаны на аснове стачачных камітэтаў, якія ўзначалілі страйкавы рух рабочых у красавіку — маі 1991 года. 16-17 лістапада 1991 года прайшоў устаноўчы з’езд СПБ, а ў ліпені 1992 года прафсаюз быў афіцыйна зарэгістраваны. 21 жніўня 1995 года дзейнасць Свабоднага прафсаюза Беларусі была прыпынена за арганізацыю страйку ў Мінскім метрапалітэне[2].
6 лютага 1996 года Свабодны прафсаюз Беларусі прайшоў перарэгістрацыю ў Міністэрстве юстыцыі Рэспублікі Беларусь і быў перайменаваны ў Свабодны прафсаюз Беларускі[3]. 30 ліпеня 1999 года Свабодны прафсаюз Беларускі прайшоў перарэгістрацыю ў Міністэрстве юстыцыі Рэспублікі Беларусь[1].
У ліпені 2022 года Вярхоўны суд Рэспублікі Беларусь спыніў дзейнасць прафсаюза па прычыне таго, што кіраўніцтва і шэраг членаў прафсаюза прымала ўдзел у так званай дэструктыўнай дзейнасці, масавых мерапрыемствах, якія парушалі грамадскі парадак, распаўсюджвалі інфармацыйную прадукцыю эстрэмісцкага зместу[4].
Кіраўнікі правіць
- Генадзь Аляксандравіч Быкаў (1991—1995)
- Марыя Рыгораўна Аліева (29 сакавіка 1997 — 26 красавіка 1999)
- Генадзь Аляксандравіч Быкаў (з 1999)
- Мікалай Шарах (у цяперашні час)
Зноскі
- ↑ а б Незалежныя дэмакратычныя прафсаюзы Беларусі — лакаматыў сацыяльных пераўтварэнняў? // С. 13—14.
- ↑ Указ Президента Республики Беларусь от 21 августа 1995 года № 336 «О некоторых мерах по обеспечению стабильности и правопорядка в Республике Беларусь»
- ↑ Свидетельство о регистрации от 06.02.1996 г. № 034
- ↑ По искам Генерального прокурора прекращена деятельность так называемых независимых профсоюзов (руск.). Официальный telegram-канал Генеральной прокуратуры Беларуси (19 ліпеня 2022). Праверана 20 ліпеня 2022.
Спасылкі правіць
- Афіцыйны сайт Архівавана 15 ліпеня 2022.