Свята-Аляксандра-Неўская царква (Вялікія Крывічы)

Свята-Аляксандра-Неўская царква — праваслаўны храм у вёсцы Вялікія Крывічы Валожынскага раёна Мінскай вобласці.

Славутасць
Свята-Аляксандра-Неўская царква
54°01′55″ пн. ш. 27°00′30″ у. д.
Краіна	Беларусь
Вёска	Вялікія Крывічы
Канфесія	БПЦ
Епархія	Маладзечанская епархія
Архітэктурны стыль	руска-візантыйская архітэктура
Будаўніцтва	1864

Гісторыя

Свята-Аляксандра-Неўская царква, здымак да 1900 г.

У цэнтры вёскі. Пабудавана ў 1864 годзе з каменю і цэглы на ўрадавыя сродкі (5 тыс. руб.) на месцы драўлянай уніяцкай царквы (існавала ў 1800). Адкрыта для набажэнства ў 1990 годзе.

Архітэктура

Помнік архітэктуры рэтраспектыўна-рускага стылю. Вырашана ў форме падоўжнага крыжа з глухім купалам па цэнтры бляшанага даху. Атанкаваныя фасады члянёны 2 ярусамі аконных праёмаў, з уваходамі.

Інтэр’ер

Апсіду вылучае 1-ярусны пабелены і залачоны іканастас на 6 абразоў.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Свята-Аляксандра-Неўская царква (Вялікія Крывічы) на сайце Праваслаўная архітэктура Беларусі (бел.)