Свята-Дабравешчанская царква (Кунаса)
Свята-Дабравешчанская царква — праваслаўны храм у вёсцы Кунаса Нясвіжскага раёна Мінскай вобласці.
| Славутасць | |
| Свята-Дабравешчанская царква | |
|---|---|
.jpg) Дабравешчанская царква | |
| 53°19′15″ пн. ш. 26°48′54″ у. д.HGЯO | |
| Краіна |
 Беларусь |
| Вёска | Кунаса |
| Канфесія | БПЦ |
| Епархія | Слуцкая епархія |
| Архітэктурны стыль | псеўдарускі стыль |
 |
|
 Медыяфайлы на Вікісховішчы | |
Гісторыя правіць
У цэнтры вёскі. Пабудавана ў канцы XIX стагоддзя з дрэва. Папярэдні драўляны храм у 1851 годзе быў адрамантаваны за кошт князя Радзівіла, але 13 верасня 1877 года быў знішчаны пажарам.
Архітэктура правіць
Помнік народнага дойлідства з рысамі рэтраспектыўна-рускага стылю. Адносіцца да тыпу крыжова-купальных храмаў. Да цэнтральнага кубападобнага аб’ёму далучаны прамавугольныя ў плане прытвор, бакавыя прыдзелы і пяцігранная апсіда з бакавымі рызніцамі. Над сяродкрыжжам узведзены васьмігранны светлавы барабан, завершаны шатром і 5 макаўкамі. Макаўкай завершана двухсхільнае пакрыццё двухслуповага ганка. Гарызантальна ашаляваныя сцены па вуглах аздоблены разнымі пілястрамі, прарэзаны аконнымі праёмамі ў разных ліштвах.
Інтэр’ер правіць
У інтэр’еры апсіда вылучана драўляным іканастасам.
Літаратура правіць
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі правіць
- Свята-Дабравешчанская царква (Кунаса) на сайце Глобус Беларусі (руск.)