Свята-Мікалаеўская царква (Макараўшчына)

Свята-Мікалаеўская царква — праваслаўны храм у в. Макараўшчына Лепельскага раёна Віцебскай вобласці.

Славутасць
Свята-Мікалаеўская царква
Царква ў Макараўшчыне
55°03′00″ пн. ш. 28°58′08″ у. д.
Краіна	Беларусь
Вёска	Макараўшчына
Канфесія	БПЦ
Епархія	Віцебская і Аршанская епархія
Дата пабудовы	1886 год

Гісторыя

Пабудавана ў 1886 годзе з цэглы. У 1990-я гады вернута вернікам.

Архітэктура

Помнік архітэктуры рэтраспектыўна-рускага стылю. У аснове аб'ёмна-прасторавай кампазіцыі вялікі кубападобны аб'ём пад чатырохсхільным дахам, завершаным макаўкай. Да яго далучаны прамавугольныя ў плане прытвор, бакавыя прыдзелы і апсіда. Над прытворам надбудавана двух'ярусная васьмігранная шатровая званіца, завершаная макаўкай. Фасады прарэзаны арачнымі аконнымі праёмамі ў кілепадобных ліштвах, крапаваны вуглавымі руставанымі лапаткамі і паўкалонамі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Свята-Мікалаеўская царква (Макараўшчына) на сайце Глобус Беларусі (руск.)
• Свята-Мікалаеўская царква (Макараўшчына) на сайце Radzima.org