Свята-Міхайлаўская царква (Астрамечава)
Свята-Міхайлаўская царква — праваслаўная царква, помнік архітэктуры з рысамі стылю позняга класіцызму. Знаходзіцца ў цэнтры вёскі Астрамечава Брэсцкага раёна Брэсцкай вобласці.
| Праваслаўны храм | |
| Свята-Міхайлаўская царква | |
|---|---|
.jpg) | |
| 52°16′01,74″ пн. ш. 23°35′07,21″ у. д.HGЯO | |
| Краіна |
 Беларусь |
| Вёска | Астрамечава |
| Канфесія | Беларуская праваслаўная царква |
| Епархія | Брэсцкая |
| Архітэктурны стыль | класіцызм |
| Архітэктар | невядомы |
| Будаўніцтва | 1846 |
| Статус |
 Гісторыка-культурная каштоўнасць Беларусі, шыфр 113Г000073 |
| Стан | дзейнічае |
 |
|
 Медыяфайлы на Вікісховішчы | |
Пабудавана ў 1846 годзе[1]. Фундатаркай царквы была Ганна Сузіна (1780—1846), жонка Юзафа Швыкоўскага (1780—1823)[2].
Побач з царквой знаходзіцца крыж з трыма надмагільнымі плітамі, надпісы на якіх былі затынкаваны ў 1950-я гг. Мяркуецца, што ў склепе пад помнікам могуць быць пахаваныя Ганна Сузіна (1780—1846) і Юзаф Ігнацій Пузына (1800—1874), дзед знакамітага паэта, пісьменніка і гісторыка Юзафа Эдварда Пузыны (1878—1949 гг.)[2].
Архітэктура
правіць.jpg)
Пабудавана з бутавага каменю і цэглы, абнесена цаглянай агароджай. Тры простыя чатырохсценныя аб’ёмы аб’яднаны ў падоўжна-восевую кампазцыю. Сцены акантаваныя і расчлянёныя атынкаванымі і пабеленымі плоскімі і руставанымі лапаткамі, прамавугольнымі аконнымі праёмамі ў простых ліштвах. Новая стылёвая арыентацыя на формы старажытнарускай архітэктуры праявілася ў надбудове над прытворам васьміграннага яруса шатровай званіцы з цыбулепадобнай галоўкай у завяршэнні. Такая ж галоўка па цэнтры вільчыка вальмавага даху. Гэты стылёвы сімбіёз надае архітэктуры храма пераходны эклектычны характар. Да прамавугольнага ў плане асноўнага аб’ёму з усходу далучана трохсценная апсіда. У перакрытую плоскай бэлечнай столлю малітоўную залу выступаюць хоры з дэкаратыўнай разной агароджай[1].
Зноскі
- ↑ а б Праваслаўныя храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мінск: БелЭн, 2001. — 328 с. — ISBN 985-11-0190-7.
- ↑ а б Выступленне на канферэнцыі ў Астрамечава 20, 21 мая 2016 года, прысвечанае 500-годдзю першага пісьмовага ўпамінання сяла Астрамечава
Літаратура
правіць- Праваслаўныя храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мінск: БелЭн, 2001. — 328 с. — ISBN 985-11-0190-7.
Спасылкі
правіць
На Вікісховішчы ёсць медыяфайлы па тэме Свята-Міхайлаўская царква (Астрамечава)
- Праект зон аховы нерухомых матэрыяльных гісторыка-культурных каштоўнасцей аг. Астрамечава Брэсцкага раёна Брэсцкай вобласці ад 03.11.2020 № 79 у Нацыянальным фондзе тэхнічных нарматыўных прававых актаў
- Свята-Міхайлаўская царква (Астрамечава) на сайце Праваслаўная архітэктура Беларусі (бел.)
- Свята-Міхайлаўская царква (Астрамечава) на сайце Radzima.org
- Свята-Міхайлаўская царква (Астрамечава) на сайце Глобус Беларусі (руск.)
- Свята-Міхайлаўская царква (Астрамечава) на сайце «Архіварта»