Свята-Пакроўская царква (Прылукі)

Свята-Пакроўская царква — праваслаўны храм у вёсцы Прылукі Брэсцкага раёна.

Славутасць
Свята-Пакроўская царква
51°59′49″ пн. ш. 23°41′55″ у. д.
Краіна	Беларусь
Вёска	Прылукі
Канфесія	БПЦ
Епархія	Брэсцкая і Кобрынская епархія
Дата пабудовы	1870 год
Матэрыял	драўніна
Медыяфайлы на Вікісховішчы

Гісторыя

На паўночна-заходняй ускраіне вёскі. Пабудавана ў 1870 годзе з дрэва.

Архітэктура

Помнік народнага дойлідства. Вырашана прамавугольным зрубам пад двухсхільным дахам, завершаным па цэнтры цыбулепадобнай галоўкай. Да фасада далучана двух'ярусная (васьмярык на чацверыку) шатровая званіца з макаўкай, да алтарнай часткі — прамавугольная апсіда з нізкай рызніцай. Вертыкальна ашаляваныя фасады прарэзаны прамавугольнымі аконнымі праёмамі ў разных ліштвах. Уваход аформлены двухслуповым ганкам пад двухсхільным пакрыццём.

Царская брама з царквы в. Прылукі. Сярэдзіна XVIII ст. Музей старажытнабеларускай культуры

Інтэр'ер

Праабражэнне Гасподне. Ікона з Прылуцкай Пакроўскай царквы, 17 ст.

Абразы «Божая Маці Замілаванне» і «Хрышчэнне», абразы 17 — 18 ст.: «Мікалай Цудатворац», «Праабражэнне», «Хрышчэнне Хрыста і Маці Божая Замілаванне», «Адзігітрыя».

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Пакроўская царква (Прылукі)
• Свята-Пакроўская царква (Прылукі) на сайце Праваслаўная архітэктура Беларусі (бел.)
• Свята-Пакроўская царква (Прылукі) на сайце Radzima.org
• Свята-Пакроўская царква (Прылукі) на сайце Глобус Беларусі (руск.)