Свята-Параскева-Пятніцкая царква (Беражное)

Свята-Параскева-Пятніцкая царква — праваслаўны храм у в. Беражное Столінскага раёна. Пабудавана ў 1884 годзе. Помнік драўлянага дойлідства.

Праваслаўны храм
Свята-Параскева-Пятніцкая царква
51°59′36″ пн. ш. 26°59′31″ у. д.
Краіна	Беларусь
Вёска	Беражное
Канфесія	БПЦ
Епархія	Пінская і Лунінецкая епархія
Архітэктурны стыль	беларускае народнае дойлідства
Дата пабудовы	1884 год
Статус	Гісторыка-культурная каштоўнасць Беларусі, шыфр 112Г000674
Медыяфайлы на Вікісховішчы

Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.

Архітэктура

Царква спачатку была трохзрубная. Да квадратнага ў плане асноўнага аб'ёму, завершанага вялікім светлавым чацверыком, прылягаюць прамавугольны ў плане бабінец і пяцігранная алтарная апсіда. Зрубы аб'яднаныя шматсхільным дахам. У канцы XIX — пачатку XX стст. да царквы прыбудаваныя з захаду двух'ярусная званіца, з поўдня прамавугольны ў плане аб'ём, завершаны светлавым васьмерыком. Аб'ём накрыты шатровымі дахамі. Сцены гарызантальна ашаляваныя, вокны прамавугольныя. Унутры ўсе памяшканні злучаныя шырокімі праёмамі.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• Свята-Параскева-Пятніцкая царква (Беражное) на сайце Radzima.org
• Свята-Параскева-Пятніцкая царква (Беражное) на сайце Глобус Беларусі (руск.)
• Свята-Параскева-Пятніцкая царква (Беражное) на сайце «Архіварта»