Свята-Раства-Багародзіцкая царква (Гудзевічы)

Свята-Раства-Багародзіцкая царква — праваслаўны храм у вёсцы Гудзевічы Мастоўскага раёна Гродзенскай вобласці. Помнік архітэктуры рэтраспектыўна-рускага стылю.

Праваслаўная царква
Свята-Раства-Багародзіцкая царква
Гудзевічы. Свята-Раства-Багародзіцкая царква.jpg
53°22′05,29″ пн. ш. 24°10′13,25″ у. д.HGЯO
Краіна Flag of Belarus.svg Беларусь
Аграгарадок Гудзевічы
Канфесія Праваслаўе
Епархія Гродзенская і Ваўкавыская
Благачынне Мастоўскае
Архітэктурны стыль рэтраспектыўна-рускі
Архітэктар Віктар Міхаэліс
Дата пабудовы 1852 год
Асноўныя даты

1877рэканструкцыя царквы

1909дабудавана званіца
Стан дзейнічае
Лагатып Вікісховішча Свята-Раства-Багародзіцкая царква на Вікісховішчы

ГісторыяПравіць

 
Выгляд з боку апсіды.

Першая царква была драўлянай і з’явілася прыкладна ў XVI стагоддзі. У канцы XVII стагоддзя быў пабудаваны новы храм, які пазней перанеслі у вёску Семярэнкі, дзе ён згарэў. Спачатку ён быў праваслаўны, потым стаў уніяцкі. У 1830-я гады царква стала зноў праваслаўнай.

Цяперашняя царква была збудавана ў 1852 годзе па праекце Віктара Міхаэліса[1]. Аднак неўзабаве былі выяўлены расколіны ў сценах — вынік нядобрасумленна выкананых пры мураванні сцен работ. Намаганнямі святара Віктара Абрамовіча ў 1877 годзе былі выкананы работы па перабудове сцен храма, затым зроблены дзве прыбудоўкі, дзякуючы чаму царква прыняла крыжападобную форму[2].

Праект перабудовы ў 1866 годзе распрацаваў архітэктар Уласаў, але не быў зацверджаны, і ў 1873 годзе архітэктар Якуб Фардон склаў новы праект царквы на 700 чалавек. У 1909 годзе архітэктар Вільгельм Срока выканаў праект званіцы[3].

АрхітэктураПравіць

Вырашана прамавугольным аб’ёмам, франтальны фасад якога завершаны двух’яруснай чацверыковай званіцай пад шатром з макаўкай (прыбудавана замест драўлянай). Галоўны ўваход вырашаны старажытнарускім рундуком на здвоеных калонах-дыньках. У тым жа стылі і кілепадобныя ліштвы арачных аконных праёмаў.

Зноскі

  1. Свята-Ражства-Багародзіцкая царква ў в. Гудзевічы. — Мастоўская раённая бібліятэка, 22 лістапада 2018. (бел.) 
  2. Белакоз, А. Музей у Гудзевічах : гісторыка-краязнаўчыя артыкулы. Кніга першая / Алесь Белакоз; уклад. і прадм. С. Чыгрына. — Мінск : Кнігазбор, 2012. — 200 с. ISBN 978-985-7057-12-2. — С. 8—11
  3. Нацыянальны гістарычны архіў Беларусі ў г. Гродна, ф. 8, воп. 2, спр. 1938, арк. 16.

ЛітаратураПравіць

  • Памяць: Гісторыка-дакументальная хроніка Мастоўскага раёна/ Уклад. А. С. Сабасцян. — Мн., 2002. — С.533.
  • Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4. — С. 133

СпасылкіПравіць