Свята-Раства-Багародзіцкая царква (Дубае)
Свята-Раства-Багародзіцкая царква — помнік архітэктуры класіцызму. Пабудаваная ў 1811 г. па фундацыі памешчыцы Клацільды Куржанецкай у в. Дубае Пінскага раёна.
| Праваслаўны храм | |
| Свята-Раства-Багародзіцкая царква | |
|---|---|
 | |
| 52°05′48,43″ пн. ш. 25°46′39,85″ у. д.HGЯO | |
| Краіна |
 Беларусь |
| Вёска | Дубае |
| Канфесія | Праваслаўе |
| Епархія | Пінская і Лунінецкая епархія |
| Архітэктурны стыль | класіцызм |
| Дата пабудовы | 1811 год |
| Статус |
 Гісторыка-культурная каштоўнасць Беларусі, шыфр 112Г000560 |
| Стан | працуе |
 |
|
 Медыяфайлы на Вікісховішчы | |
Асобна пастаўлена драўляная званіца.
У 1903—1973 гг. царква была зачынена, зараз дзейнічае. Помнік рэспубліканскага значэння.
Архітэктура
правіцьМае цэнтрычную аб'ёмна-прасторавую кампазіцыю. Мураваны васьмігранны ў плане асноўны аб'ём увянчаны купалам з дэкаратыўнай галоўкай. Прамавугольныя ў плане алтарная апсіда і бабінец з хорамі накрытыя двухсхільнымі дахамі з франтонамі на тарцах. Сцены бакавых фасадаў завершаныя невысокімі атыкамі. Галоўны ўваход аздоблены дэкаратыўным франтонам з сухарыкамі. Сцены прарэзаныя паўцыркульнымі вокнамі з ажурнымі кратамі, завершаныя прафіляваным карнізам з трыгліфным фрызам. Вуглы будынку апрацаваныя рустам. Прафіляваныя цягі, карніз, фрыз, франтон і іншыя элементы дэкору фасадаў пафарбаваныя ў белы колер.
Інтэр'ер
правіцьУ васьмігранную залу выступаюць падтрыманыя 2 драўлянымі калонамі хоры. Фрэскавая размалёўка 1885 г. выканана ў тэхніцы грызайль Зданевічам. Апсіда вылучана трох'ярусным іканастасам. Алтарная частка і асноўны аб'ём размаляваныя архітэктарскімі кампазіцыямі.
Зноскі
Літаратура
правіць- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі
правіць
На Вікісховішчы ёсць медыяфайлы па тэме Свята-Раства-Багародзіцкая царква (Дубае)- Свята-Раства-Багародзіцкая царква (Дубае) на сайце Radzima.org
- Свята-Раства-Багародзіцкая царква (Дубае) на сайце Глобус Беларусі (руск.)
- Свята-Раства-Багародзіцкая царква (Дубае) на сайце «Архіварта»
