Свята-Раства-Багародзіцкая царква (Парахонск)

Свята-Раства-Багародзіцкая царква — праваслаўны храм у в. Парахонск Пінскага раёна Брэсцкай вобласці.

Праваслаўны храм
Свята-Раства-Багародзіцкая царква
52°13′37,26″ пн. ш. 26°27′12,61″ у. д.
Краіна	Беларусь
Аграгарадок	Парахонск
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	рэтраспектыўна-рускі стыль
Дата пабудовы	1888 год
Статус	Гісторыка-культурная каштоўнасць Беларусі, шыфр 112Г000578
Медыяфайлы на Вікісховішчы

Гісторыя

Абклад абараза «Маці Божая Замілаванне», 1803

Пабудавана ў 1888 г. з дрэва. У 1902 г. пабудавана цагляная царкоўнапрыходская школа.

Архітэктура

Помнік архітэктуры рэтраспектыўна-рускага стылю. Вырашана 3-зрубнай падоўжна-восевай кампазіцыяй: прытвор, малітоўная зала, прамавугольная апсіда. Асноўны кубападобны зруб накрыты пакатым 4-схільным дахам, над якім узведзены светлавы 8-гранны барабан з цыбулепадобным купалам. Над прытворам васьмерыковая званіца, завершаная востраканечным шпілем. Уваход праз ганак у выглядзе утрыраванага 2-слуповага порціка. Гарызантальна ашаляваныя сцены дэкарыраваны разным накладным дэкорам, запазычаным з ордэрнай мураванай архітэктуры: ліштвы з сандрыкамі прамавугольных аконных праёмаў, лапаткі.

Інтэр'ер

У інтэр'еры малітоўная зала мае 2-светлавую прастору, у якую адкрываюцца памяшканні апсіды. У габарытах залы вылучаны прытвор з бакавымі прасвірняй і хрысцільняй.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Раства-Багародзіцкая царква (Парахонск) на сайце Radzima.org
• Свята-Раства-Багародзіцкая царква (Парахонск) на сайце Глобус Беларусі (руск.)
• Свята-Раства-Багародзіцкая царква (Парахонск) на сайце «Архіварта»