Свята-Троіцкая царква (Вялікая Сваротва)

Свята-Троіцкая царква — праваслаўны храм у Беларусі на ўскраіне вёскі Вялікая Сваротва (Баранавіцкі раён, пры выездзе на вёсу Моўчадзь), помнік архітэктуры класіцызму XIX ст. Адзіная ў сучаснай Беларусі царква трохвугольнай у плане формы.

Праваслаўны храм
Свята-Троіцкая царква
53°22′24,29″ пн. ш. 25°46′02,10″ у. д.
Краіна	Беларусь
Вёска	Вялікая Сваротва
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	класіцызм
Дата пабудовы	1823 год
Статус	Гісторыка-культурная каштоўнасць Беларусі, шыфр
Медыяфайлы на Вікісховішчы

Гісторыя

Першая драўляная царка ўзведзена ў XVIII стагоддзі. Новы храм з бутавага каменю і цэглы пабудаваны ў 1823 годзе на сродкі памешчыка Назабытоўскага. У 1886 годзе пастаўлена царкоўнапрыходская школа. Адрэстаўравана ў пачатку XXI стагоддзя. Перад храмам пастаўлена мураваная арачная брама.

2 жніўня 2016 года Пастановай Савета Міністраў Рэспублікі Беларусь царкве нададзены статус гісторыка-культурнай каштоўнасці Беларусі рэспубліканскага значэння.

Архітэктура

Царква ўяўляе сабой цэнтрычнае 3-вугольнае ў плане двухяруснае збудаванне з шатровым верхам і макаўкай. Вуглы вылучаны калонамі і руставанымі лапаткамі, восі граняў па ярусах — арачнымі аконнымі праёмамі з глыбокім адхіламі ў сценах (таўшчыня 1 м). Унутры зала перакрытая плоскай столлю. У 1868 годзе ўстаноўлены іканастас светла-блакітнай афарбоўкі на 13 абразоў.

Літаратура

• Кулагін, А. М. Праваслаўныя храмы Беларусі: Энцыкл. давед. / А. М. Кулагін. — Мінск : Беларус. Энцыкл. ім. П.Броўкі, 2007. — С. 99.
• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• На Вікісховішчы ёсць медыяфайлы па тэме Свята-Троіцкая царква (Вялікая Сваротва)
• Свята-Троіцкая царква (Вялікая Сваротва) на сайце Глобус Беларусі (руск.)
• Свята-Троіцкая царква (Вялікая Сваротва) на сайце Radzima.org