Свята-Узнясенская царква (Лужасна)
Свята-Увазнясенская царква (раней — Свята-Пакроўская царква) — праваслаўны храм у в. Лужасна (Віцебскі раён), па адрасе вул. Лынькова, 22. Помнік архітэктуры рэтраспектыўна-рускага стылю.
| Славутасць | |
| Свята-Увазнясенская царква | |
|---|---|
.jpg) | |
| 55°14′52″ пн. ш. 30°07′45″ у. д.HGЯO | |
| Краіна |
 Беларусь |
| Вёска | Лужасна |
| Канфесія | Беларуская праваслаўная царква |
| Епархія | Віцебская і Аршанская |
| Архітэктурны стыль | рэтраспектыўна-рускі стыль |
| Архітэктар | Уладзімір Фёдаравіч Коршыкаў |
| Дата пабудовы | 1908 год |
| Статус |
 Гісторыка-культурная каштоўнасць Беларусі, шыфр 212Г000895 |
 |
|
Гісторыя правіць
Пабудавана ў 1908 годзе з цэглы па праекце Уладзіміра Коршыкава на ўскраіне вёскі на правым беразе Заходняй Дзвіны.
Архітэктура правіць
Храм кананічнай чатырохчасткавай падоўжна-восевай кампазіцыі: званіца, трапезная, асноўны аб'ём, апсіда. Планіровачная асаблівасць царквы — прыбудова нізкай пяціграннай рызніцы да тарцовай усходняй сцяны апсіды. У сілуэце будынку две дамінанты — асноўны двух'ярусны кубападобны аб'ём з цыбулепадобным купалам на васьмігранным барабане і трох'ярусная (васьмярык на двух чацверыках) шатровая званіца э макаўкай у завяршэнні. Фасады прарэзаныя арачнымі аконнымі праёмамі падвойнымі ў цэнтральным аб'ёме і строенымі ў званіцы. На фоне адкрытай цаглянай муроўкі вылучаюцца пабеленыя элементы дэкору, пазычаныя з арсенала старажытна-рускай архітэктуры: кілепадобныя калонныя ліштвы акон, аркатурныя паясы, філёнгавыя лапаткі, зубчастыя фрызы.
Інтэр'ер правіць
У інтэр'еры пануе прастора галоўнай двухсветлавой залы, у якую шырокімі арачнымі прасветамі раскрываюцца апсіда, бакавыя прыдзелы і трапезная.
Літаратура правіць
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх- Свята-Узнясенская царква (Лужасна) на сайце Radzima.org
- Свята-Узнясенская царква (Лужасна) на сайце Глобус Беларусі (руск.)
- Свята-Узнясенская царква (Лужасна) на сайце «Архіварта»
