Свята-Успенская царква (Бабічы)
Свята-Успенская царква — праваслаўны храм у в. Бабічы (Клецкі раён). Размешчана на могілках. Помнік народнага дойлідства. Пабудавана ў 1863 г. з драўлянага бруса[1]. Да 1990-х гг. не дзейнічала.
| Праваслаўны храм | |
| Свята-Успенская царква | |
|---|---|
| 52°56′32″ пн. ш. 26°32′49″ у. д.HGЯO | |
| Краіна |
 Беларусь |
| Вёска | Бабічы |
| Канфесія | Беларуская праваслаўная царква |
| Епархія | Слуцкая епархія |
| Архітэктурны стыль | беларускае народнае дойлідства |
| Дата пабудовы | 1863 год |
 |
|
Архітэктура правіць
Складаецца з двух прамавугольных ў плане рознавялікіх зрубаў малітоўнай залы і апсіды, якія аб'яднаны нешырокімі скошанымі гранямі сцен і агульным двухсхільным дахам. У месцы спалучэння аб'ёмаў дах мае плаўны пераход, што разам са скошанымі сценамі надае будынку прасторавую пластычнасць. Вільчык даху над уваходам завершаны цыбулепадобнай галоўкай. Галоўны ўваход вылучаны ганкам з двухсхільнай на 2 слупах навіссю. Вуглавыя часткі зрубаў аформлены ў выглядзе пілонаў, якія абмяжоўваюць гарызантальна ашаляваныя фасады. Бакавыя фасады члянёны невялікімі прамавугольнымі аконнымі праёмамі ў простых ліштвах. У інтэр'еры сцены атынкаваны, апсіда вылучана іканастасам простай работы.
Зноскі
- ↑ РДГА, ф.799, воп. 33, спр. 819, арк.114.
Літаратура правіць
- Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх- Свята-Успенская царква (Бабічы) на сайце Radzima.org
- Свята-Успенская царква (Бабічы) на сайце Глобус Беларусі (руск.)
- http://hram.by/churches/view/1028
