Свята-Ушэсцеўская царква (Вялікая Мядзвядка)

Свята-Ушэсцеўская царква — праваслаўны храм у вёсцы Вялікая Мядзвядка Карэліцкага раёна Гродзенскай вобласці. Размешчана на могілках. Пабудавана ў 19 ст. з дрэва. Помнік народнага дойлідства.

Славутасць
Свята-Ушэсцеўская царква
53°22′24,8″ пн. ш. 26°21′42,31″ у. д.
Краіна	Беларусь
Вёска	Вялікая Мядзвядка
Канфесія	Беларуская праваслаўная царква
Епархія	Навагрудская епархія
Архітэктурны стыль	народнае дойлідства
Дата пабудовы	XIX стагоддзе
Медыяфайлы на Вікісховішчы

Архітэктура

Свята-Ушэсцеўская царква

Працяглы прамавугольны ў плане зруб, накрыты двухсхільным дахам. Франтон даху на галоўным фасадзе прарэзаны 1-яруснай чацверыковай званіцай, чатырохсхільнае пакрыццё якой завершана макаўкай. Такой жа макаўкай завершаны вільчык вальмы над алтарнай часткай. Плоскасныя бакавыя фасады сіметрычна расчлянёны арачнымі аконнымі праёмамі і брускамі-сцяжкамі ў прасценках. Плоскасць галоўнага фасада поясам-адлівам расчлянёна на 2 ярусы, 1-ы з якіх прарэзаны шырокім прамавугольным уваходным праёмам, 2-і — паўкруглай люкарнай.

Інтэр'ер

У малітоўнай зале перагародкай вылучаны вузкі прытвор, бакавая лесвіца якога вядзе на хоры.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Ушэсцеўская царква (Вялікая Мядзвядка)
• Свята-Ушэсцеўская царква (Вялікая Мядзвядка) на сайце Праваслаўная архітэктура Беларусі (бел.)
• Свята-Ушэсцеўская царква (Вялікая Мядзвядка) на сайце Radzima.org
• Свята-Ушэсцеўская царква (Вялікая Мядзвядка) на сайце Глобус Беларусі (руск.)