Сезон 2000/2001 «Сожа» Гомель

У сезоне 2000/2001 баскетбольны клуб «Сож» з горада Гомель прымаў удзел:

• Чэмпіянат Беларусі 2000/2001 (8 месца),
• Кубак Беларусі 2000 (групавы этап).

Гісторыя

У сезоне 2000/01 клуб «Сож» быў другім па значнасці баскетбольным клубам Гомеля пасля «Спартака-Кандытара». Лідарамі каманды былі баскетбалісты юніёрскай зборнай Беларусі Уладзімір Верамеенка і Аляксей Мельнікаў, а таксама украінцы Антон Вакуленка і Яўген Кузьменка.

У першай палове сезону каманда ішла на 6-м месце ў чэмпіянаце Беларусі. Але у сярэдзіне сезону па рашэнні гомельскага спартыўнага кіраўніцтва Верамеенка і Мельнікаў былі пераведзены ў «Спартак-Кандытар», пакінулі клуб і украінскія легіянеры. У выніку каманда заняла апошняе 8-е месца ў чэмпіянаце Беларусі і ў наступным сезоне Гомель у Вышэйшай лізе прадстаўляў толькі «Спартак-Кандытар».

Склад каманды

• Яўген Баронаў
• Уладзімір Бяляўскі
• Антон Вакуленка (пакінуў каманду падчас сезону)
• Сяргей Варонежцаў
• Уладзімір Верамеенка (пакінуў каманду падчас сезону)
• Сяргей Гаўрыленка
• Аляксандр Голуб
• Дзяніс Закружны
• Дзмітрый Зотаў
• Андрэй Кавалёў
• Яўген Кузьменка (пакінуў каманду падчас сезону)
• Сяргей Куляшоў
• Андрэй Максімаў
• Ягор Марозаў
• Аляксей Мельнікаў (пакінуў каманду падчас сезону)
• Уладзімір Мільто
• Дзмітрый Пронін

Трэнеры каманды

• Леанід Макарэвіч (галоўны трэнер)
• Ігар Марозаў (пакінуў каманду падчас сезону)

Літаратура

Прессбол №62-63 (1146-1147) от 25-26.04.2001. — Мн.: ЗАО «Прессбол-ТСЖ», 2001. — С. 21. — 24 с.