Сетка (страўнік)

страўнік

Се́тка (reticulum) — другі аддзел страўніка ў жвачных жывёл, размешчаны паміж рубцом і кніжкай.

Стрававальная сістэма каровы: a — стрававод, b — рубец, c — сетка, d — кніжка, e — сычуг, f — тонкая кішка

Слізістая абалонка сеткі ўтварае рухомыя складкі вышынёй 8—12 мм у форме 4—6-вугольных ячэек. Сетка жывёл, за выключэннем Tylopoda (ламы, вярблюды), не мае залоз. Корм у сетцы размочваецца і праходзіць механічную і папярэднюю хімічную апрацоўку пад уздзеяннем бактэрый. Пад уздзеяннем скарачэнняў сценак сеткі і руху складак яе слізістай абалонкі ежа аддзяляецца ад буйных часціц і накіроўваецца ў кніжку. Буйныя часціцы корму вяртаюцца зноў у рубец.

Літаратура правіць

  • Биологический энциклопедический словарь / Гл. ред. М. С. Гиляров; Редкол.: А. А. Баев, Г. Г. Винберг, Г. А. Заварзин и др.. — 2-е изд., исправл.. — М.: Советская энциклопедия, 1989. — 864 с. — 150 600 экз. — ISBN 5-85270-002-9. (руск.)