Скопішча галактык

Скопішчы галактык — гравітацыйна-звязаныя сістэмы галактык, адны з самых вялікіх структур у сусвеце. Памеры скопішчаў галактык могуць дасягаць 10⁸ светлавых гадоў.

Скопішчы ўмоўна падзяляюцца на два віды:

• рэгулярныя — скопішчы правільнай сферычнай формы, у якіх пераважаюць эліптычныя і лінзападобныя галактыкі, з выразна выяўленай цэнтральнай часткай. У цэнтрах такіх скопішчаў размешчаны гіганцкія эліптычныя галактыкі. Прыклад рэгулярнага скопішча — скопішча Волас Веранікі.
• ірэгулярныя — скопішчы без пэўнай формы, якія па колькасці галактык саступаюць рэгулярным. У скопішчах гэтага віду пераважаюць спіральныя галактыкі. Прыклад — скопішча Дзевы.

Масы скопішчаў вар'іруюцца ад 10¹³ да 10¹⁵ мас Сонца.

Гл. таксама

• Каталог скопішчаў галактык Эйбела