Слуцкі Гасцінец (станцыя метро)
Слуцкі Гасцінец (трансліт.: Slucki Hasciniec) — станцыя Зеленалужскай лініі Мінскага метрапалітэна, якая размешчана на скрыжаванні вуліц Кіжаватава і Каржанеўскага. Канцавая станцыя Зеленалужскай лініі. Адкрыта 30 снежня 2024 года[1]. «Слуцкі гасцінец», як і ўсе астатнія станцыі Зеленалужскай лініі, абсталяваны платформеннымі рассоўнымі дзвярыма.
«Слуцкі Гасцінец» руск.: Слуцкий Гостинец | |
|---|---|
Зеленалужская лінія | |
| Мінскі метрапалітэн | |
 | |
| Дата адкрыцця | 30 снежня 2024 |
| Раён | Кастрычніцкі |
| Код станцыі | 310 |
| Суседнія станцыі | Немаршанскі сад |
 Медыяфайлы на Вікісховішчы | |
Гісторыя
правіцьПаводле першапачатковых планаў, першая чарга павінна была складацца з сямі станцый: «Слуцкі гасцінец», «Немаршанскі сад», «Аэрадромная», «Кавальская Слабада», «Вакзальная», «Плошча Францішка Багушэвіча» і «Юбілейная плошча». Яны павінны былі быць пабудаваны да 2017 года. Але затым было абвешчана, што да 2017 будуць пабудаваны толькі 4 станцыі: «Кавальская Слабада», «Вакзальная», «Плошча Францішка Багушэвіча» і «Юбілейная плошча». Станцыі «Аэрадромная», «Немаршанскі сад» і «Слуцкі гасцінец», а таксама дэпо планавалася пабудаваць у рамках другой чаргі пасля 2022 года[2].