Сомік амерыканскі

Сомік амерыканскі, сомік карлікавы (Ameiurus nebulosus) — рыба сямейства самоў-кошак, або кашэчых самоў атраду Сомападобныя (Siluriformes).

Сомік амерыканскі
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Атрад:  Сомападобныя Сямейства:  Самы-кошкі Род:  Ameiurus Від:  Сомік амерыканскі
Міжнародная навуковая назва
Ameiurus nebulosus Lesueur, 1819
Сінонімы
Pimelodus nebulosus Ictalurus nebulosus
Сістэматыка на Віківідах Выявы на Вікісховішчы ITIS   164043 NCBI   27778 EOL   995106

Апісанне

Даўжыня 14—20 да 45 см, маса ад 45—100 г да 2 кг. Цела голае, крыху сціснутае з бакоў, ад жаўтаватага да цёмна-карычневага і чорнага колеру. Бруха светлае, белаватае, зрэдку плямістае. Ёсць альбіносы. Галава вялікая, шырокая. На сківіцах па 2 пары вусікаў. Неразгалінаваныя прамяні ў спінным, грудным і анальным плаўніках калючыя; ёсць тлушчавы плаўнік.

Арэал і экалогія

Пашыраны ў вадаёмах Паўночнай Амерыкі. Завезены ў 1885 годзе ў Заходнюю Еўропу, у 1935 годзе ў заходнія вобласці Беларусі і Украіны. Жыве ў азёрах, рэках, сажалках, у т. л. забалочаных.

Корміцца лічынкамі насякомых, дробнымі малюскамі, водарасцямі, маляўкамі, ікрой іншых рыб.

Літаратура

• Сомік амерыканскі, сомік крапчаты // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 82. — 10 000 экз. — ISBN 985-11-0035-8. — ISBN 985-11-0251-2 (т. 15).
• Азёрныя рыбы // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 48. — 575 с., іл. — 10 000 экз.