Спаса-Праабражэнская царква (Хаціслаў)
Спаса-Праабражэнская царква — праваслаўны храм у в. Хаціслаў (Маларыцкі раён). Помнік драўлянага дойлідства з рысамі стылю барока.
| Праваслаўны храм | |
| Спаса-Праабражэнская царква | |
|---|---|
 | |
| 51°42′29″ пн. ш. 24°05′45″ у. д.HGЯO | |
| Краіна |
 Беларусь |
| Вёска | Хаціслаў |
| Канфесія | Беларуская праваслаўная царква |
| Епархія | Брэсцкая і Кобрынская епархія |
| Архітэктурны стыль | беларускае народнае дойлідства, барока |
| Дата пабудовы | 1799 год |
| Статус |
 Гісторыка-культурная каштоўнасць Беларусі, шыфр 112Г000525 |
 |
|
 Медыяфайлы на Вікісховішчы | |
Пабудавана ў 1799 г. У 1867 г. да царквы прыбудаваная званіца. У 1989 г. царква аддадзеная вернікам (з 1990 г. на рэстаўрацыі).
Архітэктура правіць
.jpg)
Асноўны зруб прамавугольны ў плане са зрэзанымі ў заходняй частцы вугламі і вузкі трохгранны бабінец накрыты агульным двухсхільным дахам з гранёным барочным купалам у цэнтры. Такія ж купалкі ў цэнтры больш нізкага шматсхільнага даху над пяціграннай апсідай і над дзвюма трох’яруснымі вежамі, якія фланкіруюць галоўны фасад. Трох’ярусны галоўны фасад мае прасторавую структуру, па вертыкалі падзелены на тры часткі, размешчаныя пад вуглом адна да адной. Сярэдняя частка завяршаецца трохвугольным франтонам, пакатыя бакавыя нагадваюць валюты мураваных храмаў позняга барока і ракако.
Інтэр’ер правіць
У інтэр’еры дамінуе цэнтральнае памяшканне, перакрытае зрубным люстраным скляпеннем. Бабінец з хорамі пад ім і алтарны зруб маюць плоскасную бэлечную столь. Апсіда вылучана шмат’ярусным разным іканасіасам, створаным у 1830-я гг.
Званіца правіць
Пабач з царквой размешчана трох’ярусная званіца (васьмярык на двух чацверыках), завершаная шатровым дахам з дэкаратыўнымі какошнікамі.
Зноскі
Літаратура правіць
- «Архітэктура Беларусі. Энцыклапедычны даведнік», Мінск 1993
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі правіць
На Вікісховішчы ёсць медыяфайлы па тэме Спаса-Праабражэнская царква (Хаціслаў)- Спаса-Праабражэнская царква (Хаціслаў) на сайце Radzima.org
- Спаса-Праабражэнская царква (Хаціслаў) на сайце Глобус Беларусі (руск.)
- Спаса-Праабражэнская царква (Хаціслаў) на сайце «Архіварта»
