Спаса-Узнясенская царква (Кіявічы)

Спаса-Узнясенская царква — царква ў Кіявічах Капыльскага раёна, пабудаваная ў 1882 годзе.

Славутасць
Царква Узнясення Гасподня
52°59′07,16″ пн. ш. 26°59′40,5″ у. д.
Краіна	Беларусь
Вёска	Кіявічы
Канфесія	Беларуская праваслаўная царква
Епархія	Слуцкая епархія
Будаўніцтва	1878—1882 гады
Статус	Гісторыка-культурная каштоўнасць Беларусі, шыфр 613Г000168
Стан	дзейнічае

Гісторыя

Царква ў першай палове XX ст.

На ўсходняй ускраіне вёскі. Пабудавана ў другой палове 19 ст. на сродкі мясцовых жыхароў з цэглы на месцы храма 1752 года. Да 1990-х гг. знаходзілася ў паўзруйнаваным стане, адноўлена, дзейнічае..

Архітэктура

Падоўжна-восевая кампазіцыя, цаглянай, абтынкаванай Спаса-Узнясенскай царквы складаецца з асноўнага кубічнага аб'ёму, трохапсіднай алтарнай часткі, бабінца з трох'яруснай званіцай. Над асноўным аб'ёмам — васьмігранны светлавы барабан са шлемападобным гранёным купалам. У дэкоры фасадаў выкарыстаны плоскія нішы, розныя профілі, зубчыкі і г. д., характэрныя для неарускага стылю.

Інтэр'ер

Зала храма асветлена трайнымі аконнымі праёмамі барабана, абапёртага праз парусы на магутныя сцены, астатнія памяшканні перакрыты цыліндрычнымі скляпеннямі з распалубкамі.

Царква занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх

• Спаса-Узнясенская царква (Кіявічы) на сайце Radzima.org
• Спаса-Узнясенская царква (Кіявічы) на сайце Глобус Беларусі (руск.)
• Спаса-Узнясенская царква (Кіявічы) на сайце «Архіварта»