Гарадзея (стадыён)

Гарадзея — футбольны стадыён з натуральным пакрыццём у гарадскім пасёлку Гарадзея, Беларусь. Максімальная ўмяшчальнасць — 1625 гледачоў. З’яўляўся хатнім стадыёнам футбольнага клуба «Гарадзея».

Стадыён «Гарадзея»
Былыя назвы	«Цукравік»
Месцазнаходжанне	Беларусь, Гарадзея, вул. Акцябрская, 15
Рэканструяваны	2016
Уладальнік	Гарадзейскі цукровы камбінат
Хатняя каманда	«Гарадзея»
Умяшчальнасць	1 625 месцаў
Памеры поля	105×68
Пакрыццё	натуральнае

Гісторыя

Стадыён належыць спартыўна-аздараўленчаму комплексу ААТ «Гарадзейскі цукровы камбінат» і першапачаткова называўся «Цукравік».

У 2011 годзе была праведзена рэканструкцыя адзінай трыбуны, якая змяшчала 1020 гледачоў.

Пасля выхаду «Гарадзеі» ў Вышэйшую лігу ў 2016 годзе кіраўніцтва камбіната прыняла рашэнне аб новай рэканструкцыі. Поле было пашырана, устаноўлены мачты асвятлення, пабудавана новая трыбуна. Умяшчальнасць стадыёна павялічылася да 1625 месцаў.

Цяпер стадыён мае дзве трыбуны, заходнюю і ўсходнюю, абсталяваны электронным табло, асвятленнем, прэс-ложай. Ёсць аўтамабільная паркоўка. Пакрыццё поля — натуральная трава.

Спасылкі

• Стадыён «Гарадзея» на сайце футбольнага клуба «Гарадзея»
• Профіль стадыёна на pressball.by