Станіслаў Алендскі (сын Багуслава)

Станіслаў Алендскі (? — ?) — вялікалітоўскі дзяржаўны дзеяч.

Станіслаў Алендскі
Род	Алендскія
Бацька	Багуслаў Алендскі
Маці	Соф’я з Незабытоўскіх[d]
Жонка	Соф’я з Бярновічаў[d]
Дзеці	Стэфан-Казімір Алендскі

Біяграфія

Паходзіў са шляхецкага роду Алендскіх герба «Равіч», сын Багуслава і Соф’і з Незабытоўскіх.

Староста дзякаўскі і жыліцкі па прывілеі караля Аўгуста II (1726), гэтае староства за кансэнсам караля Аўгуста III у 1740 годзе перадаў свайму стрыечнаму брату Тэафілу, сыну Юрыя. Судзіўся ў 1741 годзе з рэгентам рэчыцкім Стэфанам Скарынам.

Сям’я

Жонка Соф’я з Бярновічаў герба «Казічкоўскі», ад яе дзеці:

• Багуслаў, староста дзякаўскі і жыліцкі па прывілеі караля Аўгуста III (1750), пасол да элекцыі караля Станіслава Аўгуста. Памёр беспатомным.
• Стэфан Казімір (нар. 1740), староста жыліцкі. У шлюбе з Феліцыянай з Кнабнафаў.
• Людвіка, каля 1770 года ўзяла шлюб з Янам Трокеанам, капітанам яго каралеўскай мосці.
• Юстына;
• Тэафіля;
• Соф’я.

Спасылкі

• Генеалогія роду Алендскіх мачулінскай лініі. «Гербоўнік беларускай шляхты». Т.1. Мінск. 2002. С. 146—151.