Станіслаў Аляксандр Цеханавецкі

Станіслаў Аляксандр Канстанцін Эмануэль Іосіфавіч (Паўлавіч) Цеханавецкі (польск.: Stanisław Aleksander Konstanty Emanuel Ciechanowiecki; 18 снежня 1853, в. Бачэйкава — 5 студзеня 1918) — дыпламат.

Станіслаў Аляксандр Цеханавецкі
Нараджэнне	18 (30) снежня 1853 Бачэйкава, Лепельскі павет, Віцебская губерня, Расійская імперыя
Смерць	6 студзеня 1918(1918-01-06) (64 гады) Марсель, дэпартамент Буш-дзю-Рон, Францыя
Месца пахавання	Версаль
Род	Цеханавецкія
Бацька	Павел Юзаф Цеханавецкі[d]
Маці	Аляксандра з Рызнічаў[d]
Адукацыя	Стоўніхёрст-каледж[d] Мікалаеўскае кавалерыйскае вучылішча[d]
Узнагароды

Біяграфія

Паходзіў з магнацкага роду Цеханавецкіх герба «Дуброва». Нарадзіўся ў сям’і Юзафа Паўла Цеханавецкага і Александрыны з Рызнічаў.

Атрымаў адукацыю ў Парыжы, у англійскім Стоўніхёрсце і ў пецярбургскім элітным Мікалаеўскім кавалерыйскім вучылішчы. У 1872—1877 гадах служыў унтэр-афіцэрам у царскай арміі, удзельнічаў у руска-турэцкай вайне 1877—1878 гадоў.

З 1880 г. дыпламат. З 1908 года генеральны консул у Марселі. Правадзейны стацкі саветнік. У 1916 годзе быў звольнены і выйшаў на пенсію без права на эмерытуру. Памёр праз два гады і быў пахаваны ў Версалі ў пахавальні сям’і Фарсанс (Forsanz).

Узнагароды

• Ордэн Святой Ганны 2-й ступені (1907, Расія)
• Медаль «У памяць руска-турэцкай вайны 1877—1878» (1878, Расія)
• Ордэн Збавіцеля 5-й ступені (1888, Грэцыя)
• Ордэн Такоўскага крыжа (1889, Сербія)
• Ордэн Князя Данііла I 4-й ступені (1889, Чарнагорыя)
• Ордэн Камбоджы 4-й ступені (1890, Францыя)
• Ордэн Цэрынгенскага льва (1891, Бадэн)
• Ордэн Беззаганнага зачацця Дзевы Марыі Віла-Вісозскай 1-й ступені (1901, Партугалія)
• Ордэн Ізабелы Каталіцкай 2-й ступені (1909, Іспанія)

Літаратура

• Станіслаў Думін. Цеханавецкія // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 616 с. — 10 000 экз. — ISBN 985-11-0276-8.