Станіслаў Вільгельм Радзівіл

Станіслаў Вільгельм Радзівіл (6 лютага 1880, Берлін — 28 красавіка 1920, у баі пад Малінам ва Украіне) — расійскі і польскі ваенны дзеяч.

Станіслаў Вільгельм Радзівіл
польск.: Stanisław Wilhelm Radziwił
Трубы
Нараджэнне	6 лютага 1880(1880-02-06) Берлін, правінцыя Брандэнбург, каралеўства Прусія, Германская імперыя
Смерць	28 красавіка 1920(1920-04-28) (40 гадоў) Малын, Жытомірская вобласць, Украіна
Месца пахавання	Крыпта-пахавальня Радзівілаў
Род	Радзівілы
Бацька	Антоні Вільгельм Радзівіл
Маці	Марыя дэ Кастэлян
Жонка	Далорэс з Радзівілаў[d]
Дзеці	Ганна з Радзівілаў[d]
Дзейнасць	афіцэр
Узнагароды

Біяграфія

З роду Радзівілаў. Сын Антонія Вільгельма.

Пасля смерці бацькі ў 1904 годзе стаў уладальнікам Давыд-Гарадоцкай ардынацыі, прыняў расійскае падданства. Стаў членам Мінскага таварыства сельскай гаспадаркі.

Удзельнік руска-японскай вайны 1904—1905 гадоў, 1-й сусветнай вайны. Пасля Лютаўскай рэвалюцыі (1917) добразычліва адносіўся да беларускага нацыянальнага руху. У сакавіку 1917 года вітаў з'езд беларускіх нацыянальных арганізацый. Адзін з заснавальнікаў польскай Нацыянальна-кансерватыўнай партыі ў Петраградзе (кастрычнік 1917), сакратар арганізацыі партыі ў Мінску. У лютым 1919 года ўступіў у 3-і полк уланаў у складзе Літоўска-беларускай дывізіі. Ад’ютант Вярхоўнага галоўнакамандуючага польскай арміяй Юзафа Пілсудскага. Загінуў у баі на Украіне.

Некралог пра Станіслава Радзівіла ў газеце «Słowo» (№ 251), размешчаны пасля візіту Юзафа Пілсудскага ў Нясвіж на сустрэчу з віленскімі кансерватарамі (25.10.1926)

Літаратура

• Шышыгіна-Патоцкая, К. Нясвіж і Радзівілы / К. Шышыгіна-Патоцкая. — Мн.: Беларусь, 2007.
• Каралёнак У. Заснаванне Давыд-Гарадоцкай ардынацыі і сваяцкія сувязі яе ардынатаў // ? — С. ?.
• Список членов Минского общества сельского хозяйства . ... на 1 декабря 1914 года. — Типография Я. А. Гринблата, [1914?]. — 40 с.