Станіслаў Ксаверый Прушынскі

Станіслаў Ксаверый Прушынскі
Станіслаў Ксаверый Прушынскі
	; Любіч
падкаморы менскі[d]
дэпутат Трыбунала Вялікага Княства Літоўскага[d]
	1789 — 1790
Нараджэнне	каля 1768
Смерць	24 красавіка 1813; Лошыца, Мінскі павет, Мінская губерня, Расійская імперыя;
Месца пахавання	Лошыца;
Род	Прушынскія
Бацька	Антоній Прушынскі[d]
Маці	Багуміла з Грабоўскіх[d]
Жонка	Ганна з Сямашкаў[d]
Дзеці	Станіслава Тэкля з Прушынскіх[d], Яўстах Прушынскі і Фелікс Раймунд Прушынскі
Узнагароды

Станіслаў Ксаверый Прушынскі (польск.: Stanisław Ksawery Prószyński; каля 1768 — 24 красавіка 1813, маёнтак Лошыца^[1]) — ураднік Вялікага Княства Літоўскага.

Біяграфія

Прадстаўнік старажытнага шляхецкага роду Прушынскіх герба «Любіч». Нарадзіўся каля 1768 года ў сям’і Антонія Прушынскага, падкаморыя менскага^[1].

Падкаморы менскі (1775), дэпутат і пісар Галоўнага Трыбунала ВКЛ у 1789—1790 гг., з 1792 года ротмістр 29-й харугвы 2-й (пяцігорскай) брыгады нацыянальнай кавалерыі войскаў ВКЛ^[1].

Кавалер Ордэна Св. Станіслава^[1].

Памёр 24 красавіка 1813 года ў маёнтку Лошыца, пахаваны там жа^[1].

Сям’я

У шлюбе з Ганнай з Сямашкаў (каля 1770 — 31 мая 1820, двор Лошыца, пахавана ў маёнтку Новы Двор), дачкой Андрэя Сямашкі (да 1741—1777)^[1]. Дзеці^[1]:

Яўстах (каля 1798 — 4 сакавіка 1877), мінскі губернскі маршалак шляхты. Не пакінуў нашчадкаў;
Людвіг Ірыней (26 жніўня 1796, двор Лошыца — пасля 1820). Не пакінуў нашчадкаў;
Прот Фелікс Раймунд (1799, маёнтак Лошыца — 19 студзеня 1849, Гент, Бельгія), удзельнік паўстання 1830—1831 гадоў, падпалкоўнік бельгійскіх войскаў (1832). Не пакінуў нашчадства;
Станіслава (пам. пасля 19 кастрычніка 1827), якая пабралася шлюбам 26 лютага 1818 у Лошыцы з Янам Віктаравічам Любанскім (каля 1772 — пасля 19 кастрычніка 1827), уладальнікам маёнтка Любань Вілейскага павета.

Маёнткі

Валодаў маёнткамі Новы Двор, Трасцянец і Лошыца ў Менскім ваяводстве Вялікага Княства Літоўскага, а пазней у Мінскім павеце Мінскай губерні Расійскай імперыі.

Крыніцы

↑ ^а ^б ^в ^г ^д ^е ^ё ПРОШИНСКИЙ (ПРУШИНСКИЙ) Евстафий Станиславович // Минские губернаторы, вице-губернаторы и губернские предводители дворянства (1793-1917) : биографический справочник / сост. Ю.Н. Снапковский; редкол.: В.И. Адамушко [и др.]. — Минск: Беларусь, 2016. — 398 с. — ISBN 978-985-01-1200-2.

[МГ-1] а ^б ^в ^г ^д ^е ^ё ПРОШИНСКИЙ (ПРУШИНСКИЙ) Евстафий Станиславович // Минские губернаторы, вице-губернаторы и губернские предводители дворянства (1793-1917) : биографический справочник / сост. Ю.Н. Снапковский; редкол.: В.И. Адамушко [и др.]. — Минск: Беларусь, 2016. — 398 с. — ISBN 978-985-01-1200-2.

[1]