Станіслаў Міхайлавіч Лукашэвіч

Станісла́ў Міха́йлавіч Лукашэ́віч (7 лютага 1935, в. Валоўшчына Мінскага раёна, БССР — 20 снежня 2011, Мінск) — старшыня Мінскага гарадскога выканаўчага камітэта са жніўня 1977 года па студзень 1980 года.

Станіслаў Міхайлавіч Лукашэвіч
Старшыня Мінскага гарадскога выканаўчага камітэта жнівень 1977 — студзень 1980
Кіраўнік урада	Ціхан Кісялёў Аляксандр Аксёнаў
Папярэднік	Генадзь Барташэвіч
Пераемнік	Георгій Таразевіч
Нараджэнне	7 лютага 1935(1935-02-07) Валоўшчына, Заслаўскі раён, Менская акруга, БССР, СССР
Смерць	2011 Мінск, Беларусь
Партыя	КПСС
Адукацыя	БНТУ Мінская вышэйшая партыйная школа
Узнагароды	Медаль «У азнаменаванне 100-годдзя з дня нараджэння Уладзіміра Ільіча Леніна»

Біяграфія

Скончыў Беларускі політэхнічны інстытут (сучасны БНТУ) у 1983 годзе.

Працоўную дзейнасць пачаў у 1956 годзе тэхнікам праектнага інстытута «Белгіпраторф». Працаваў на будоўлях Мінска. Быў сакратаром Мінскага гаркама КПБ.

У 1977—1980 гадах — старшыня выканкама Мінскага гарадскога Савета народных дэпутатаў.

3 1980 па 1992 год — намеснік міністра мантажных і спецыяльных будаўнічых работ БССР.

З 1992 па 1994 год — намеснік кіраўніка канцэрна «Белбудмантаж».

З 1994 па 1998 год — намеснік кіраўніка дзяржаўнага канцэрна «Белмантажспецбуд».

З 1998 года па 2011 год Станіслаў Міхайлавіч працаваў у закрытым акцыянерным таварыстве «Інвест-сістэм», узначальваючы ў апошнія гады Савет дырэктараў гэтага прадпрыемства.

Спасылкі

• Некралог. (руск.). Вячэрні Мінск (22 снежня 2011).(недаступная спасылка)
• Кацярына Васільева. Кожнаму ноша свая .... (руск.). 21.by (25 лістапада 2013).