Адкрыць галоўнае меню

Станіслаў Паўлавіч Мікуцкі

Станіслаў Паўлавіч Мікуцкі (26 кастрычніка (7 лістапада) 1814, в. Ленкія, Беластоцкая вобласць — 25 жніўня (6 верасня) 1890), расійскі філолаг-славіст. Ганаровы доктар філалагічных навук (1878)[1].

Станіслаў Паўлавіч Мікуцкі
Дата нараджэння 7 лістапада 1814(1814-11-07)
Месца нараджэння в. Ленкія, Беластоцкая вобласць
Дата смерці 6 верасня 1890(1890-09-06) (75 гадоў)
Род дзейнасці вучоны
Навуковая сфера філалогія
Месца працы
Альма-матар Маскоўскі ўніверсітэт

Скончыў гістарычна-філалагічны факультэт Маскоўскага універсітэта (1851)[1]. 3 1863 працаваў у Варшаўскай бібліятэцы. У 1873—1888 дацэнт Варшаўскага універсітэта. У 1853—1856 па даручэнні Пецярбургскай АН даследаваў беларускія і літоўскія гаворкі, збіраў беларускі фальклор[1]. Вынікам экспедыцый Мікуцкага сталі 9 навуковых справаздач, апублікаваных Аддзяленнем рускай мовы і славеснасці АН у 1853—1856, «Спроба літоўска-рускага слоўніка» (1854) і інш. Даследаваў сувязь славянскіх моў з балтыйскімі, з мовамі германскай, кельцкай, індаеўрапейскай груп. 3 сабраных матэрыялаў у 1855 склаў слоўнік на 2010 слоў. Аўтар прац «Абласныя словы беларускіх старцаў» і «Беларускія песні і загадкі, запісаныя ў Віцебскай губерні ў маёнтку Зябкі Дрысенскага павета» (1853)[1].

Зноскі

  1. 1,0 1,1 1,2 1,3 т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

ЛітаратураПравіць