Старая ратуша (Хемніц)

Старая ратуша (ням.: Altes Rathaus) у Хемніцы — ратуша, пабудаваная ў 1496—1498 гадах на месцы драўляных будынкаў. Выкарыстоўваецца як рэзідэнцыя бургамістра.

Славутасць
Старая ратуша
50°49′57″ пн. ш. 12°55′08″ у. д.
Краіна	Германія
Месцазнаходжанне	Zentrum[d]
Дата заснавання	1498
Медыяфайлы на Вікісховішчы

Рашэнне пра будаўніцтва каменнай ратушы было прынята пасля пажараў 1379, 1389 і 1395 гадах. Новы будынак быў пабудаваны каля царквы Святога Якава. Побач з ратушай неўзабаве вырас гарадскі рынак. Будынак неаднаразова перабудоўваўся, найбольш значна — пасля пажару ў лістападзе 1617 года. Да 1620 года была завершана вежа ратушы.

Партал

Сучасны выгляд у стылі барока ратуша атрымала ў 1746 годзе па праекце архітэктара Іагана Готліба Ондарфа. У 1907—1911 гадах да ратушы быў прыбудаваны будынак Новай ратушы. Такім чынам, абедзве ратушы складаюць адзіны архітэктурны ансамбль. У 1921 годзе ў будынку зноў адбыўся пажар, а падчас бамбардзіровак Другой сусветнай вайны абедзве ратушы былі практычна разбураны. Канчаткова Старая ратуша была адноўлена толькі ў 1980-я гады, хоць асноўная частка была рэканструявана ў 1950-х гадах.

Сёння адна з веж выкарыстоўваецца як назіральная пляцоўка.

Спасылкі

• На Вікісховішчы ёсць медыяфайлы па тэме Старая ратуша (Хемніц)
• (ням.)Historisches Chemnitz. Der Markt Архівавана 26 сакавіка 2011.
• (ням.)Die Neef’schen Tuchmacher in Chemnitz