Стронга радужная

	Стронга радужная
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Другаснаротыя
Тып:	Хордавыя
Падтып:	Пазваночныя
Інфратып:	Сківічнаротыя
Клада:	Рыбы
Надклас:	Касцявыя рыбы
Клас:	Прамянёвапёрыя рыбы
Падклас:	Навапёрыя рыбы
Інфраклас:	Касцістыя рыбы
Атрад:	Ласосепадобныя
Сямейства:	Ласасёвыя
Падсямейства:	Ласасёвыя
Род:	Ціхаакіянскія ласосі
Від:	Стронга радужная
Міжнародная навуковая назва
	Oncorhynchus mykiss Walbaum, 1792
Сінонімы
	Parasalmo clarkii; Parasalmo penshinensis; Salmo clarki; Salmo mykiss; Salmo penshinensis; Salmo gairdneri Richardson;
ITIS	161989
NCBI	8022
EOL	205250

Стронга радужная, стронга вясёлкавая (Oncorhynchus mykiss) — рыба сямейства ласасёвых.

АпісаннеПравіць

Даўжыня цела 50—90 см, маса да 2, радзей 6 кг. Падобна да стронгі ручаёвай, адрозніваецца больш доўгім целам, выемчатым хваставым плаўніком, шырокай радужнай палосай уздоўж бакавой лініі, адсутнасцю на целе чырвоных плямін.

ПашырэннеПравіць

Аселая форма. Пашырана ў горных рэках, ручаях, азёрах ціхаакіянскага ўзбярэжжа Паўночнай Амерыкі. Часам лічыцца падвідам або прэснаводнай формай ціхаакіянскага стальнагаловага ласося (Salmo gairdneri). Акліматызавана ў Еўропе, Аўстраліі, Новай Зеландыі, Паўднёвай Афрыцы, на Мадагаскары. Аб'ект сажалкавай рыбагадоўлі.

Асаблівасці біялогііПравіць

Корміцца воднымі беспазваночнымі, дробнай рыбай і насякомымі; у сажалкавых гаспадарках — спецыяльна прыгатаваным кормам.

Тэмпературны оптымум каля 20 °С. Палавая спеласць на 3—4-м годзе жыцця. У прыродных умовах нерастуе ў сакавіку—красавіку на ўчастках з камяністым грунтам, ікру закопвае ў гальку. Плоднасць 1,6—2 тыс. ікрынак на 1 кг масы цела. Развіццё ікры каля 1,5—2 месяцаў.

ПромыселПравіць

Мяса цэніцца як дыетычны прадукт.

ЛітаратураПравіць

Жукаў П.. Стронга радужная // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз.